Bawˇtsahˬ 4:5 - Akha

⁵ Moˇseˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh. Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ Sehˬ gʼawˆ laꞈ kʼoeˇ uˇ leˇ-awˇ, Dawˬ ma saˇ jaˇ Bahˬ keuˆ mehˬ shi taw taˬ-euˬ saˬ paˇ ya yuˇ ka-awˇ, Dawˬ ma saˇ jaˇ Bahˬ keuˆ-ahˇ saˬ paˇ kʼoeˇ yuˇ-awˇ ya dehˬ kaˬ meh.

Bawˇtsahˬ 4:5 ပူးပေါင်းရင်းမြစ်များ

1 Laˬsaˬbaˬ 15:15

Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Leˬbiˇ tsawˇ haˬ deuˬ Bahˬ keuˆ kʼoeˇ-ahˇ baꞈ kawˬ cawˬ ahˇ-awˇ, baꞈ pu-ahˇ baꞈ-euˬ meh.

1 Laˬsaˬbaˬ 23:26

Kʼoeˇ miˇ neh, Sahˬpaˬ Miˬyehˇ-euˬ Sehˬ gʼawˆ hawˇ-eu uˬ duˬ tahˬ gaˇ zmˬ-eu keu ka deuˬ-ahˇ, Leˬbiˇ tsawˇ haˬ deuˬ baꞈ poˆ baꞈ paˇ mˇ-eu maˬ paˇ loˬ meh.”

2 Laˬsaˬbaˬ 3:14

Muiˬ dui shawˇ dui dui-eu lawˆ-ahˇ taw taˬ-eu saˬ paˇ lawˆ kaˬ-ahˇ, shawˇ jehˆ ni gʼeh-eu saˬ paˇ, saˬ paˇ paˇ puiˇ, neˇ naˆ naˆ-eu saˬ paˇ hawˇ-eu, saˬ paˇ paˇ neˇ neh guꞈ-awˇ, jeˬluˇbeˬ aˇ baˇ aˇ boꞈ boꞈ taˬ-euˬ meh.

Doˆ-iˇ 36:35

Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ saˬ paˇ yuˇ-awˇ, lawˆ kaˬ taw paˆ-eu saˬ paˇ paˇ ma jahˇ-euˬ meh.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Doˆ-iˇ 40:5

Shuiˇ neh jahˇ taˬ-euˬ yaw saw jeˬ doꞈ damˬ-eu lawˇ duˬ kʼoeˇ, dawˬ ma saˇ jaˇ bahˬ keuˆ mehˬ shi baꞈ taˬ-awˇ, sehˬ gʼawˆ gʼoˆ kʼehˬ-ahˇ saˬ paˇ taw-awˬ.

Iˇsaˬyaˇ 25:7

Gawˬ jawˬ heu jawˬ kʼoeˇ taˆ, tsawˇ jeuˬ dawˬ tawˆ luꞈ-ahˇ ciˬ tehˬ taˬ-euˬ bi noeˬ shaˬ bi noeˬ zahˬ-eu mˬ dmˇ-ahˇ, ja pyuˬ ni aˬ yawꞈ yuˇ dzeh nehˬ tehꞈ-a.

Uˬ duˬ 16:2

Aˬ yawꞈ ehˇ-eu, “Saˬ paˇ paˇ ma lawˆ kaˬ taw paˆ taˬ-euˬ naˇ kʼah paw dzeˇ jaˆ-eu Muiˬ dui Shawˇ dui dui-eu Jawˇ duˬ-ahˇ, aˇ yamˬ tsaˬ ngeh tehꞈ-ehˇ ya uˇ leˇ meh lehˇ nawˬ-euˬ aˇ doˆ Aˬloˬ-ahˇ ehˇ nehˬ-awˬ. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ jaˆ-eu Dawˬ ma saˇ jaˇ Bahˬ keuˆ kʼmˬ pymˬ kʼoeˇ taˆ mˬ dmˇ laꞈ kʼoeˇ ngaˇ zaꞈ le-eu ma. Ngaˬ-euˬ ehˇ dawˬ maˬ naˇ haˬ ni, kʼaˇ uˇ leˇ mawꞈ ngeh uˇ leˇ naˇ, aˬ yawꞈ ya shiˇ tehꞈ-a.

Bawˇtsahˬ 10:14

Aˬ yawꞈ maꞈ kʼaˇ luˆ-iˇ ngeh, yawˬ ha jawˇ duˬ tsaˬ ni jawˇ-awˇ, doˆ-iˇ-eu meh. Aˬmiˇnaˬdehˇ-euˬ aˬ li Naˬshoˬ uˆ lahˇ-eu Yuˇdaˆ tsawˇ jeuˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, guiˇ maꞈ tiˬ maꞈ saˇ-iˬ tiˬ maꞈ aˬ cawˬ mehˬ hu doˆ-iˇ-euˬ meh.

Bawˇtsahˬ 4:15

Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.

Bawˇtsahˬ 4:4

Muiˬ dui shawˇ dui dui-eu gaˇ deuˬ-ahˇ aˬ yawꞈ maꞈ ya mˇ meh.”

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Dawˬmehˬ 31:9

Kʼoeˇ naˇ, Miˬyehˇ-euˬ zahˇ dawˬ kʼoꞈ dawˬ deuˬ Moˇseˬ boꞈ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ haw-eu pyaˆ-eu Leˬbiˇ tsawˇ haˬ piˇ ma deuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ biꞈ-euˬ meh.

HeˬByehˇ 10:20

Saˬ paˇ lawˆ kaꞈ nyiˬ paˆ-ehˇ, dehꞈ-eu gaˇ ma pyeuꞈ-eu gaˇ ma yaw shuiꞈ tiˬ kahˇ aˬ yawꞈ shaˇ dahˇ-euˬ meh. Saˬ paˇ lawˆ kaˬ kʼoeˇ-aˬ, aˬ yawꞈ-euˬ gʼawˇ mawˇ pyeuꞈ-eu meh.

HeˬByehˇ 9:3

Lawˆ kaˬ saˬ paˇ nyiˬ hmˬ tiˬ hmˬ-euˬ naˇ kʼah paw, Muiˬ dui Shawˇ dui dui-eu Jawˇ duˬ lehˇ kuˇ-eu Sehˬgʼawˆ paˇ jaˆ-eu meh.

1 Saˬmeuˬlaˆ 6:19

Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.