Bawˇtsahˬ 5:29 - Akha

^29-30 Heu-aˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ aˬ cawˬ nehˬ-ehˇ bahˬ-euˬ meh lehˇ noeˬ-awˇ, maˬ jah coeˇ-eu laꞈ kʼoeˇ myaˆ naˆ-eu gaˇ kawˆ-ahˇ taꞈ leˇ-eu zahˇ dawˬ kʼoꞈ dawˬ meh. Zaˬ miˬ zaˬ gʼaˬ-ahˇ lawˇ duˬ mehˬ shi bi yawꞈ-awˇ, piˇ ma gʼaˬ kʼoeˇ loꞈ-ehˇ zahˇ ya jahˇ meh.

Bawˇtsahˬ 5:29 ပူးပေါင်းရင်းမြစ်များ

Yeˬsaˬgeˬlaˇ 33:26

Naw maꞈ yawˬ ha-euˬ mi cehˇ-ahˇ nui ma huiˬ-eu meh. Naw maꞈ-euˬ dehꞈ jeˬ dehꞈ kawˆ nui daˆ daˆ laˇ paˬ-ehˇ gʼeh-eu meh. Yawˬ gʼaˬ na luꞈ aˬ cawˬ-euˬ miˬ sawˇ yo zaˬ nehˬ-ehˇ bahˬ-euˬ meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kmˬ-euˬ nya’ lehˇ ehˇ-eu meh lehˇ ehˇ nehˬ-awˬ.

Uˬ duˬ 11:46

Ehˇ dzeuˇ yaꞈ-euˬ gaˇ kawˆ heu deuˬ-aˬ, jeˬ zaˬ aˇ jiˇ deuˬ, iˇ cuꞈ laꞈ kʼoeˇ kʼaˇ dehꞈ kʼaˇ jawˇ-eu jeˬ hawˇ-eu, miˇ tsaˬ-ahˇ joe joe-ehˇ kʼaˇ cah-eu jeˬ zaˬ aˇ mawˇ dawˬ tawˆ luꞈ-ahˇ taꞈ leˇ-eu zahˇ dawˬ kʼoꞈ dawˬ pyeuꞈ-eu ma.

Uˬ duˬ 13:59

Ehˇ dzeuˇ yaꞈ-euˬ gaˇ kawˆ heu deuˬ-aˬ, yawˇ caꞈ hm neh guꞈ taˬ-euˬ mehˬ tsoeˬ maˬ ehˇ, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ maˬ ehˇ, yawˇ caꞈ hm saˬ paˇ maˬ ehˇ, shawˇ jehˆ ni gʼeh-eu saˬ paˇ maˬ ehˇ, shaˬ kʼoˆ neh guꞈ taˬ-euˬ myawˬ deuˬ maˬ ehˇ, nyawˬ naˇ-eu mehˬ tsoeˬ saˬ paˇ deuˬ-ahˇ taꞈ leˇ-eu zahˇ sahˇ kʼoꞈ pyeuꞈ-eu meh.

Uˬ duˬ 7:11

Heu-aˬ, Sahˬpaˬ Miˬyehˇ-ahˇ lawˇ nehˬ-eu cawˬ cawˬ taꞈ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh.

Bawˇtsahˬ 5:12

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Kʼaˬ dzeˇ zaˬ tiˬ gʼaˬ aˬ yawꞈ-euˬ miˬ zaˬ aˬ yawꞈ-ahˇ saˇ jaˇ maˬ jawˇ-ehˇ, kʼaˬ dzeˇ zaˬ nui gʼaˬ nehˬ-ehˇ joe-awˇ yawˬ haˇ yawˬ ha yaw jawꞈ jeˬ mˇ-euˬ meh lehˇ noeˬ-eu laꞈ kʼoeˇ, maˬ jah coeˇ-ehˇ pyeuꞈ laˇ-eu baw-eu meh. Ehˇ kʼawꞈ, zaˬ miˬ zaˬ gʼaˬ gaˇ kawˆ kʼoeˇ zaꞈ taˬ-euˬ miˇ neh maˬ ehˇ, saˇ kiˇ saˇ seˬ maˬ jawˇ-eu miˇ neh maˬ ehˇ, aˬ yawꞈ kʼoeˇ loꞈ-ehˇ joe luꞈ gaˇ nyehꞈ mi-euˬ maˬ ngeuˇ-eu miˇ neh maˬ ehˇ, kʼaˬ dzeˇ zaˬ gʼaˬ yaw duˬ yaw ciˇ ciˇ-ehˇ maˬ ehˇ duˬ nya-a. Maˬ ngeuˇ naˇ, zaˬ miˬ zaˬ gʼaˬ kʼaˇ boe-ehˇ saˇ jaˇ ziꞈ-awˇ dehꞈ-euˬ kʼawꞈ, kʼaˬ dzeˇ zaˬ gʼaˬ noeˬ bahˬ-eu jeˬ pyeuꞈ nya-eu meh.

Bawˇtsahˬ 5:15

Heu loꞈ-ehˇ gʼeh-eu gaˇ kawˆ doˆ laˇ naˇ, kʼaˬ dzeˇ zaˬ gʼaˬ yawˬ ha-euˬ miˬ zaˬ-ahˇ piˇ ma jawˇ gaˇ ya sheuˬ gʼeh meh. Lawˇ-eu gʼaˇ duˬ loˬ-eu lawˬ loeˇ cehˇ meu tiˬ pehˬ kʼawꞈ aˬ yawꞈ ya yuˇ gʼeh meh. Ehˇ kʼawꞈ, kʼoeˇ-euˬ kʼoeˇ taˆ, saˬ loˬ tsiˇ maˬ ehˇ, yaw saw jeˬ maˬ ehˇ, maˬ ya dawˆ daˆ-a. Aˬ jeˬ miˇ neh ehˇ naˇ, kʼoeˇ-aˬ, yawˬ ha-euˬ miˬ zaˬ-ahˇ noeˬ bahˬ luꞈ-eu kʼaˬ dzeˇ zaˬ tiˬ gʼaˬ neh, yaw tsaˬ yaw dawˇ jeˬ bi doˆ laˇ-eu gʼaˇ duˬ lawˇ-euˬ jeˬ pyeuꞈ-eu meh.

Bawˇtsahˬ 5:19

Kʼoeˇ naˇ, piˇ ma gʼaˬ zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-awˇ ya bi kamˬ meh. “Kʼaˬ dzeˇ zaˬ nui gʼaˬ-ahˇ nawˇ maˬ bahˬ lawˬ naˇ, iˇ cuꞈ heu neh hehˇ leꞈ-euˬ yaˬ kʼehˇ yaˬ-eu jeˬ nawˬ-euˬ kʼoeˇ taˆ maˬ keuˆ le-aˇ.

Bawˇtsahˬ 5:28

Ehˇ kʼawꞈ, aˬ yawꞈ iˬ baˇ maˬ ahˇ naˇ, aˬ yawꞈ kʼoeˇ taˆ tiˬ jeˬ-iˬ maˬ keuˆ le ni, zaˬ ciˬ zaˬ cu baw tehꞈ-a.