Bawˇtsahˬ 4:4 - Akha

⁴ Muiˬ dui shawˇ dui dui-eu gaˇ deuˬ-ahˇ aˬ yawꞈ maꞈ ya mˇ meh.”

Bawˇtsahˬ 4:4 ပူးပေါင်းရင်းမြစ်များ

1 Laˬsaˬbaˬ 23:6

Daˬbiˇ-aˬ, Leˬbiˇ tsawˇ haˬ deuˬ-ahˇ, Geˬlaˬshoˬ aˇ jeuˬ, Kawˇhaˆ aˇ jeuˬ, Meˬlaˬliˇ aˇ jeuˬ lehˇ, smˬ muˇ biˇ paˆ nehˬ-euˬ meh.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 4:15

Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.

Bawˇtsahˬ 4:19

Yaw zawˇ-ehˇ muiˬ-eu shawˇ-eu jeˬ dawˬ peh aˬ yawꞈ maꞈ laˇ ngeh, maˬ ya shiˇ-eu gʼaˇ duˬ heu loꞈ-ehˇ jahˇ-awˬ. Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu jawˇ duˬ-ahˇ uˇ leˇ-awˇ, aˬ yawꞈ maꞈ tiˬ gʼaˬ saˇ-iˬ tiˬ gʼaˬ-ahˇ aˬ jeˬ ya mˇ-awˇ aˬ jeˬ ya baꞈ-eu gaˇ kawˆ bi mehˬ nehˬ-awˬ.

Bawˇtsahˬ 4:24

Aˬ yawꞈ maꞈ-euˬ gaˇ-aˬ, heu loꞈ-ehˇ meh.

Bawˇtsahˬ 4:3

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ.

Bawˇtsahˬ 4:30

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ.

Bawˇtsahˬ 4:5

Moˇseˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh. Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ Sehˬ gʼawˆ laꞈ kʼoeˇ uˇ leˇ-awˇ, Dawˬ ma saˇ jaˇ Bahˬ keuˆ mehˬ shi taw taˬ-euˬ saˬ paˇ ya yuˇ ka-awˇ, Dawˬ ma saˇ jaˇ Bahˬ keuˆ-ahˇ saˬ paˇ kʼoeˇ yuˇ-awˇ ya dehˬ kaˬ meh.

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

Maˬkuˆ 13:34

Gaˇ kawˆ kʼoeˇ-aˬ, tsawˇ haˬ tiˬ gʼaˬ aˬ yawꞈ-euˬ zaˬ kʼaˆ deuˬ-ahˇ gaˇ biˇ nehˬ yaꞈ-awˇ gaˇ ma doˆ-iˇ gaˇ duˇ tehꞈ-a. Zaˬ kʼaˆ aˬ yawꞈ gʼaˬ yawꞈ-ahˇ gaˇ biꞈ yaꞈ-awˇ, laˇ gʼoˆ-ahˇ loꞈ-eu gʼaˬ-ahˇ yaw beuˇ beuˇ-ehˇ loꞈ-eu gʼaˇ duˬ mehˬ nehˬ yaꞈ-awˇ doˆ-iˇ-euˬ meh.