Bawˇtsahˬ 8:11 - Akha

¹¹ Kʼoeˇ naˇ, Leˬbiˇ tsawˇ haˬ deuˬ-ahˇ ngaˬ-euˬ gaˇ bi mˇ-eu gʼaˇ duˬ Iˇsaˬleˬlaˆ tsawˇ haˬ deuˬ neh damˬ nehˬ laꞈ-euˬ laꞈ sawˬ loꞈ-ehˇ, Aˬloˬ neh ngaˬ-ahˇ ya bi a nehˬ laꞈ meh.

Bawˇtsahˬ 8:11 ပူးပေါင်းရင်းမြစ်များ

Doˆ-iˇ 29:24

Dzaˬ dzaˬ dawˇ dawˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ bi yuˇ-awˇ, muiˬ dui dui-eu laꞈ sawˬ damˬ-eu loꞈ-ehˇ ngaˬ-ahˇ damˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ.

Uˬ duˬ 7:30

Laꞈ sawˬ kʼoeˇ yawˬ ha-euˬ aˬ laꞈ neh yuˇ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ ya damˬ laˇ meh. Jeˬ zaˬ kʼoeˇ mawˇ-euˬ tsiˇ hawˇ-eu kʼahˬ yuˇ laꞈ-awˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ-ahˇ ya damˬ nehˬ laˇ meh.

Uˬ duˬ 7:34

Muiˬ-eu laꞈ sawˬ pyeuꞈ-eu kʼahˬ hawˇ-eu, muiˬ-eu damˬ-eu jeˬ pyeuꞈ-eu saˬ pyaˬ aˇ maˇ paw pyaˬ-ahˇ, Iˇsaˬleˬlaˆ tsawˇ haˬ deuˬ-euˬ laꞈ-ahˇ neh Sahˬpaˬ Miˬyehˇ yuˇ-awˇ, piˇ ma deuˬ-ahˇ biꞈ-eu meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ piˇ ma deuˬ-ahˇ ya biꞈ-eu jeˬ pyeuꞈ-eu meh.

Uˬ duˬ 8:27

Dzaˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ-euˬ aˬ laꞈ laꞈ kʼoeˇ aˬ yawꞈ dawˆ ahˇ nehˬ-awˇ, dzaˇ kʼoeˇ deuˬ-ahˇ aˬ yawꞈ maꞈ bi ciˬ nyeh-awˇ muiˬ dui dui-eu laꞈ sawˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ meh.

Uˬ duˬ 8:29

Kʼoeˇ naˇ, yawˇ kʼoeˇ mawˇ-euˬ kʼahˬ Moˇseˬ yuˇ-awˇ, muiˬ dui dui-eu laꞈ sawˬ Sahˬpaˬ Miˬyehˇ-ahˇ biꞈ nehˬ-euˬ meh. Kʼoeˇ-aˬ, a nehˬ-eu gʼaˇ duˬ sehꞈ-euˬ yawˇ kʼoeˇ mawˇ laꞈ kʼoeˇ, Moˇseˬ-ahˇ oꞈ-eu shaˬ bymˇ meh. Sahˬpaˬ miˬyehˇ neh dawˬ biꞈ taˬ-euˬ loꞈ-ehˇ, yawˬ jeˬ na luꞈ Moˇseˬ mˇ-euˬ meh.

Bawˇtsahˬ 6:20

Kʼoeˇ naˇ, piˇ ma gʼaˬ kʼoeˇ deuˬ paˇ yuˇ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kʼoeˇ deuˬ uˬ taꞈ, yawˇ aˬ buˬ kʼoeˇ mawˇ-euˬ kʼahˬ hawˇ-eu aˬ kuiˇ-aˬ, zahˇ dawˬ kʼoꞈ dawˬ jaˆ-euˬ loꞈ-ehˇ, piˇ ma gʼaˬ-euˬ shaˬ bymˇ pyeuꞈ-eu muiˬ-eu shawˇ-eu lawˇ-eu jeˬ meh. Kʼoeˇ loꞈ-ehˇ mˇ gʼaˬ ngeh, Naˬzaˬliˇ tsawˇ haˬ kʼoeˇ gʼaˬ aˬ gaꞈ dzaˇ uiˇ dawˇ nya meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.