Bawˇtsahˬ 6:14 - Akha

¹⁴ Kʼoeˇ gaˇ, maˇ byawꞈ maˬ baw-eu jeˬ zaˬ smˬ mawˇ Sahˬpaˬ Miˬyehˇ jawˇ gaˇ aˬ yawꞈ ya tsahˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ yawˇ zaˬ aˬ buˬ tiˬ mawˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ tiˬ myaˇ byah laˇ-euˬ yawˇ zaˬ a ma tiˬ mawˇ hawˇ-eu, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ yawˇ aˬ buˬ tiˬ mawˇ meh.

Bawˇtsahˬ 6:14 ပူးပေါင်းရင်းမြစ်များ

1 Laˬsaˬbaˬ 15:26

Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ-ahˇ Miˬyehˇ ngehˬ gʼeh nehˬ laꞈ ni , mawˇ neˇ mawˇ gaw shiꞈ mawˇ hawˇ-eu yawˇ shiꞈ mawˇ aˬ yawꞈ maꞈ lawˇ-euˬ meh.

Jaceuq 66:15

Lawˇ duˬ kʼoeˇ taˆ dzah puiˆ-awˇ bi lawˇ-eu yawˇ, nawˬ-ahˇ ngaˇ damˬ nehˬ ma. Mawˇ neˇ hawˇ-eu ciꞈ myehꞈ ngaˇ lawˇ-awˇ, mˬ kʼoeˇ taˆ uˬ kʼoeˬ bi le keuˆ ma.

Uˬ duˬ 14:10

Yehꞈ nah tiˬ nah-ahˇ, maˇ byawꞈ maˬ baw-eu yawˇ zaˬ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ ma tiˬ mawˇ tsahˇ laꞈ-awˇ, saˬ loˬ tsiˇ keuˬ-euˬ cehˇ meu smˇ pehˬ hawˇ-eu, saˬ loˬ tsiˇ maˇ tsaꞈ tiˬ kʼoeˆ dzehˬ ni, tsawˇ haˬ kʼoeˇ gʼaˬ ya yuˇ laꞈ meh.

Uˬ duˬ 3:6

Cawˬ cawˬ taꞈ-eu lawˇ-eu jeˬ gʼaˇ duˬ, yawˇ maˬ ehˇ, ciꞈ myehꞈ maˬ ehˇ, lawˇ naˇ, aˬ buˬ kʼawꞈ muiˬ, aˬ ma kʼawꞈ muiˬ, geuꞈ nya meh. Ehˇ kʼawꞈ, maˇ byawꞈ maˬ ya bi baw-a.

Uˬ duˬ 4:27

Miˇ kʼahˬ zaˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ iˬ baˇ jaˆ laˇ naˇ,

Uˬ duˬ 4:32

Tsawˇ haˬ tiˬ gʼaˬ, iˬ baˇ tsiˬ shawˇ-eu lawˇ-eu jeˬ lawˇ-eu gʼaˇ duˬ yawˇ tsahˇ laꞈ ngeh, maˇ byawꞈ maˬ baw-eu yawˇ aˬ ma tiˬ mawˇ ya tsahˇ laꞈ meh.

Bawˇtsahˬ 15:27

Tsawˇ haˬ tiˬ gʼaˬ na maˬ noeˬ maˬ duˇ-ehˇ iˬ baˇ mˇ naˇ, tiˬ myaˇ byah laˇ-euˬ ciꞈ myehꞈ ciꞈ buˬ zaˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ ya lawˇ meh.

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.