Bawˇtsahˬ 31:41 - Akha

⁴¹ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ-aˬ, kawˬ taꞈ za-euˬ kʼoeˇ deuˬ-ahˇ, Sahˬpaˬ Miˬyehˇ gʼaˇ duˬ yaw zawˇ muiˬ-eu damˬ-eu jeˬ loꞈ-ehˇ Eˇlaˬzaˬ-ahˇ biꞈ-euˬ meh.

Bawˇtsahˬ 31:41 ပူးပေါင်းရင်းမြစ်များ

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Bawˇtsahˬ 18:19

“Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, ngaˇ biꞈ-eu ma. Heu-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˬ neh dzaˬ taˬ-euˬ, tiˬ jawˇ-iˬ maˬ cawˆ-iˇ nya-eu dawˬ ma saˇ jaˇ pyeuꞈ-eu ma.”

Bawˇtsahˬ 18:8

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

Bawˇtsahˬ 31:40

Kʼaˬ dzeˇ zaˬ neh maˬ bi laˆ ciˆ haw-euˬ miˬ daꞈ daꞈ shuiꞈ tiˬ muiˇ koꞈ heˇ gʼaˬ oꞈ-awˇ, kʼoeˇ laꞈ kʼoeˇ, Sahˬpaˬ Miˬyehˇ gʼaˇ duˬ smˬ tseˇ nyiꞈ gʼaˬ kawˬ doˆ nehˬ-euˬ meh.

Bawˇtsahˬ 31:42

Guiˇ deuˆ leˇ-euˬ tsawˇ haˬ deuˬ nehˬ-ehˇ tiˬ gʼaˬ tiˬ paˆ Moˇseˬ biˇ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ-aˬ,

Bawˇtsahˬ 5:10

Piˇ ma aˬ geu gʼaˬ maˬ kaˬ, yawˬ ha-ahˇ kʼaˇ biꞈ ha laˇ-euˬ damˬ-eu jeˬ-ahˇ ya geuꞈ meh.”

Bawˇtsahˬ 5:9

Iˇsaˬleˬlaˆ tsawˇ haˬ deuˬ neh Sahˬpaˬ Miˬyehˇ-ahˇ kʼaˇ lawˇ nehˬ laˇ-euˬ yawˬ jeˬ na luꞈ, aˬ yawꞈ maꞈ neh kʼaˇ biꞈ laˇ-euˬ piˇ ma kʼoeˇ gʼaˬ-euˬ shaˬ bymˇ pyeuꞈ-eu meh.

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Gaˬlaˬtiˆ 6:6

Miˬyehˇ dawˬ kawˬ dzaw luꞈ-eu tsawˇ haˬ-aˬ, yawˬ ha kʼaˇ jaˆ-eu yaw muiˬ jeˬ dawˬ tawˆ luꞈ yawˬ ha-ahˇ mehˬ nehˬ laꞈ-eu gʼaˬ-ahˇ biˇ nehˬ-eu tsaˬ meh.

1 Tiˆmoˇseˬ 5:17

Ka li zaˬ aˇ muˇ-ahˇ sheuˬ gʼeh-eu gaˇ yaw muiˬ paˬ-ehˇ mˇ luꞈ-eu tsawˇ mawˬ tsawˇ kʼaˆ deuˬ-ahˇ nyiˬ bymˇ taˬ huiˬ nehˬ paˬ-ehˇ gʼeh tehꞈ-a. Aꞈ yawꞈ maꞈ laꞈ kʼoeˇ, dawˬ mehˬ mehˬ-eu hawˇ-eu mehˬ-eu tsoˆ-eu jeˬ-ahˇ yaw kʼaˆ-ehˇ leh jeh-awˇ mˇ-eu deuˬ-ahˇ, kʼoeˇ naˆ maˬ tseˇ taˬ huiˬ nehˬ paˬ-ehˇ gʼeh tehꞈ-a.