Bawˇtsahˬ 34:3 - Akha

³ Naw maꞈ miˇ kʼahˬ laꞈ oˆ paw pyawˬ-euˬ miˇ kaˬ-aˬ, Ziˇnaˆ bawˇ tsahˬ bawˇ dahˇ-ahˇ neh Eˬdoˬ miˇ kʼahˬ-euˬ miˇ kaˬ-ahˇ keuˆ ni meh. Laꞈ oˆ paw pyawˬ miˇ kaˬ kʼoeˇ-aˬ, Shiˇ-eu Iˬ ma laˆ shaˆ lah dahˬ paw coeˇ-ahˇ neh aˇ dahˬ beh-eu meh.

Bawˇtsahˬ 34:3 ပူးပေါင်းရင်းမြစ်များ

Aˇ dahˬ 14:3

Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Yeˬsaˬgeˬlaˇ 47:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ tseˇ nyiˬ jeuˬ ya biˇ geuꞈ-eu miˇ kʼahˬ kʼoeˇ kʼahˬ-euˬ miˇ kaˬ-aˬ, heu loꞈ-ehˇ meh. Yoˇsehˆ tsawˇ jeuˬ-ahˇ miˇ tsaˬ nyiˬ tsahˇ oꞈ-eu meh.

Yeˬsaˬgeˬlaˇ 47:8

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Lawˇ baˬ heu gawˆ-aˬ, miˇ kʼahˬ heu kʼahˬ nyiˬ tsehˆ-ehˇ nahˇ ma doˆ kʼehˬ paw yoeˇ ka gʼeh-awˇ, Yawˇdaˬ lawˇ baˬ-ahˇ yoeˇ tsmˇ-iˇ-awˇ, shiˇ-eu iˬ ma laˆ shaˆ-ahˇ yoeˇ ahˇ-eu meh. Shiˇ-eu iˬ ma laˆ shaˆ-ahˇ yoeˇ ahˇ ngeh, kʼoeˇ gaˇ dahˬ-eu saˬ deuꞈ kuiˇ-eu iˇ cuꞈ-ahˇ, saˬ deuꞈ maˬ kuiˇ-eu iˇ cuꞈ iˇ lahˬ ka nehˬ gaˇ duˇ-eu meh.

Bawˇtsahˬ 13:21

Kʼoeˇ naˇ, tsawˇ haˬ kʼoeˇ deuˬ laꞈ taˆ paw le gʼeh leꞈ-awˇ, laꞈ oˆ paw dzeˇ dzaˬ-ahˇ jaˆ-eu Ziˇnaˆ lehˇ kuˇ-eu bawˇ tsahˬ bawˇ dahˇ-ahˇ neh, laˬ taˆ paw jaˆ-eu Haˬmaˬ meuˬ-ahˇ le-eu gaˇ ma dawˬ peh jaˆ-eu Leˬhawˇbaˆ meuˬ-ahˇ keuˆ ni, miˇ kʼahˬ kʼoeˇ-ahˇ pyehˆ tseˇ haw leˇ-euˬ meh.

Yawˇshuˆ 1:4

Naw maꞈ-euˬ miˇ kʼahˬ miˇ kaˬ-aˬ, laꞈ oˆ paw pyawˬ-ahˇ jaˆ-eu bawˇ tsahˬ bawˇ dahˇ-ahˇ neh, laꞈ taˆ paw pyawˬ-ahˇ jaˆ-eu Leˬbaˬnoˬ gawˬ jawˬ deuˬ-ahˇ keuˆ ni pyeuꞈ-awˇ, nahˇ ma doˆ kʼehˬ paw jaˆ-eu Uˇpaˬlaˇ lawˇ baˬ-ahˇ neh Heˬtaˆ miˇ kʼahˬ nyiˬ tsehˆ-ehˇ, nahˇ ma ga kʼehˬ paw pyawˬ-ahˇ jaˆ-eu Gʼahˇ ceh-euˬ iˬ ma laˆ shaˆ-ahˇ keuˆ ni meh.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.