Bawˇtsahˬ 33:52 - Akha

⁵² kʼoeˇ gaˇ jawˇ luꞈ-eu tsawˇ haˬ dawˬ tawˆ luꞈ-ahˇ ya teh doˆ-awˇ, aˬ yawꞈ maꞈ neh tehˆ taˬ-euˬ tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ uˬ duˬ tahˬ-eu jawˇ duˬ dawˬ tawˆ luꞈ ya laˆ cawˆ jiˇ meh.

Bawˇtsahˬ 33:52 ပူးပေါင်းရင်းမြစ်များ

1 Sahˬpaˬ 11:7

Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-euˬ gawˬ jawˬ kʼoeˇ taˆ, Mawˇbaˆ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ, gʼeh-eu Sheˬmoˇshaˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ aˬ yawꞈ tsoˆ-euˬ meh.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Uˬ duˬ 26:1

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Dawˬmehˬ 31:5

Sahˬpaˬ Miˬyehˇ naw maꞈ-ahˇ tsawˇ jeuˬ kʼoeˇ deuˬ-ahˇ bi gʼaˬ leˇ-awˇ, ngaˬ neh naw maꞈ-ahˇ kʼaˇ ehˇ taˬ-euˬ loꞈ-ehˇ tiˬ pawꞈ-iˬ maˬ bi lehˬ-iˇ ni, tsawˇ jeuˬ kʼoeˇ deuˬ-ahˇ naw maꞈ ya jahˇ nehˬ tehꞈ-a.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Yawˇshuˆ 11:15

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Yawˇshuˆ-ahˇ Moˇseˬ dawˬ biꞈ poˆ-awˇ, dawˬ kʼoeˇ deuˬ-ahˇ Yawˇshuˆ naˇ haˬ geuꞈ-euˬ meh. Moˇseˬ-ahˇ Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ aˬ yawꞈ mˇ-euˬ meh.

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.

Yawˇshuˆ 9:7

Ehˇ kʼawꞈ, Iˇsaˬleˬlaˆ tsawˇ haˬ deuˬ ehˇ-eu, “Aˬ jeˬ miˇ neh nga maꞈ naw maꞈ nehˬ-ehˇ saˇ jaˇ ya dzaˬ taꞈ ta. Naw maꞈ dawˬ peh jawˇ-eu tsawˇ haˬ pyeuꞈ-eu maˬ siˬ tawˇ.”

Yaˇ kʼaˬ daˇ 2:2

Miˇ kʼahˬ heu kʼahˬ-ahˇ jawˇ-eu tsawˇ haˬ nehˬ-ehˇ naw maꞈ dawˬ ma saˇ jaˇ maˬ ya dzaˬ-eu uˬ taꞈ, aˬ yawꞈ maꞈ-euˬ lawˇ guiˇ deuˬ-ahˇ naw maꞈ ya laˆ cawˆ meh lehˇ ngaˇ ehˇ taˬ-euˬ ma. Ehˇ kʼawꞈ, ngaˬ neh ehˇ taˬ-euˬ loꞈ-ehˇ naw maꞈ maˬ mˇ-a.