Bawˇtsahˬ 5:26 - Akha

²⁶ Kʼoeˇ naˇ, lawˇ-eu jeˬ kʼoeˇ dawˬ tawˆ luꞈ-euˬ dah zaˇ, cehˇ meu kʼoeˇ laꞈ tsuˆ tiˬ tsuˆ tsuˆ doˆ-awˇ, lawˇ duˬ kʼoeˇ taˆ ya dzah puiˆ meh. Aˇ saˬ saˬ laˇ ngeh, zaˬ miˬ zaˬ kʼoeˇ gʼaˬ-ahˇ iˇ cuꞈ kʼoeˇ ya bi dawˇ meh.

Bawˇtsahˬ 5:26 ပူးပေါင်းရင်းမြစ်များ

Uˬ duˬ 2:2

Kʼoeˇ naˇ, Aˬloˬ-euˬ aˬ li piˇ ma deuˬ jawˇ gaˇ, cehˇ meu kʼoeˇ ya yuˇ laꞈ meh. Aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ, cehˇ meu kʼoeˇ dawˬ tawˆ luꞈ-euˬ dah zaˇ, cehˇ meu ti tsuˆ tsuˆ doˆ-awˇ, saˬ loˬ tsiˇ hawˇ-eu yaw saw jeˬ nehˬ-ehˇ, lawˇ duˬ kʼoeˇ taˆ puiˆ-awˇ, ya lawˇ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 2:9

Kaˬ muˇ kʼoeˇ dawˬ tawˆ luꞈ-euˬ dah zaˇ, kaˬ muˇ ui cuiˆ aˬ yawꞈ yuˇ doˆ-awˇ, lawˇ duˬ kʼoeˇ taˆ dzah puiˆ-eu laꞈ kʼoeˇ, kaˬ muˇ kʼoeˇ dawˬ tawˆ luꞈ, Sahˬpaˬ Miˬyehˇ-ahˇ ya lawˇ nehˬ meh. Kʼoeˇ loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 5:12

Cehˇ meu kʼoeˇ piˇ ma jawˇ gaˇ aˬ yawꞈ ya yuˇ laꞈ-eu meh. Cehˇ meu kʼoeˇ dawˬ tawˆ luꞈ-euˬ dah zaˇ, piˇ ma gʼaˬ cehˇ meu tiˬ tsuˆ tsuˆ doˆ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ, lawˇ duˬ kʼoeˇ taˆ puiˆ-awˇ, Sahˬpaˬ Miˬyehˇ-ahˇ ya lawˇ meh. Kʼoeˇ-aˬ, iˬ baˇ tsiˬ shawˇ-eu lawˇ-eu jeˬ pyeuꞈ-eu meh.

Uˬ duˬ 6:15

Cehˇ meu dawˬ tawˆ luꞈ hawˇ-eu tsiˇ dawˬ tawˆ luꞈ lawˇ-eu dah zaˇ, laꞈ tsuˆ tiˬ tsuˆ aˬ yawꞈ ya yuˇ doˆ meh. Kʼoeˇ naˇ, kʼoeˇ-euˬ kʼoeˇ taˆ yaw saw jeˬ dawˆ daˆ-awˇ, lawˇ duˬ kʼoeˇ taˆ dzah puiˆ-awˇ, Sahˬpaˬ Miˬyehˇ-ahˇ ya lawˇ meh. Lawˇ-euˬ yaw saꞈ kʼoeˇ-ahˇ Sahˬpaˬ Miˬyehˇ nui ma tsaˬ-eu meh.

Bawˇtsahˬ 5:25

zaˬ miˬ zaˬ kʼoeˇ gʼaˬ-euˬ aˬ laꞈ laꞈ kʼoeˇ ahˇ-eu cehˇ meu kʼoeˇ piˇ ma gʼaˬ yuˇ-awˇ, aˬ laꞈ cawˬ ja-eu laꞈ kʼoeˇ Sahˬpaˬ Miˬyehˇ-ahˇ a nehˬ-awˇ, lawˇ duˬ kʼoeˇ taˆ ya yuˇ gʼeh meh.