Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ ngeh yamˬ-ahˇ, laꞈ taˆ paw ehˇ taˬ-euˬ tsawˇ haˬ kʼoeˇ deuˬ Geˬlawˬ deh kʼawꞈ-ahˇ iˇ-awˇ, kʼoeˇ gaˇ jawˇ-eu tsawˇ haˬ deuˬ-euˬ sehˬ gʼawˆ deuˬ-ahˇ laˆ cawˆ-euˬ meh. Tsawˇ haˬ kʼoeˇ deuˬ-ahˇ aˬ yawꞈ maꞈ teh doˆ-awˇ, kʼoeˇ gaˇ jawˇ duˬ dah-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ, aˬ yawꞈ maꞈ-euˬ yawˇ deuˬ gʼaˇ duˬ muiˬ dui dui-eu gaˆ kʼahˬ gʼawˬ mya ni jaˆ-eu meh.
Bawˇtsahˬ 32:4 - Akha4 Sahˬpaˬ Miˬyehˇ neh Iˇsaˬleˬlaˆ tsawˇ haˬ-ahˇ bi deuˆ za-euˬ miˇ kʼahˬ kʼoeˇ-aˬ, jeˬ zaˬ jawˇ duˬ yaw muiˬ meh. Nga maꞈ-aˬ, jeˬ zaˬ jawˇ myaˬ-eu tsawˇ haˬ pyeuꞈ-eu ma. အခန်းကိုကြည့်ပါ။ |
Bawˇtsahˬ 32:4
9 ပူးပေါင်းရင်းမြစ်များ
Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.
Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.
Ehˇ kʼawꞈ, aˬ yawꞈ maꞈ tsawˇ haˬ gʼawˬ mya ni Iˇsaˬleˬlaˆ tsawˇ haˬ neh bi deuˆ sehꞈ-awˇ, aˬ yawꞈ maꞈ-euˬ miˇ kʼahˬ Aˬnoˬ lawˇ baˬ-ahˇ neh Jaˬboˆ lawˇ baˬ-ahˇ keuˆ ni Iˇsaˬleˬlaˆ tsawˇ haˬ deuˬ neh bi deuˆ geuꞈ-euˬ meh. Aˬmoˬ tsawˇ jeuˬ-euˬ miˇ kaˬ-ahˇ keuˆ ni tehꞈ-ehˇ Iˇsaˬleˬlaˆ tsawˇ haˬ deuˬ guiˇ deuˆ keuˆ-euˬ meh. Aˬ jeˬ miˇ neh ehˇ naˇ, Aˬmoˬ miˇ kʼahˬ-ahˇ guiˇ guiˇ maꞈ gʼawˬ mya ni loꞈ tsoeˬ taˬ-euˬ meh,
ကြော်ငြာတွေ