Bawˇtsahˬ 4:32 - Akha

³² Sehˬ gʼawˆ jawˬ jawˬ-ehˇ yaˇ kmˇ mˇ lahˇ gaˇ geuꞈ-eu kʼawˇ zeuˇ, zeuˇ dahˇ, taꞈ cmˬ, aˇ caˆ hawˇ-eu, kʼoeˇ deuˬ gʼoˆ tsoꞈ ngeh zmˬ-eu keu ka dawˬ tawˆ luꞈ-ahˇ ya baꞈ-eu gaˇ pyeuꞈ-eu meh.

Bawˇtsahˬ 4:32 ပူးပေါင်းရင်းမြစ်များ

1 Laˬsaˬbaˬ 9:29

Aˬ yawꞈ maꞈ tiˬ paˆ na deuˬ-aˬ, muiˬ-eu shawˇ-eu mˇ myawˬ keu ka deuˬ, cehˇ meu deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, tsiˇ yaw saw deuˬ hawˇ-eu, yaw saw gʼawˬ mya jeˬ-ahˇ ya jeˬ hmˬ-eu meh.

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 27:9

“Ngaˇ jawˇ duˬ sehˬ gʼawˆ-ahˇ, shawˇ jehˆ ni gʼeh-eu saˬ paˇ neh yaˇ kmˇ ya mˇ lahˇ meh. Laꞈ oˆ paw pyawˬ-ahˇ taw lahˇ-eu saˬ paˇ deuˬ, nyiˬ tseˇ ngaˬ lmˇ ya bi byah-eu meh.

Doˆ-iˇ 38:17

Sehˬ gʼawˆ-ahˇ yaˇ kmˇ mˇ lahˇ-eu gʼaˇ duˬ, kʼawˇ zeuˇ dawˬ tawˆ luꞈ guiˬ shuiˇ neh jahˇ-awˇ, kuˆ seuˬ, laꞈ law hawˇ-eu, kʼawˇ zeuˇ-euˬ uˬ dzo-ahˇ tsoꞈ-eu uˬ kʼoˆ deuˬ-ahˇ, pyuˇ neh jahˇ-euˬ meh. Sehˬ gʼawˆ jawˬ jawˬ-ehˇ ka tuˇ taˬ-euˬ kʼawˇ zeuˇ kʼoeˇ deuˬ-ahˇ, pyuˇ laꞈ law diˬ-euˬ meh.

Doˆ-iˇ 38:21

Heu-aˬ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ dawˆ ahˇ taˬ-euˬ Sahˬpaˬ Miˬyehˇ jawˇ-eu Sehˬ gʼawˆ tsoˆ gaˇ geuꞈ-euˬ myawˬ deuˬ-euˬ jaˇ laˇ meh. Heu deuˬ-ahˇ zmˬ-eu gʼaˇ duˬ, Moˇseˬ dawˬ biꞈ-awˇ, piˇ ma Aˬloˬ-euˬ aˬ li Iˇdaˬmaˬ neh mehˬ nehˬ-euˬ loꞈ-ehˇ, Leˬbiˇ tsawˇ haˬ deuˬ neh jaˇ laˇ heu hmˬ boꞈ doˆ-euˬ meh.

Bawˇtsahˬ 3:36

Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ hawˇ-eu kʼoeˇ gaˇ taꞈ-eu keu ka deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 3:8

Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh.

Bawˇtsahˬ 4:31

Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ,

Bawˇtsahˬ 4:33

Heu-aˬ, Sehˬ gʼawˆ laꞈ kʼoeˇ Meˬlaˬliˇ tsawˇ haˬ deuˬ ya mˇ-eu gaˇ pyeuꞈ-eu meh. Piˇ ma Aˬloˬ-euˬ aˬ li Iˇdaˬmaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ loꞈ-ehˇ, kʼoeˇ deuˬ-ahˇ aˬ yawꞈ maꞈ ya baꞈ meh.”

Bawˇtsahˬ 4:49

Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-eu loꞈ-ehˇ, tsawˇ haˬ yawˬ gʼaˬ na luꞈ-euˬ tsawˇ myahˇ yuˇ-awˇ, Sahˬpaˬ Miˬyehˇ neh Moˇseˬ-ahˇ dawˬ biꞈ nehˬ-euˬ loꞈ-ehˇ, tsawˇ haˬ yawˬ gʼaˬ na luꞈ-ahˇ yawˬ ha ya baꞈ ya pi-eu gaˇ biꞈ nehˬ-euˬ meh.

Bawˇtsahˬ 7:1

Sahˬpaˬ Miˬyehˇ jawˇ-eu Sehˬ gʼawˆ Moˇseˬ gʼoˆ tsoꞈ-awˇ tsoˆ gʼaˬ ngeh nah, Sehˬ gʼawˆ hawˇ-eu kʼoeˇ-euˬ keu ka deuˬ-ahˇ maˬ ehˇ, lawˇ duˬ hawˇ-eu kʼoeˇ-euˬ keu ka deuˬ-ahˇ maˬ ehˇ, aˬ yawꞈ tsiˇ lehꞈ nehˬ-euˬ meh.

Bawˇtsahˬ 7:8

Meˬlaˬliˇ aˇ jeuˬ-ahˇ laˆ lawˬ oeˬ laˇ hawˇ-eu mawˇ neˇ mawˇ gaw yehꞈ mawˇ aˬ yawꞈ biꞈ-euˬ meh. Aˬloˬ-euˬ aˬ li Iˇdaˬmaˬ neh kʼaˇ mehˬ kʼaˇ tsoˆ nehˬ-euˬ loꞈ-ehˇ, aˬ yawꞈ maꞈ-euˬ gaˇ aˬ yawꞈ maꞈ ya mˇ-eu meh.