Bawˇtsahˬ 32:41 - Akha

⁴¹ Maˬnaˇseˬ tsawˇ jeuˬ Yaˬiˇlaˆ aˇ jeuˬ deuˬ kʼawꞈ, pu tiˬ paˆ na deuˬ deuˆ za-awˇ, “Yaˬiˇlaˆ-euˬ pu deuˬ” lehˇ myahˇ-euˬ meh.

Bawˇtsahˬ 32:41 ပူးပေါင်းရင်းမြစ်များ

1 Sahˬpaˬ 4:13

Beˬgeˬbeuˬ-aˬ, Giˇlaˆ miˇ kʼahˬ Laˬmoˆ meuˬ, Giˇlaˆ miˇ kʼahˬ-ahˇ jaˆ-eu Maˬnaˇseˬ-euˬ zaˬ deuˬ uˆ deuˬ pyeuꞈ-eu Yaˬiˇlaˆ aˇ jeuˬ aˇ ca deuˬ jawˇ-eu pu deuˬ hawˇ-eu, Baˬshaˬ miˇ kʼahˬ-ahˇ jaˆ-eu Aˬgawˆ gahˬ kaˬ ahˇ leˇ-ehˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, lahˇ kʼehˬ-ahˇ guiˬ shuiˇ laˇ gʼoˆ jahˇ ahˇ taˬ-euˬ meuˬ meuˬ ma koꞈ tseˇ meuˬ-ahˇ haw-eu pyaˆ-eu gʼaˬ geuꞈ-euˬ meh.

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Yawˇshuˆ 13:30

Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

Yaˇ kʼaˬ daˇ 10:4

Aˬ yawꞈ-euˬ aˬ li smˬ tseˇ li jawˇ-awˇ, mahˬ tahˬ laˆ smˬ tseˇ mawˇ dziˬ-euˬ meh. Iˬ nah keuˆ ni, Yaˬiˇlaˆ-euˬ meuˬ deuˬ lehˇ kuˇ luꞈ-eu, aˬ yawꞈ maꞈ-euˬ meuˬ smˬ tseˇ meuˬ Giˇlaˆ miˇ kʼahˬ laꞈ kʼoeˇ jaˆ luꞈ meh.