Bawˇtsahˬ 7:85 - Akha

⁸⁵ Pyuˇ naˬ bo aˬ yawꞈ bo yawꞈ gʼoeˬ kaˇ byah-awˇ, pyuˇ sehˇ byehˇ aˬ yawꞈ byehˇ yawꞈ ngaˬ kaˇ byah-eu meh. Pyuˇ naˬ bo hawˇ-eu pyuˇ sehˇ byehˇ dawˬ tawˆ luꞈ, kaˇ-ahˇ tsaˬ ni nyiˬ heˇ oeˬ yaˇ jawꞈ-i byah-eu meh.

Bawˇtsahˬ 7:85 ပူးပေါင်းရင်းမြစ်များ

1 Laˬsaˬbaˬ 22:14

Uˬ duˬ tahˬ nymˇ nymˇ ma tsoˆ-eu gʼaˇ duˬ, shuiˇ nyiˬ lam oeˬ seh jawꞈ-i hawˇ-eu, pyuˇ nyiˬ tseˇ oeˬ lam jawꞈ-i ngaˇ poˆ uiˬ taˬ-euˬ ma. Kʼoeˇ uˬ taꞈ, guiˬ shuiˇ hawˇ-eu shmˇ maˬ ehˇ jiˇ coeˇ ni jaˆ-eu ma. Daˇ kawˬ hawˇ-eu kʼaˬ lo deuˬ kʼawꞈ, ngaˇ lehˬ hmˬ taˬ-euˬ ma. Ehˇ kʼawꞈ, nawˇ paˇ ya poˆ lahˬ-a siˬ.

1 Laˬsaˬbaˬ 29:4

Uˬ duˬ tahˬ nymˇ nymˇ ma-euˬ kaˇ pyawˇ laˆ muiˬ nehˬ-eu gʼaˇ duˬ, ba jiˬ deuˬ neh ya bi tehˆ-eu mˇ myawˬ keu ka deuˬ jahˇ gaˇ bi geuꞈ-eu lehˇ, maˇ jawˆ ni gʼeh-eu shuiˇ koꞈ muiˇ jawꞈ-i dzehˬ ni hawˇ-eu, maˇ jawˆ ni gʼeh-eu pyuˇ tiˬ seh ngaˬ muiˇ oeˬ heˇ jawꞈ-i ehˇ gʼaˬ ni ngaˇ biꞈ-euˬ ma. Nymˬ-mˇ, Sahˬpaˬ Miˬyehˇ gʼaˇ duˬ nui ma keuˆ-awˇ aˬ suˇ gʼaˬ damˬ nmˇ.”

1 Laˬsaˬbaˬ 29:7

Uˬ duˬ tahˬ nymˇ nymˇ ma tsoˆ gaˇ bi zmˬ-eu gʼaˇ duˬ, shuiˇ tiˬ seh nyiˬ heˇ jawꞈ-i dzehˬ ni maˬ ehˇ, pyuˇ nyiˬ seh oeˬ heˇ jawꞈ-i dzehˬ ni maˬ ehˇ, guiˬ shuiˇ smˬ seh shiꞈ muiˇ nyiˬ heˇ jawꞈ-i ehˇ gʼaˬ ni maˬ ehˇ, shmˇ nyiˬ lam oeˬ muiˇ jawꞈ-i dzehˬ ni maˬ ehˇ, aˬ yawꞈ maꞈ damˬ-euˬ meh.

Bawˇtsahˬ 7:84

Heu deuˬ-aˬ, lawˇ duˬ-ahˇ tsiˇ lehꞈ-awˇ a nehˬ gaˇ geuꞈ-eu gʼaˇ duˬ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ neh yuˇ laꞈ-euˬ lawˇ-eu jeˬ pyeuꞈ-eu meh. Pyuˇ naˬ bo tseˇ nyiꞈ bo, pyuˇ sehˇ byehˇ tseˇ nyiꞈ byehˇ hawˇ-eu, shuiˇ kʼmˬ maˬ tseˇ nyiꞈ kʼmˬ meh.

Bawˇtsahˬ 7:86

Yaw saw jeˬ dawˆ ahˇ taˬ-euˬ shuiˇ kʼmˬ maˬ kʼoeˇ tseˇ nyiꞈ kʼmˬ-aˬ, aˬ yawꞈ kʼmˬ yawꞈ kaˇ-ahˇ tsaˬ-awˇ, shiꞈ ja byah-eu meh. Shuiˇ kʼmˬ maˬ kʼoeˇ deuˬ dawˬ tawˆ luꞈ yehꞈ kaˇ oeˬ ja byah-eu meh.

Maꞈtehˬ 14:8

Aˬ ma gʼaˬ neh mehˬ gahˇ nehˬ-euˬ loꞈ-ehˇ, “Iˇ cuꞈ shawˇ-eu Yoˇhaˬ-euˬ uˬ duˬ, kʼmˬ maˬ sehˇ byehˇ-ahˇ dawˆ ahˇ-awˇ, nymˬ-mˇ heu gaˇ bi ciˬ ha laˇ-awˬ” lehˇ, aˬ buˇ kʼoeˇ buˇ shaˇ-eu meh.