Bawˇtsahˬ 36:6 - Akha

⁶ Sahˬpaˬ Miˬyehˇ ehˇ-eu, Zeˬloˇpeˬhaˇ-euˬ aˬ buˇ deuˬ-aˬ, yawˬ ha kʼaˇ dahˬ dzaˬ-iˇ mawꞈ-eu gʼaˬ-ahˇ dahˬ dzaˬ-iˇ nya meh. Ehˇ kʼawꞈ, yawˬ ha tsawˇ jeuˬ laꞈ kʼoeˇ tehꞈ-ehˇ ya dahˬ dzaˬ-iˇ meh lehˇ ehˇ taˬ-euˬ jaˆ-eu meh.

Bawˇtsahˬ 36:6 ပူးပေါင်းရင်းမြစ်များ

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

1 Laˬsaˬbaˬ 23:22

Ehˇ kʼawꞈ, Eˇlaˬzaˬ gʼaˬ-aˬ, ziˇ jiˇ ngeh keuˆ ni aˬ li tiˬ li-iˬ maˬ jawˇ le-ehˇ, aˬ buˇ tehꞈ-ehˇ jawˇ-euˬ meh. Aˬ yawꞈ-euˬ aˬ buˇ deuˬ-aˬ, aˬ yawꞈ maꞈ-euˬ aˬ zawˇ Giˇshaˆ-euˬ aˬ li deuˬ-ahˇ dahˬ dzaˬ-iˇ-euˬ meh.

Bawˇtsahˬ 27:7

“Zeˬloˇpeˬhaˇ-euˬ aˬ buˇ deuˬ shaˇ-eu kʼoeˇ tsaˬ meh. Aˬ yawꞈ maꞈ-euˬ aˬ da-euˬ aˬ yuiꞈ aˬ nyiˇ deuˬ-euˬ myawˬ gahˬ aˬ yawꞈ maꞈ-ahˇ biˇ nehˬ-awˬ. Aˬ yawꞈ maꞈ-euˬ aˬ da-euˬ jeˬ biˇ aˬ yawꞈ maꞈ-ahˇ biˇ oꞈ nehˬ-awˬ.

Bawˇtsahˬ 36:12

Yoˇsehˆ-euˬ aˬ li Maˬnaˇseˬ-euˬ aˇ jeuˬ-ahˇ tehꞈ-ehˇ aˬ yawꞈ maꞈ dahˬ dzaˬ-iˇ-awˇ, aˬ yawꞈ maꞈ-euˬ jeˬ biˇ kʼawꞈ, aˬ yawꞈ maꞈ-euˬ aˬ da-euˬ tsawˇ jeuˬ laꞈ kʼoeˇ tehꞈ-ehˇ jaˆ-euˬ meh.

Bawˇtsahˬ 36:5

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ ehˇ nehˬ-euˬ meh. “Maˬnaˇseˬ tsawˇ jeuˬ ehˇ-eu tsaˬ meh.

2 Gawˇliˬtu 6:14

Ka li-ahˇ maˬ jah-eu tsawˇ haˬ deuˬ nehˬ-ehˇ nui ma tiˬ gaˇ taꞈ-awˇ taˬ dehꞈ. Kʼoeˇ loꞈ-ehˇ maˬ geuꞈ nya-a. Yaw tsaˬ yaw dawˇ jeˬ hawˇ-eu maˬ tsaˬ maˬ dawˇ-eu jeˬ aˬ joˆ-ehˇ tiˬ gaˇ taꞈ nya nmˇ. Yaw shehꞈ hawˇ-eu yaw zahˇ aˬ joˇ-ehˇ tiˬ gaˇ jawˇ nya nmˇ.