Bawˇtsahˬ 5:9 - Akha

⁹ Iˇsaˬleˬlaˆ tsawˇ haˬ deuˬ neh Sahˬpaˬ Miˬyehˇ-ahˇ kʼaˇ lawˇ nehˬ laˇ-euˬ yawˬ jeˬ na luꞈ, aˬ yawꞈ maꞈ neh kʼaˇ biꞈ laˇ-euˬ piˇ ma kʼoeˇ gʼaˬ-euˬ shaˬ bymˇ pyeuꞈ-eu meh.

Bawˇtsahˬ 5:9 ပူးပေါင်းရင်းမြစ်များ

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.

Uˬ duˬ 10:13

Muiˬ-eu shawˇ-eu jawˇ duˬ tiˬ tsahˇ-ahˇ, dzaˇ kʼoeˇ dzaˬ-awˬ. Kʼoeˇ-aˬ, Sahˬpaˬ Miˬyehˇ-ahˇ lawˇ nehˬ-euˬ dzaˬ dzaˬ dawˇ dawˇ deuˬ laꞈ kʼoeˇ, nawˇ hawˇ-eu nawˬ li deuˬ-ahˇ oꞈ-eu shaˬ bymˇ meh lehˇ, Sahˬpaˬ Miˬyehˇ dawˬ biꞈ taˬ-euˬ meh.

Uˬ duˬ 10:14

Ehˇ kʼawꞈ, piˇ ma deuˬ gʼaˇ duˬ, muiˬ-eu laꞈ sawˬ hawˇ-eu muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ jeˬ zaˬ-eu kʼahˬ hawˇ-eu aˬ kuiˇ deuˬ-ahˇ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ dzaˬ nya meh. Shawˇ-eu jawˇ duˬ laꞈ kʼoeˇ, kʼoeˇ deuˬ-ahˇ naw maꞈ ya dzaˬ meh. Kʼoeˇ-aˬ, Iˇsaˬleˬlaˆ tsawˇ haˬ deuˬ-euˬ cawˬ cawˬ taꞈ-eu lawˇ-eu jeˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ-ahˇ biꞈ taˬ-euˬ naw maꞈ-ahˇ oꞈ-eu shaˬ bymˇ meh.

Uˬ duˬ 10:15

Jeˬ zaˬ-euˬ tsiˇ yuˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ ngeh, aˬ kuiˇ hawˇ-eu kʼahˬ aˬ yawꞈ maꞈ yuˇ laꞈ tehꞈ-a. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ kuiˇ hawˇ-eu kʼahˬ kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ deuˬ ahˇ oꞈ-eu shaˬ bymˇ pyeuꞈ-eu meh.”

Uˬ duˬ 6:26

Jeˬ zaˬ kʼoeˇ mawˇ-ahˇ lawˇ-eu piˇ ma gʼaˬ, Sahˬpaˬ Miˬyehˇ jawˇ-eu Sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, jeˬ zaˬ kʼoeˇ mawˇ-euˬ shaˬ jiˇ ya dzaˬ meh.

Uˬ duˬ 7:32

Jeˬ zaˬ kʼoeˇ mawˇ-euˬ shaˬ pyaˬ aˇ maˇ pyaˬ piˇ ma-ahˇ ya damˬ nehˬ meh.

Uˬ duˬ 7:34

Muiˬ-eu laꞈ sawˬ pyeuꞈ-eu kʼahˬ hawˇ-eu, muiˬ-eu damˬ-eu jeˬ pyeuꞈ-eu saˬ pyaˬ aˇ maˇ paw pyaˬ-ahˇ, Iˇsaˬleˬlaˆ tsawˇ haˬ deuˬ-euˬ laꞈ-ahˇ neh Sahˬpaˬ Miˬyehˇ yuˇ-awˇ, piˇ ma deuˬ-ahˇ biꞈ-eu meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ piˇ ma deuˬ-ahˇ ya biꞈ-eu jeˬ pyeuꞈ-eu meh.

Bawˇtsahˬ 18:19

“Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, ngaˇ biꞈ-eu ma. Heu-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˬ neh dzaˬ taˬ-euˬ, tiˬ jawˇ-iˬ maˬ cawˆ-iˇ nya-eu dawˬ ma saˇ jaˇ pyeuꞈ-eu ma.”

Bawˇtsahˬ 31:41

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ-aˬ, kawˬ taꞈ za-euˬ kʼoeˇ deuˬ-ahˇ, Sahˬpaˬ Miˬyehˇ gʼaˇ duˬ yaw zawˇ muiˬ-eu damˬ-eu jeˬ loꞈ-ehˇ Eˇlaˬzaˬ-ahˇ biꞈ-euˬ meh.

Bawˇtsahˬ 5:8

Ehˇ kʼawꞈ, mˇ lehˬ nehˬ-euˬ jeˬ-ahˇ ya daˬ-euˬ tsawˇ haˬ kʼoeˇ gʼaˬ shiˇ-awˇ, aˬ yawꞈ-ahˇ tsoeˬ kʼoꞈ nehˬ-eu jeˬ-ahˇ ha geuꞈ-eu gʼaˇ duˬ aˬ yuiꞈ aˬ nyiˇ kʼawꞈ maˬ jawˇ naˇ, tsoeˬ kʼoꞈ nehˬ-euˬ jeˬ kʼoeˇ piˇ ma deuˬ gʼaˇ duˬ Sahˬpaˬ Miˬyehˇ-ahˇ ya a nehˬ meh. Iˬ baˇ ahˇ-eu tsawˇ haˬ kʼoeˇ gʼaˬ-ahˇ iˬ baˇ shawˇ nehˬ-eu zahˇ jahˇ gaˇ geuꞈ-eu yawˇ aˬ buˬ tiˬ mawˇ uˬ taꞈ, oꞈ-eu geuˇ-eu jeˬ ya biꞈ tsoeˬ-eu meh.

Dawˬmehˬ 12:26

Naw maꞈ-euˬ lawˇ-eu jeˬ hawˇ-eu naw maꞈ neh Sahˬpaˬ Miˬyehˇ-ahˇ biꞈ ma lehˇ saˇ jaˇ dzaˬ taˬ-euˬ laꞈ sawˬ deuˬ-ahˇ, uˬ duˬ tahˬ-eu jawˇ duˬ kʼoeˇ tsahˇ-ahˇ yuˇ gʼeh-awˬ.