Bawˇtsahˬ 35:2 - Akha

² “Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Iˇsaˬleˬlaˆ tsawˇ haˬ deuˬ neh za-euˬ miˇ kʼahˬ laꞈ kʼoeˇ, meuˬ tiˬ paˆ na deuˬ hawˇ-eu meuˬ-euˬ tahˬ gʼoꞈ tahˬ jawˇ jaˆ-eu jeˬ zaˬ gaˆ kʼahˬ deuˬ Leˬbiˇ tsawˇ ha deuˬ-ahˇ ya biꞈ meh.

Bawˇtsahˬ 35:2 ပူးပေါင်းရင်းမြစ်များ

Yeˬsaˬgeˬlaˇ 48:8

Yuˇdaˆ tsawˇ jeuˬ-euˬ miˇ tsaˬ nehˬ-ehˇ nahˇ ma doˆ kʼehˬ ga kʼehˬ-ehˇ miˇ kaˬ taꞈ-eu miˇ tsaˬ pehˇ tsahˇ kʼoeˇ tsahˇ ya dehˬ doˆ taˬ meh. Miˇ tsaˬ kʼoeˇ tsahˇ-ahˇ laꞈ taˆ paw pyawˬ-ahˇ neh laꞈ oˆ paw pyawˬ-ahˇ daˇ dza dehˬ ka leꞈ ngeh, koꞈ heˇ nyiˬ yaˇ ngaˬ tseˇ lmˇ ya bi byah-awˇ, yaw mahˇ paw Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ-ahˇ oꞈ-eu miˇ tsaˬ nehˬ-ehˇ tiˬ kawˆ mah ni ya bi tsaˬ-eu meh. Uˬ duˬ tahˬ nymˇ nymˇ ma-ahˇ pehˇ tsahˇ heu tsahˇ laꞈ kʼoeˇ ya bi jaˆ-eu meh.

Yeˬsaˬgeˬlaˇ 48:22

Kʼoeˇ miˇ neh, Leˬbiˇ tsawˇ haˬ deuˬ-euˬ myawˬ gahˬ hawˇ-eu meuˬ kʼoeˇ meuˬ-euˬ myawˬ gahˬ deuˬ-aˬ, dzoeˬ dzaˬ-eu sahˬpaˬ zaˬ yo-euˬ miˇ tsaˬ gʼahˇ ceh jaˆ-eu meh. Dzoeˬ dzaˬ-eu sahˬpaˬ zaˬ yo-euˬ miˇ tsaˬ kʼoeˇ-aˬ, Yuˇdaˆ tsawˇ jeuˬ-euˬ miˇ tsaˬ hawˇ-eu Beˬyaˬmiˬ tsawˇ jeuˬ-euˬ miˇ tsaˬ yaw kaˬ-ahˇ jaˆ-eu meh.

Bawˇtsahˬ 35:1

Yeˬliˇkoˇ meuˬ-euˬ kʼoeˇ paw paˆ Yawˇdaˬ lawˇ baˬ nui baˬ-ahˇ jaˆ-eu Mawˇbaˆ miˇ kʼahˬ deh ga-ahˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 35:3

Meuˬ kʼoeˇ deuˬ-aˬ, Leˬbiˇ tsawˇ haˬ deuˬ-euˬ meuˬ pyeuꞈ-awˇ, kʼoeˇ gaˇ ya bi jawˇ meh. Jeˬ zaˬ gaˆ kʼahˬ kʼoeˇ deuˬ kʼawꞈ, aˬ yawꞈ maꞈ-euˬ mawˇ neˇ hawˇ-eu jeˬ zaˬ deuˬ gʼaˇ duˬ meh.

Dawˬmehˬ 18:6

“Leˬbiˇ tsawˇ haˬ tiˬ gʼaˬ na, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ aˬ geu meuˬ-ahˇ jawˇ-eu maˬ kaˬ, nui ma keuˆ-awˇ uˬ duˬ tahˬ-eu jawˇ duˬ-ahˇ laˇ naˇ,

2 Laˬsaˬbaˬ 11:14

Leˬbiˇ tsawˇ haˬ deuˬ-aˬ, yawˬ ha-euˬ jeˬ zaˬ gaˆ kʼahˬ hawˇ-eu miˇ tsaˬ deuˬ byehˇ dzeh yaꞈ jiˇ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ pawˇ le jiˇ-euˬ meh. Aˬ jeˬ miˇ neh ehˇ naˇ, sahˬ paˬ Yeˬyawˇbamˬ hawˇ-eu aˬ yawꞈ-euˬ mehˬ nah daˆ laˇ-euˬ sahˬ paˬ deuˬ, aˬ yawꞈ maꞈ-ahˇ Sahˬpaˬ Miˬyehˇ-euˬ piˇ ma maˬ bi geuꞈ-a.

2 Laˬsaˬbaˬ 31:19

Aˬloˬ-euˬ zaˬ deuˬ uˆ deuˬ-ahˇ biˇ oꞈ nehˬ-euˬ meuˬ deuˬ hawˇ-eu, meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ-ahˇ jawˇ-eu piˇ ma deuˬ-ahˇ taꞈ leˇ-awˇ, piˇ ma-euˬ nymˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ deuˬ hawˇ-eu, Leˬbiˇ aˇ jeuˬ laꞈ kʼoeˇ tsawˇ myahˇ kʼaˇ ahˇ-eu yawˬ gʼaˬ na luꞈ-ahˇ dzaˬ dzaˬ dawˇ dawˇ bi biˇ nehˬ-eu gʼaˇ duˬ tseˇ doˆ taˬ-euˬ deuˬ jawˇ-eu meh.

1 Laˬsaˬbaˬ 13:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ kʼawꞈ nui ma tsaˬ-awˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ nui ma tsaˬ naˇ, dzeˇ luꞈ-eu aˬ dui-euˬ miˇ kʼahˬ zaˬ deuˬ jawˇ gaˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ jawˇ-eu meuˬ deuˬ-ahˇ maˬ ehˇ tsawˇ haˬ pyehˬ gʼeh-awˇ, heu gaˇ uiˬ laˇ ni bi kuˇ gaˬ-iˇ kaˇ-euˇ.

Neˬhaˬmiˇ 13:10

Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Leˬbiˇ tsawˇ haˬ deuˬ dehꞈ nya jawˇ nya ni miˇ kʼahˬ zaˬ deuˬ maˬ caw ba nehˬ-eu miˇ neh, aˬ yawꞈ maꞈ Yeˬluˇsaˬlehˬ meuˬ-ahˇ byehˇ yaꞈ-awˇ, yawˬ ha-euˬ myawˬ kʼahˬ yaˇ kʼahˬ jaˆ gaˇ gʼoꞈ-iˇ jiˇ-euˬ gaˇ kawˆ kʼawꞈ, ngaˇ ya siˬ-euˬ ma.