Bawˇtsahˬ 32:1 - Akha

¹ Luˇbeˬ tsawˇ jeuˬ hawˇ-eu Gaˆ tsawˇ jeuˬ jeˬ zaˬ myaˬ dui dui-awˇ, Yaˬzeuˬ meuˬ hawˇ-eu Giˇlaˆ meuˬ-aˬ, jeˬ zaˬ jawˇ duˬ muiˬ dui dui gaˇ aˬ yawꞈ maꞈ ya mawˇ-euˬ meh.

Bawˇtsahˬ 32:1 ပူးပေါင်းရင်းမြစ်များ

Aˇ dahˬ 13:2

Aˬbyaˬ-aˬ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, myaˬ dui dui-awˇ, pyuˇ shuiˇ jaˆ dui dui-eu smˇ muiˬ aˬ da tiˬ gʼaˬ pyeuꞈ-eu meh.

Aˇ dahˬ 13:5

Lawˇtaˬ gʼaˬ kʼawꞈ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, gʼawˬ mya ni jawˇ-awˇ, yawˬ ha-euˬ nymˇ jiˇ yawˬ ha baw-eu uˬ taꞈ, zaˬ kʼaˆ kʼawꞈ cu taˬ-euˬ meh.

Aˇ dahˬ 29:32

Kʼoeˇ naˇ, Leˇaˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Ngaˇ shaˬ zahˬ mˇ gaˇ Sahˬpaˬ Miˬyehˇ haw mawˇ le-euˬ loꞈ-ehˇ, aˬ kaˇ naˇ, ngaˬ-euˬ kʼaˬ dzeˇ zaˬ ngaˬ-ahˇ gaˬ luꞈ-uˇ” lehˇ Leˇaˬ ehˇ-awˇ, aˬ li kʼoeˇ li-ahˇ Luˇbeˬ lehˇ myahˇ nehˬ-euˬ meh.

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

2 Saˬmeuˬlaˆ 24:5

Aˬ yawꞈ maꞈ Yawˇdaˬ lawˇ baˬ tsehˆ doˆ-awˇ, Gaˆ miˇ kʼahˬ laꞈ kʼoeˇ, Aˬyawˬ meuˬ-euˬ laꞈ oˆ paw naˬ-euˬ meh. Kʼoeˇ gaˇ neh naˇ, laꞈ taˆ paw pyawˬ-ahˇ jaˆ-eu Yaˬzeuˬ meuˬ-ahˇ le-euˬ meh.

2 Saˬmeuˬlaˆ 24:6

Kʼoeˇ naˇ, Heˬtaˆ miˇ kʼahˬ-ahˇ jaˆ-eu Giˇlaˆ meuˬ hawˇ-eu Kaˬdeˬshaˇ meuˬ-ahˇ le-euˬ meh. Kʼoeˇ gaˇ neh naˇ, Daˬ meuˬ-ahˇ iˇ-awˇ, Daˬ meuˬ-ahˇ neh Siˇdoˬ meuˬ-ahˇ iˇ gʼeh-euˬ meh.

1 Laˬsaˬbaˬ 4:41

Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ ngeh yamˬ-ahˇ, laꞈ taˆ paw ehˇ taˬ-euˬ tsawˇ haˬ kʼoeˇ deuˬ Geˬlawˬ deh kʼawꞈ-ahˇ iˇ-awˇ, kʼoeˇ gaˇ jawˇ-eu tsawˇ haˬ deuˬ-euˬ sehˬ gʼawˆ deuˬ-ahˇ laˆ cawˆ-euˬ meh. Tsawˇ haˬ kʼoeˇ deuˬ-ahˇ aˬ yawꞈ maꞈ teh doˆ-awˇ, kʼoeˇ gaˇ jawˇ duˬ dah-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ, aˬ yawꞈ maꞈ-euˬ yawˇ deuˬ gʼaˇ duˬ muiˬ dui dui-eu gaˆ kʼahˬ gʼawˬ mya ni jaˆ-eu meh.

Doˆ-iˇ 12:38

Nui deuˬ tsawˇ jeuˬ gʼawˬ mya ni maˬ ehˇ, myaˬ dui dui-eu yawˇ, ciꞈ myehꞈ hawˇ-eu mawˇ neˇ deuˬ maˬ ehˇ, aˬ yawꞈ maꞈ nehˬ-ehˇ iˇ gʼeh-euˬ meh.

Yeˬlaˬmiˇ 22:6

“Yuˇdaˆ sahˬ paˬ-euˬ hawˇ nymˇ heu-aˬ, ngaˬ-euˬ gʼaˇ duˬ Giˇlaˆ miˇ kʼahˬ hawˇ-eu Leˬbaˬnoˬ gawˬ jawˬ deuˬ loꞈ-ehˇ haw muiˬ-eu kʼawꞈ, tsawˇ haˬ tiˬ gʼaˬ-iˬ maˬ jawˇ-eu bawˇ tsahˬ bawˇ dahˇ loꞈ-ehˇ, coꞈ gaˆ ni ngaˇ bi pyeuꞈ-iˇ ma.

Yeˬlaˬmiˇ 48:32

Yaˬzeuˬ meuˬ-ahˇ jawˇ-eu deuˬ gʼaˇ duˬ ngoeˇ-eu naˆ maˬ tseˇ, Siˇbaˬmaˬ meuˬ-ahˇ jawˇ-eu deuˬ gʼaˇ duˬ ngaˇ ngoeˇ ma. Siˇbaˬmaˬ meuˬ-oˇ, nawˇ-aˬ, Shiˇ-eu iˬ ma laˆ shaˆ kʼoeˇ taˆ uˬ laꞈ cawˬ tsehˆ gʼeh-awˇ, Yaˬzeuˬ meuˬ-ahˇ cawˬ keuˆ-euˬ aˬ gaꞈ baw duˆ-ahˇ duˇ-eu meh. Ehˇ kʼawꞈ, jawˇ la yamˬ-ahˇ siˬ-eu nawˬ-euˬ aˬ gaꞈ aˇ siˬ deuˬ bi laˆ cawˆ jiˇ-euˬ meh.

Yeˬlaˬmiˇ 50:19

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.

Bawˇtsahˬ 21:32

Kʼoeˇ naˇ, Moˇseˬ tsawˇ haˬ pyehˬ gʼeh-awˇ, Yaˬzeuˬ meuˬ-ahˇ guiˇ deuˆ leˇ-eu gʼaˇ duˬ bi pyehˆ tseˇ haw leˇ-euˬ meh. Meuˬ kʼoeˇ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu meuˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-awˇ, kʼoeˇ gaˇ jawˇ-eu Aˬmawˇliˆ tsawˇ haˬ deuˬ-ahˇ teh dzeh-euˬ meh.

Bawˇtsahˬ 32:2

Kʼoeˇ ngeh, Moˇseˬ, Eˇlaˬzaˬ hawˇ-eu, Iˇsaˬleˬlaˆ tsawˇ haˬ aˇ maꞈ kʼoeˇ taˆ aˬ yuiꞈ aˬ tsu geuꞈ-eu deuˬ jawˇ gaˇ aˬ yawꞈ maꞈ le-awˇ, heu loꞈ-ehˇ ehˇ nehˬ-euˬ meh.

Bawˇtsahˬ 32:26

Nga maꞈ-euˬ miˬ sawˇ zaˬ deuˬ, nga maꞈ-euˬ mawˇ neˇ hawˇ-eu yawˇ deuˬ, heu gaˇ, Giˇlaˆ meuˬ-ahˇ bi jawˇ yaꞈ ma.

Bawˇtsahˬ 32:3

“Aˬtaˬyoˆ meuˬ, Diˇboˬ meuˬ, Yaˬzeuˬ meuˬ, Nymˇlahˬ meuˬ, Heˬshaˬboˬ meuˬ, Eˇlaˬleˬ meuˬ, Siˇbaˬmaˬ meuˬ, Neˬboˬ meuˬ hawˇ-eu, Boeˬnaˬ meuˬ heu deuˬ ahˇ leˇ-ehˇ,

Bawˇtsahˬ 32:35

Aˬtaˬyawˇshoˬpaˬ meuˬ, Yeˬzeuˬ meuˬ, Yoˇbeˬhaˇ meuˬ,

Dawˬmehˬ 33:21

Aˬ yuiꞈ-euˬ gʼaˇ duˬ bi jaˆ-euˬ, muiˬ dui dui-eu miˇ kʼahˬ pehˇ tsahˇ, aˬ yawꞈ gʼaˇ duˬ tsaˬ geuꞈ-euˬ meh. Iˇsaˬleˬlaˆ aˬ yuiꞈ aˬ tsu, uiˬ le jiˇ-awˇ baꞈ dzah dzah ngeh, Sahˬpaˬ Miˬyehˇ-euˬ Zahˇ dawˬ-ahˇ, aˬ yawꞈ maꞈ naˇ haˬ geuꞈ-euˬ meh.”

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 22:13

Kʼoeˇ naˇ, Iˇsaˬleˬlaˆ tsawˇ haˬ deuˬ piˇ ma Eˇlaˬzaˬ-euˬ aˬ li Piˇnaˬhaˇ-ahˇ, Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ bi iˇ-euˬ meh.

Yawˇshuˆ 22:9

Kʼoeˇ naˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ heu deuˬ, aˬ yawꞈ maꞈ-euˬ miˇ kʼahˬ paw gʼoꞈ-iˇ-euˬ meh. Iˇsaˬleˬlaˆ tsawˇ jeuˬ nui deuˬ-ahˇ, Kaˬnaˬ miˇ kʼahˬ Shiˇloˬ meuˬ-ahˇ bi jawˇ yaꞈ-awˇ, Sahˬpaˬ Miˬyehˇ neh Moˇseˬ-ahˇ gʼoe-awˇ aˬ yawꞈ maꞈ-ahˇ biꞈ taˬ-euˬ loꞈ-ehˇ, aˬ yawꞈ maꞈ neh za-euˬ miˇ kʼahˬ pyeuꞈ-eu Giˇlaˆ miˇ kʼahˬ-ahˇ aˬ yawꞈ maꞈ gʼoꞈ-iˇ-euˬ meh.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.

Yaˇ kʼaˬ daˇ 5:16

Aˬ jeˬ miˇ neh aˬ yawꞈ maꞈ-euˬ yawˇ nehˬ-ehˇ aˬ yawꞈ maꞈ jawˇ yaꞈ ta. Yawˇ bo-eu deuˬ yawˇ zaˬ jaˬ kʼoꞈ gaˇ naˇ haˬ-eu lehˇ jawˇ yaꞈ ta loˇ. Ngeuˇ meh. Luˇbeˬ tsawˇ jeuˬ nyiˬ jeˬ noeˬ meh. Oe-eu maˬ oe-euˬ maˬ duˬ-a.