Bawˇtsahˬ 30:13 - Akha

¹³ Yawˬ ha-euˬ miˬ zaˬ neh dzaˬ taˬ-euˬ saˇ jaˇ bi mˇ byah mawꞈ-eu maˬ ehˇ, maˬ bi mˇ byah mawꞈ-eu maˬ ehˇ, kʼaˬ dzeˇ zaˬ gʼaˬ naꞈ-i jaˆ-eu meh.

Bawˇtsahˬ 30:13 ပူးပေါင်းရင်းမြစ်များ

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Jaceuq 35:13

Ehˇkʼawꞈ yawꞈmaꞈnaˇngeh gawˇngeh, guˬdaˇpehˇzeuˇ-ahˇngaˇdm-awˇ, maˬdzaˬmaˬdawˇni lah daw-awˇ, awˆbyaˆ-awˇguiˬlahˬshaˇ-euˬma.

Iˇsaˬyaˇ 58:5

Naw maꞈ maˬ dzaˬ-eu zahˇ jahˇ ngeh, yawˬ ha gʼawˇ mawˇ bi shaˬ bi zahˬ-eu meh. Uˬ jiˇ uˬ paꞈ loꞈ-ehˇ naw maꞈ-euˬ uˬ duˬ awˆ moꞈ-awˇ, guˬ daˇ pehˇ zeuˇ kʼawˬ-awˇ kʼaˬ lehˇ tawˆ daˆ taˬ-euˬ kʼoeˇ taˆ, naw maꞈ ga-awˇ maˬ dzaˬ ni dzahˬ-eu meh. Kʼoeˇ loꞈ-ehˇ mˇ gaˇ maˬ dzaˬ-eu zahˇ jahˇ-eu lehˇ kuˇ te loˇ. Kʼoeˇ loꞈ-ehˇ jahˇ gaˇ ngaˇ nui kʼahˇ shiˇ meh lehˇ noeˬ te loˇ.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 23:27

Ba la shiꞈ siˬ tiˬ siˬ tseˇ nah tiˬ nah-aˬ, tiˬ kʼoꞈ tiˬ poˆ Iˇsaˬleˬlaˆ tsawˇ haˬ deuˬ-euˬ iˬ baˇ sha dzeh-eu zahˇ jahˇ-eu aˇ nah pyeuꞈ-eu meh. Aˇ nah kʼoeˇ nah-ahˇ, tiˬ jeˬ-iˬ maˬ dzaˬ-ehˇ jawˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ ya lawˇ meh.

Uˬ duˬ 23:32

Ba la kʼoeˇ siˬ gʼoeˬ nah tiˬ nah nahˇ ma ga ahˇ yamˬ-ahˇ neh aˇ dahˬ beh-awˇ, tseˇ nah tiˬ nah nahˇ ma ga ahˇ yamˬ-ahˇ keuˆ ni, tiˬ jeˬ-iˬ maˬ dzaˬ ni ya lah ya daw meh.

Bawˇtsahˬ 29:7

Ba la shiꞈ siˬ tiˬ siˬ tseˇ nah tiˬ nah-ahˇ, gaˇ maˬ mˇ-ehˇ, maˬ dzaˬ maˬ dawˇ ni lah-eu laꞈ kʼoeˇ, tiˬ gaˇ uiˬ leˇ-awˇ uˬ duˬ tahˬ-awˬ.

Bawˇtsahˬ 30:12

Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ gʼaˬ aˬ yawꞈ-ahˇ laˆ tsoeˬ-eu miˇ neh meh.

Bawˇtsahˬ 30:14

Ehˇ kʼawꞈ, miˬ zaˬ gʼaˬ saˇ jaˇ dzaˬ taˬ-euˬ gaˇ kawˆ kʼaˬ dzeˇ zaˬ gʼaˬ ya gaˬ gʼaˬ-euˬ kʼawꞈ, maˬ laˆ tsoeˬ naˇ, miˬ zaˬ gʼaˬ yawˬ ha neh saˇ jaˇ kʼaˇ dzaˬ taˬ-euˬ jeˬ yaˇ mˇ byah meh. Kʼaˬ dzeˇ zaˬ gʼaˬ gaˇ kawˆ kʼoeˇ ya gaˬ ngeh nah neh maˬ laˆ tsoeˬ-eu miˇ neh, saˇ jaˇ bi mˇ byah-eu gʼaˇ duˬ nui ma tsaˬ gaˇ duˇ-eu meh.

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

1 Gawˇliˬtu 11:9

Zaˬ miˬ zaˬ-euˬ gʼaˇ duˬ kʼaˬ dzeˇ zaˬ-ahˇ beh taˬ-euˬ kʼawꞈ maˬ ngeuˇ-a. Kʼaˬ dzeˇ zaˬ-euˬ gʼaˇ duˬ zaˬ miˬ zaˬ-ahˇ beh taˬ-euˬ meh.

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.