Bawˇtsahˬ 9:12 - Akha

¹² Dzaˇ kʼoeˇ deuˬ yawˬ nah yawˬ uˬ bya maˬ ya bi jaˆ bya-eu uˬ taꞈ, jeˬ zaˬ-euˬ shaˬ yoeˬ kʼawꞈ ma ya laˆ kʼehꞈ-a. Zahˇ sahˇ kʼoꞈ kʼaˇ jaˆ-eu loꞈ-ehˇ tsaˬ ni Baˬsaˬkaˬ bawˬ-iˬ ya gʼeh meh.

Bawˇtsahˬ 9:12 ပူးပေါင်းရင်းမြစ်များ

Doˆ-iˇ 12:10

Uˬ bya maˬ bya laˇ mi naˆ-ehˇ dawˬ tawˆ luꞈ ya dzaˬ jiˇ-awˇ, maˬ dzaˬ jiˇ coeˇ ni kʼaˇ dzeˇ laˇ-euˬ dawˬ tawˆ luꞈ, miˬ dzaˬ ya keuˬ dzeh jiˇ meh.

Doˆ-iˇ 12:43

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Heu-aˬ, Baˬsaˬkaˬ Bawˬ-iˬ dzaˬ gaˇ taꞈ leˇ-eu zahˇ sahˇ kʼoꞈ pyeuꞈ-eu meh. Baˬsaˬkaˬ Bawˬ-iˬ dzaˬ gaˇ, aˬ cawˬ tsawˇ jeuˬ deuˬ maˬ ya uˇ leˇ-a.

Doˆ-iˇ 12:46

Bawˬ-iˬ heu hmˬ dzaˬ-eu gʼaˇ duˬ laˆ saˆ taˬ-euˬ dzaˬ byawˇ-ahˇ, nymˇ laꞈ kʼoeˇ tehꞈ-ehˇ ya dzaˬ jiˇ meh. Laꞈ nyiˇ paw yuˇ doˆ-awˇ maˬ ya dzaˬ-a. Bawˬ-iˬ dzaˬ luꞈ ngeh, shaˬ yoeˬ maˬ ya laˆ kʼehꞈ-a.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 40:38

Aˬ yawꞈ maꞈ doe doe-ehˇ jawˇ jawˇ-ehˇ cah-euˬ aˇ nah aˇ yamˬ laꞈ kʼoeˇ, Sahˬpaˬ Miˬyehˇ jawˇ-eu saˇ kiˇ pyeuꞈ-eu mˬ dmˇ kʼoeˇ, nah gʼahˇ paw Sehˬ gʼawˆ kʼoeˇ taˆ jaˆ-awˇ, uˬ ciꞈ paw mˬ dmˇ laꞈ kʼoeˇ miˬ dzaˬ doꞈ luꞈ-eu meh.

Bawˇtsahˬ 9:3

Ba la heu siˬ tseˇ oeˬ nah uˬ ciꞈ uˬ taw paw aˇ dahˬ beh-awˇ, zahˇ sahˇ kʼoꞈ kʼaˇ jaˆ-eu loꞈ-ehˇ Iˇsaˬleˬlaˆ tsawˇ haˬ deuˬ Baˬsaˬkaˬ Bawˬ-iˬ ya gʼeh meh.”

Yoˇhaˬ 19:36

“Aˬ yawꞈ-euˬ shaˬ yoeˬ tiˬ kahˬ-iˬ ma ya kʼehꞈ-iˇ-aˇ” lehˇ Jaˇliꞈ laꞈ kʼoeˇ ehˇ taˬ-euˬ dawˬ kʼoeˇ dawˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh.