Bawˇtsahˬ 5:8 - Akha

⁸ Ehˇ kʼawꞈ, mˇ lehˬ nehˬ-euˬ jeˬ-ahˇ ya daˬ-euˬ tsawˇ haˬ kʼoeˇ gʼaˬ shiˇ-awˇ, aˬ yawꞈ-ahˇ tsoeˬ kʼoꞈ nehˬ-eu jeˬ-ahˇ ha geuꞈ-eu gʼaˇ duˬ aˬ yuiꞈ aˬ nyiˇ kʼawꞈ maˬ jawˇ naˇ, tsoeˬ kʼoꞈ nehˬ-euˬ jeˬ kʼoeˇ piˇ ma deuˬ gʼaˇ duˬ Sahˬpaˬ Miˬyehˇ-ahˇ ya a nehˬ meh. Iˬ baˇ ahˇ-eu tsawˇ haˬ kʼoeˇ gʼaˬ-ahˇ iˬ baˇ shawˇ nehˬ-eu zahˇ jahˇ gaˇ geuꞈ-eu yawˇ aˬ buˬ tiˬ mawˇ uˬ taꞈ, oꞈ-eu geuˇ-eu jeˬ ya biꞈ tsoeˬ-eu meh.

Bawˇtsahˬ 5:8 ပူးပေါင်းရင်းမြစ်များ

2 Sahˬpaˬ 12:16

Dziˇ dzoˆ tsoeˬ-eu lawˇ-eu jeˬ lawˇ-eu deuˬ hawˇ-eu, iˬ baˇ shawˇ-eu lawˇ-eu jeˬ lawˇ-eu deuˬ neh biꞈ-euˬ pyuˇ deuˬ, bahˬ keuˆ kʼoeˇ keuˆ laꞈ kʼoeˇ maˬ dawˆ ahˇ-a. Aˬ jeˬ miˇ neh ehˇ naˇ, kʼoeˇ-aˬ, piˇ ma deuˬ-ahˇ oꞈ-eu shaˬ bymˇ meh.

Uˬ duˬ 5:16

Aˬ yawꞈ-aˬ, aˬ yawꞈ biꞈ nehˬ paˬ-ehˇ gʼeh-eu jeˬ zaˬ maˬ biꞈ-euˬ miˇ neh, kʼaˇ poeˬ kʼaˇ lawˬ-eu loꞈ-ehˇ ya tsoeˬ-eu uˬ taꞈ, ngaˬ bymˇ tiˬ bymˇ ya biꞈ dzehˬ meh. Jeˬ zaˬ kʼoeˇ mawˇ, piˇ ma-ahˇ aˬ yawꞈ ya a nehˬ-eu meh. Piˇ ma gʼaˬ jeˬ zaˬ kʼoeˇ mawˇ yuˇ-awˇ, tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.

Uˬ duˬ 7:7

Iˬ baˇ shawˇ-eu lawˇ-eu hawˇ-eu, dziˇ dzoˆ tsoeˬ-eu lawˇ-eu heu nyiˬ jeˬ luꞈ-ahˇ taꞈ leˇ-eu zahˇ sahˇ kʼoꞈ tiˬ hmˬ jaˆ-eu meh. Lawˇ-eu shehˇ-eu jeˬ mˇ nehˬ-eu piˇ ma gʼaˬ, lawˇ gaˇ shehˇ gaˇ sehꞈ-euˬ jeˬ zaˬ shaˬ jiˇ ya geuꞈ meh.

Bawˇtsahˬ 5:7

Tsawˇ haˬ kʼoeˇ gʼaˬ yawˬ ha-euˬ iˬ baˇ ya ehˇ doˆ-awˇ, aˬ yawꞈ neh mˇ lehˬ nehˬ-euˬ gʼaˬ-ahˇ kʼaˇ mˇ lehˬ-euˬ jeˬ-euˬ aˇ poeˬ tiˬ byah tiˬ loꞈ ya biꞈ tsoeˬ-eu uˬ taꞈ, ngaˬ bymˇ tiˬ bymˇ ya biꞈ dzehˬ meh.

Bawˇtsahˬ 5:9

Iˇsaˬleˬlaˆ tsawˇ haˬ deuˬ neh Sahˬpaˬ Miˬyehˇ-ahˇ kʼaˇ lawˇ nehˬ laˇ-euˬ yawˬ jeˬ na luꞈ, aˬ yawꞈ maꞈ neh kʼaˇ biꞈ laˇ-euˬ piˇ ma kʼoeˇ gʼaˬ-euˬ shaˬ bymˇ pyeuꞈ-eu meh.