Bawˇtsahˬ 8:26 - Akha

²⁶ Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.”

Bawˇtsahˬ 8:26 ပူးပေါင်းရင်းမြစ်များ

1 Laˬsaˬbaˬ 23:32

Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.

Yeˬsaˬgeˬlaˇ 44:11

Uˬ duˬ tahˬ nymˇ nymˇ ma-euˬ lahˇ kʼehˬ-ahˇ loꞈ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ jaˆ-eu gaˇ deuˬ aˬ yawꞈ maꞈ-ahˇ ngaˇ bi mˇ ma. Miˇ kʼahˬ zaˬ deuˬ miˬ dzaˬ dzah puiˆ-awˇ lawˇ-eu jeˬ lawˇ laˇ ngeh hawˇ-eu, lawˇ-eu shehˇ-eu jeˬ kʼaˇ mˇ laˇ ngeh, aˬ yawꞈ maꞈ jeˬ zaˬ sehꞈ nehˬ-eu gaˇ mˇ nya tehꞈ-a.

Yeˬsaˬgeˬlaˇ 44:8

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ-ahˇ doˇ-eu gaˇ deuˬ-ahˇ aˬ yawꞈ maꞈ maˬ mˇ ni, aˬ cawˬ tsawˇ jeuˬ-ahˇ kʼehˇ doˇ nehˬ-awˇ bi mˇ-euˬ meh.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 18:4

Aˬ yawꞈ maꞈ nawˬ nehˬ-ehˇ gaˇ mˇ-eu laꞈ kʼoeˇ, Sehˬ gʼawˆ laꞈ kʼoeˇ jaˆ-eu gaˇ deuˬ-ahˇ ya mˇ meh. Ehˇ kʼawꞈ, maˬ geuˇ-eu tsawˇ haˬ deuˬ-ahˇ nawˬ nehˬ-ehˇ gaˇ maˬ ya bi mˇ-a.

Bawˇtsahˬ 3:32

Leˬbiˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, piˇ ma Aˬloˬ-euˬ aˬ li Eˇlaˬzaˬ meh. Muiˬ-eu shawˇ-eu jawˇ duˬ laꞈ kʼoeˇ gaˇ mˇ-eu tsawˇ haˬ deuˬ-ahˇ aˬ yawꞈ ya haw ya pyaˆ-eu meh.

Bawˇtsahˬ 31:30

Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ tseˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ tseˇ mawˇ-euˬ tiˬ mawˇ maˬ ehˇ, taꞈ uiˬ-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ-awˬ.”

Bawˇtsahˬ 8:25

Ehˇ kʼawꞈ, aˇ kʼoꞈ ngaˬ tseˇ byah laˇ naˇ, gaˇ maˬ paˇ mˇ ni ya naˬ meh.

1 Tiˆmoˇseˬ 4:15

Nawˇ gaˇ mˇ-eu huiˬ laˇ mahˇ laˇ luꞈ gaˇ tsawˇ haˬ dawˬ tawˆ luꞈ ya mawˇ ni, kʼoeˇ deuˬ dawˬ tawˆ luꞈ-ahˇ nui ma gʼawˇ mawˇ keuˆ-eu laꞈ kʼoeˇ mˇ dzaw shaˇ dzaw-awˬ.