Bawˇtsahˬ 7:86 - Akha

⁸⁶ Yaw saw jeˬ dawˆ ahˇ taˬ-euˬ shuiˇ kʼmˬ maˬ kʼoeˇ tseˇ nyiꞈ kʼmˬ-aˬ, aˬ yawꞈ kʼmˬ yawꞈ kaˇ-ahˇ tsaˬ-awˇ, shiꞈ ja byah-eu meh. Shuiˇ kʼmˬ maˬ kʼoeˇ deuˬ dawˬ tawˆ luꞈ yehꞈ kaˇ oeˬ ja byah-eu meh.

Bawˇtsahˬ 7:86 ပူးပေါင်းရင်းမြစ်များ

1 Sahˬpaˬ 7:50

shuiˇ neh jahˇ taˬ-euˬ kʼmˬ maˬ deuˬ, shuiˇ neh jahˇ taˬ-euˬ tsiˇ kʼmˬ laˆ saˆ doꞈ-eu shuiˇ daˇ ceh deuˬ, shuiˇ naˬ bo deuˬ, yaw saw jeˬ doꞈ taˬ-euˬ shuiˇ kʼmˬ maˬ deuˬ, miˬ jiˆ pehˆ ahˇ-eu shuiˇ mui za deuˬ, Muiˬ dui shawˇ dui dui-eu jawˇ duˬ-ahˇ uˇ leˇ-eu laˇ gʼoˆ-ahˇ zmˬ-eu gʼaˇ duˬ hawˇ-eu, Uˬ duˬ tahˬ nymˇ nymˇ ma-ahˇ uˇ leˇ-eu laˇ gʼoˆ-ahˇ zmˬ-eu gʼaˇ duˬ shuiˇ naˬ joˆ deuˬ meh.

Doˆ-iˇ 25:29

Aˬ gaꞈ dzaˇ uiˇ lawˇ ngeh zmˬ-eu gʼaˇ duˬ, hawˬ gʼawˆ, kʼmˬ maˬ, ciˬ cuˇ hawˇ-eu, naˬ bo deuˬ jahˇ taˬ-awˬ. Kʼoeˇ deuˬ dawˬ tawˆ luˬ-ahˇ kʼawꞈ, maˇ jawˆ ni gʼeh-eu shuiˇ neh tehꞈ-ehˇ jahˇ-awˬ.

Doˆ-iˇ 30:13

Tsawˇ seˬ yuˇ ngeh tsawˇ myahˇ kʼaˇ dawˆ-euˬ tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ pyuˇ ya dawˆ meh. Tsawˇ haˬ yawˬ gʼaˬ na luꞈ, kʼoeˇ loꞈ-ehˇ pyuˇ dawˆ-awˇ, ngaˬ-ahˇ ya damˬ meh.

Bawˇtsahˬ 7:85

Pyuˇ naˬ bo aˬ yawꞈ bo yawꞈ gʼoeˬ kaˇ byah-awˇ, pyuˇ sehˇ byehˇ aˬ yawꞈ byehˇ yawꞈ ngaˬ kaˇ byah-eu meh. Pyuˇ naˬ bo hawˇ-eu pyuˇ sehˇ byehˇ dawˬ tawˆ luꞈ, kaˇ-ahˇ tsaˬ ni nyiˬ heˇ oeˬ yaˇ jawꞈ-i byah-eu meh.

Bawˇtsahˬ 7:87

Dzaˬ la gʼo cehˇ lawˇ-eu jeˬ nehˬ-ehˇ tiˬ kawˆ loꞈ-ehˇ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ dawˬ tawˆ luꞈ, mawˇ neˇ mawˇ gaw zaˬ tseˇ nyiꞈ mawˇ, yawˇ aˬ buˬ tseˇ mawˇ hawˇ-eu tiˬ myaˇ byah-eu yawˇ zaˬ aˬ buˬ tseˇ nyiꞈ mawˇ byah-eu meh. Iˬ baˇ shawˇ-eu lawˇ-eu jeˬ lawˇ-eu gʼaˇ duˬ ciꞈ myehꞈ ciꞈ buˬ tseˇ nyiꞈ mawˇ meh.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.