Bawˇtsahˬ 6:3 - Akha

³ aˬ gaꞈ dzaˇ uiˇ hawˇ-eu bi yehꞈ laˇ nya-eu jeˬ maˬ ya dawˇ-a. Aˬ gaꞈ aˇ siˬ neh jahˇ-euˬ dzaˇ uiˇ aˬ geu jeˬ maˬ kaˬ maˬ ya dawˇ-a. Aˬ gaꞈ aˇ siˬ yaw jmˬ hawˇ-eu lawꞈ koˆ taˬ-euˬ aˬ gaꞈ aˇ siˬ kʼawꞈ maˬ ya dzaˬ-a.

Bawˇtsahˬ 6:3 ပူးပေါင်းရင်းမြစ်များ

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

Aˬmoˆ 2:11

Naw maꞈ-euˬ aˬ li tiˬ paˆ na deuˬ-ahˇ ngaˇ tseˇ doˆ-awˇ, Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-euˬ ma. Zaˬ guˬ tiˬ paˆ na deuˬ-ahˇ kʼawꞈ, Naˬzaˬliˇ tsawˇ haˬ bi geuꞈ-euˬ ma. Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ pyeuꞈ-eu ngaˇ ehˇ-eu heu maˬ tsaˬ-a loˇ.

Aˬmoˆ 2:12

Ehˇ kʼawꞈ, Naˬzaˬliˇ tsawˇ haˬ deuˬ jiˇ baˬ dawˇ ni naw maꞈ jahˇ-awˇ, Miˬyehˇ gʼaˇ duˬ ngehˬ dah-eu deuˬ ngaˬ neh bi ngehˬ-euˬ dawˬ maˬ ya ngehˬ ni naw maꞈ laˆ tsoeˬ-euˬ meh.

Bawˇtsahˬ 6:4

Aˬ yawꞈ Naˬzaˬliˇ tsawˇ haˬ kʼaˇ pyeuꞈ kʼoeˇ keuˆ ni, aˬ gaꞈ baw duˆ-ahˇ neh kʼaˇ doˆ le-euˬ jeˬ maˬ ya dzaˬ-a. Aˬ gaꞈ aˇ nuiˆ hawˇ-eu aˬ gaꞈ aˇ siˬ baˆ kʼoˆ tehꞈ-ehˇ kʼawꞈ maˬ ya dzaˬ-a.

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.

1 Tiˆmoˇseˬ 5:23

Nawˇ tiˬ kʼehˬ maˬ taˬ ni jawˇ saˇ maˬ doˆ-eu miˇ neh nawˬ-euˬ uˬ maˆ naˇ-eu maˬ gaˇ laˇ ni, iˇ cuꞈ tehꞈ-ehˇ maˬ dawˇ-ehˇ aˬ gaꞈ dzaˇ uiˇ kʼawꞈ ui cuiˆ na dawˇ-eu tsaˬ meh.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

Yaˇ kʼaˬ daˇ 13:14

Aˬ gaꞈ baw duˆ-ahˇ neh kʼaˇ doˆ le-euˬ jeˬ tiˬ jeˬ-iˬ aˬ yawꞈ maˬ ya dzaˬ-a. Aˬ gaꞈ dzaˇ uiˇ hawˇ-eu bi yehꞈ laˇ nya-eu dzaˇ uiˇ deuˬ aˬ yawꞈ maꞈ maˬ ya dawˇ-a. Ya sheuˬ meh lehˇ ehˇ taˬ-euˬ dzaˇ deuˬ-ahˇ kʼawꞈ, maˬ dzaˬ ni ya sheuˬ meh. Ngaˬ neh kʼaˇ ehˇ nehˬ-euˬ jeˬ-ahˇ aˬ yawꞈ ya mˇ meh.”

Yaˇ kʼaˬ daˇ 13:4

Aˬ gaꞈ dzaˇ uiˇ hawˇ-eu bi yehꞈ laˇ nya-eu dzaˇ uiˇ maˬ dawˇ-ehˇ, maˬ ya dzaˬ-a lehˇ ehˇ taˬ-euˬ dzaˇ maˬ dzaˬ ni yahˇ-awˬ.