Bawˇtsahˬ 30:2 - Akha

² Tsawˇ haˬ tiˬ gʼaˬ na tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, saˇ jaˇ maˬ puiˬ ni yawˬ ha neh kʼaˇ ehˇ taˬ-euˬ loꞈ-ehˇ ya mˇ byah meh.

Bawˇtsahˬ 30:2 ပူးပေါင်းရင်းမြစ်များ

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 116:18

Nawˬ-euˬ tsawˇ haˬ deuˬ uiˬ leˇ taˬ-euˬ mehˬ shi, Yeˬluˇsaˬlehˬ meuˬ Uˬ duˬ tahˬ nymˇ nymˇ ma-euˬ muiˬ-eu shawˇ-eu jawˇ duˬ-ahˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ damˬ ma. Sahˬpaˬ Miˬyehˇ-ahˇ ja ceuˬ-awˬ.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Jaceuq 15:3

dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 55:20

Yaw beh ngaˬ-ahˇ gʼoeˇ-eu tsawˇ haˬ saˇ jaˇ puiˬ-awˇ, aˬ yawꞈ-euˬ cawˬ deuˬ-ahˇ dawꞈ-eu ceh-eu meh.

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 76:11

Yawˬ ha saˇ jaˇ dzaˬ taˬ-euˬ jeˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ biꞈ-awˬ. Dawˬ peh jawˇ-eu tsawˇ jeuˬ dawˬ tawˆ luꞈ, aˬ yawꞈ-ahˇ laꞈ sawˬ biꞈ ha laˇ-awˬ. Tsawˇ haˬ zaˬ aˬ yawꞈ-ahˇ guˆ ni Miˬyehˇ jahˇ-eu meh.

Doˆ-iˇ 20:7

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ, nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Dawqdaq 20:25

Maˬ noeˬ duˬ ni lawˇ-eu shehˇ-eu lahˇ ju kʼmˇ gaˇ duˇ-awˇ, noeˬ paˇ-eu aˇ yamˬ maˬ jaˆ-a.

Uˬ duˬ 5:4

Tsawˇ haˬ tiˬ gʼaˬ na, maˬ shaˇ noeˬ maˬ shaˇ sawˇ ni, tiˬ jeˬ paˬ gʼaˇ duˬ kamˬ naˇ, aˬ geu jeˬ gʼaˇ duˬ kamˬ-eu maˬ kaˬ, aˬ yawꞈ kʼoeˇ loꞈ-ehˇ kamˬ-euˬ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Bawˇtsahˬ 21:2

Kʼoeˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ heu loꞈ-ehˇ saˇ jaˇ dzaˬ-euˬ meh. “Nga maꞈ-ahˇ tsawˇ haˬ heu deuˬ-ahˇ bi gʼaˬ leˇ nehˬ laꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ meuˬ dawˬ tawˆ luꞈ, aˬ diˇ aˬ maˇ nawˬ-ahˇ damˬ nehˬ-eu laꞈ kʼoeˇ laˆ luˬ laˆ seˇ nehˬ jiˇ ma.”

Bawˇtsahˬ 30:10

Kʼaˬ dzeˇ zaˬ baw-eu zaˬ miˬ zaˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, saˇ jaˇ dzaˬ naˇ,

Bawˇtsahˬ 32:24

Naw maꞈ-euˬ meuˬ deuˬ hawˇ-eu yawˇ yawˇ kuˆ deuˬ tsoˆ-awˬ. Ehˇ kʼawꞈ, naw maꞈ neh saˇ jaˇ dzaˬ taˬ-euˬ loꞈ-ehˇ mˇ byah-eu gʼaˇ duˬ taˬ ngehˇ.”

Maꞈtehˬ 23:16

Aˬ cawˬ-ahˇ gaˇ ma mehˬ-eu myaˆ behꞈ deuˬ-oˇ, naw maꞈ ya noeˬ shaˬ dui dui tehꞈ-a. ‘Tsawˇ haˬ tiˬ gʼaˬ na, Uˬ duˬ tahˬ nymˇ nymˇ ma-ahˇ gʼoe-awˇ kamˬ naˇ, aˬ yawꞈ neh kamˬ-euˬ loꞈ-ehˇ maˬ mˇ kʼawꞈ, tiˬ jeˬ-iˬ maˬ ngeuˇ-a. Ehˇ kʼawꞈ, Uˬ duˬ tahˬ nymˇ nymˇ ma laꞈ kʼoeˇ jaˆ-eu shuiˇ-ahˇ gʼoe-awˇ kamˬ naˇ, aˬ yawꞈ neh kʼaˇ kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ naw maꞈ mehˬ-eu meh.

Maꞈtehˬ 23:18

‘Tsawˇ haˬ tiˬ gʼaˬ na, lawˇ duˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ kʼawꞈ tiˬ jeˬ-iˬ maˬ ngeuˇ-a. Ehˇ kʼawꞈ, lawˇ duˬ kʼoeˇ taˆ lawˇ-euˬ jeˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ, naw maꞈ paˇ mehˬ-eu meh.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Gʼaˬkʼehˇ 23:14

Kʼoeˇ naˇ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ jawˇ gaˇ aˬ yawꞈ maꞈ iˇ-awˇ ehˇ-eu, “Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma nga maꞈ tiˬ kawˆ loꞈ-ehˇ saˇ jaˇ dzaˬ gʼaˬ taˬ-euˬ ma.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

2 Gawˇliˬtu 1:23

Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

Yaˇ kʼaˬ daˇ 11:11

Kʼoeˇ naˇ, Giˇlaˆ miˇ kʼahˬ-euˬ aˬ yuiꞈ aˬ tsu deuˬ nehˬ-ehˇ Yeˬpaˬtaˆ le-awˇ, aˬ cawˬ aˬ yawꞈ-ahˇ aˬ yawꞈ maꞈ kʼoeˇ taˆ aˬ yuiꞈ aˬ tsu bi geuꞈ-awˇ, bi uˆ lahˇ-euˬ meh. Kʼoeˇ ngeh, aˬ yawꞈ neh ehˇ-euˬ dawˬ kʼoeˇ dawˬ-ahˇ, Miˇzaˬpaˬ meuˬ-ahˇ, Sahˬpaˬ Miˬyehˇ-euˬ mehˬ shi aˬ yawꞈ tiˬ poˆ paˇ ehˇ poˆ-euˬ meh.

Yaˇ kʼaˬ daˇ 11:39

Ba la nyiˬ siˬ byah laˇ ngeh, aˬ yawꞈ aˬ da jawˇ gaˇ aˬ yawꞈ gʼoꞈ le-euˬ meh. Kʼoeˇ ngeh, aˬ yawꞈ-euˬ aˬ da neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ loꞈ-ehˇ mˇ-awˇ, aˬ yawꞈ ya shiˇ-euˬ meh. Aˬ yawꞈ-aˬ, kʼaˬ dzeˇ zaˬ nehˬ-ehˇ maˬ jawˇ taꞈ haw-euˬ miˬ daꞈ daꞈ shuiꞈ tiˬ gʼaˬ pyeuꞈ-eu meh. Kʼoeˇ ngeh neh naˇ, Iˇsaˬleˬlaˆ tsawˇ haˬ laꞈ kʼoeˇ zahˇ sahˇ kʼoꞈ heu loꞈ-ehˇ jaˆ ka leꞈ-euˬ meh.