Bawˇtsahˬ 31:54 - Akha

⁵⁴ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi haw piˇ-eu gʼaˇ duˬ, Moˇseˬ hawˇ-eu Eˇlaˬzaˬ aˬ nyaꞈ Sehˬ gʼawˆ-ahˇ shuiˇ kʼoeˇ deuˬ yuˇ gʼeh-euˬ meh.

Bawˇtsahˬ 31:54 ပူးပေါင်းရင်းမြစ်များ

Jaceuq 115:1

Sahˬpaˬ Miˬyehˇ-oˇ, nawˇ tiˬ gʼaˬ-ahˇ tehꞈ-ehˇ, nga maꞈ-ahˇ maˬ ngeuˇ, nawˬ-ahˇ tehꞈ-ehˇ, baoˬ yaw shehꞈ kʼahˬ sehˇ oꞈ-eu meh. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ baˬ da neh, nawˬ-ahˇ tehꞈ-ehˇ oꞈ-eu meh.

Jaceuq 145:7

Nawˬ-euˬ muiˬ-eu guiˬ lahˬ gaˇ kawˆ aˬ yawꞈ maꞈ ja-awˇ, nawˇ gʼawˬ shaˬ gaˬ nya-eu gaˇ kawˆ caˇ-eu meh.

Jaceuq 18:49

Kʼoeˇmiˇneh nawˬ-ahˇja ceuˬma. Miˇkʼahˬtsawˇjeuˬdawˬtawˆgʼahˇceh, nawˬ-ahˇcaˇ-awˇja ceuˬ-eu ma.

Doˆ-iˇ 28:12

Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, kʼaˬ lo sehˇ kʼoeˇ nyiˬ siˬ-ahˇ, pehˇ kʼahˬ pehˇ nymˇ-ahˇ tsoꞈ-eu baꞈ pu aˇ caˆ kʼoeˇ taˆ bi jaˆ-awˬ. Sahˬpaˬ Miˬyehˇ pyeuꞈ-eu ngaˇ, ngaˬ-eu tsawˇ haˬ deuˬ-ahˇ aˬ myah luꞈ noeˬ keuˆ-eu gʼaˇ duˬ, Aˬloˬ-aˬ, aˬ yawꞈ-euˬ baꞈ pu kʼoeˇ taˆ, aˬ yawꞈ maꞈ-euˬ tsawˇ myahˇ deuˬ-ahˇ, kʼoeˇ loꞈ-ehˇ ya pi tehꞈ-a.

Doˆ-iˇ 30:16

Iˇsaˬleˬlaˆ tsawˇ haˬ deuˬ jawˇ gaˇ, pyuˇ heu deuˬ taꞈ uiˬ-awˇ, ngaˇ jawˇ-eu sehˬ gʼawˆ gʼaˇ duˬ zmˬ-awˬ. Heu-aˬ, aˬ yawꞈ maꞈ neh, yawˬ ha-euˬ gʼawˇ mawˇ gʼaˇ duˬ taꞈ uiˬ taˬ-euˬ pyuˇ pyeuꞈ-awˇ, aˬ yawꞈ maꞈ-ahˇ ngaˇ noeˬ keuˆ-eu laꞈ kʼoeˇ haw piˇ nehˬ ma.”

Zaˬkaˬliˇ 6:14

Shuiˇ uˬ kʼoˆ kʼoeˇ siˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ , Heˬlaˬdehˇ, Tawˇbiˇyaˆ, Yeˬdehˇyaˬ, Yawˇshuˆ aˬ ha oeˬ gʼaˬ-ahˇ noeˬ mawˇ-euˬ jeˬ pyeuꞈ tehꞈ-a.”

Bawˇtsahˬ 16:40

Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.

Luˇkaꞈ 22:19

Kʼoeˇ loꞈ-ehˇ ehˇ gʼaˬ ngeh, aˬ yawꞈ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ ngawˬ pyehˬ-euˬ meh. Kʼoeˇ naˇ, aˬ yawꞈ maꞈ-ahˇ biˇ nehˬ-awˇ ehˇ-eu, “Heu-aˬ, naw maꞈ gʼaˇ duˬ lawˇ nehˬ-euˬ ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ.”

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

Yawˇshuˆ 4:7

‘Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ lawˇ baˬ tsehˆ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-euˬ meh’ lehˇ ehˇ mehˬ nehˬ-awˬ. Kʼaˬ lo heu deuˬ-aˬ, jawˇ duˬ heu tsahˇ-ahˇ aˬ joˆ-ehˇ pyeuꞈ yaꞈ-euˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ aˬ myah luꞈ bi noeˬ mawˇ tehꞈ-a.”