Bawˇtsahˬ 3:9 - Akha

⁹ Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh.

Bawˇtsahˬ 3:9 ပူးပေါင်းရင်းမြစ်များ

1 Laˬsaˬbaˬ 15:2

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Leˬbiˇ tsawˇ haˬ deuˬ tehꞈ-ehˇ Dawˬ ma saˇ jaˇ Bahˬ keuˆ ya baꞈ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ baꞈ-awˇ mˬ maˬ maˬ byaˆ zaˇ ziˇ Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Leˬbiˇ tsawˇ haˬ deuˬ-ahˇ Sahˬpaˬ Miˬyehˇ neh tseˇ doˆ taˬ-euˬ meh.”

1 Laˬsaˬbaˬ 6:33

Kʼoeˇ loꞈ-ehˇ gaˇ mˇ-eu aˇ jeuˬ aˇ ca deuˬ-euˬ tsuiꞈ-aˬ, heu loꞈ-ehˇ meh. Kawˇhaˆ aˇ jeuˬ laꞈ kʼoeˇ, kawˇ yehˬ caˇ-eu paw aˬ yuiꞈ geuꞈ-awˇ sheuˬ gʼeh-euˬ gʼaˬ-aˬ, Yawˇlaˆ-euˬ aˬ li Heˬmaˬ meh. Yaˬkoˆ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Heˬmaˬ, Yawˇlaˆ, Saˬmoeˬlaˆ,

Eˇzaˬlaˬ 2:43

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu aˇ jeuˬ aˇ ca deuˬ-euˬ aˇ jeuˬ tsawˇ myahˇ-aˬ, heu loꞈ-ehˇ meh. Ziˇhaˬ, Haˬsuˇpaˬ, Taˬbaoˇ,

Eˇzaˬlaˬ 6:18

Moˇseˬ-euˬ sahˬ boꞈ paˇ dmˬ laꞈ kʼoeˇ mehˬ taˬ tsoˆ taˬ-euˬ jaˆ-eu loꞈ-ehˇ, Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˬ yawꞈ maꞈ aˇ muˇ muˇ baw nehˬ-euˬ meh.

Eˇzaˬlaˬ 8:20

Kʼoeˇ uˬ taꞈ, sahˬ paˬ Daˬbiˇ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh Leˬbiˇ tsawˇ haˬ deuˬ-ahˇ caw ba-eu gaˇ bi mˇ-euˬ deuˬ-euˬ zaˬ deuˬ uˆ deuˬ pyeuꞈ-eu tsawˇ haˬ nyiˬ yaˇ nyiˬ tseˇ gʼaˬ kʼawꞈ, aˬ yawꞈ maꞈ sheuˬ laꞈ-euˬ meh. Aˬ yawꞈ maꞈ dawˬ tawˆ luꞈ-euˬ tsawˇ myahˇ jaˇ laˇ yuˇ taˬ-euˬ meh.

Bawˇtsahˬ 16:9

Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.

Bawˇtsahˬ 18:2

Nawˇ hawˇ-eu nawˬ li deuˬ Sehˬ gʼawˆ laꞈ kʼoeˇ gaˇ mˇ ngeh, nawˬ-euˬ gaˇ-ahˇ bi caw ba-eu gʼaˇ duˬ, nawˬ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ kuˇ-awˬ.

Bawˇtsahˬ 3:8

Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh.

Bawˇtsahˬ 8:14

Leˬbiˇ tsawˇ haˬ deuˬ ngaˬ-euˬ tsawˇ haˬ pyeuꞈ laˇ ni, kʼoeˇ loꞈ-ehˇ jahˇ-eu laꞈ kʼoeˇ, Leˬbiˇ tsawˇ haˬ deuˬ-ahˇ Iˇsaˬleˬlaˆ tsawˇ jeuˬ nui deuˬ nehˬ-ehˇ biˇ paˆ-awˬ.

Bawˇtsahˬ 8:16

Iˇsaˬleˬlaˆ tsawˇ haˬ deuˬ laꞈ kʼoeˇ dehꞈ beh beh le-euˬ aˬ li aˬ yuiꞈ deuˬ-euˬ jawˇ duˬ-ahˇ aˬ yawꞈ maꞈ-ahˇ ngaˇ taˬ-awˇ, aˬ yawꞈ maꞈ-aˬ, ngaˬ-ahˇ tehꞈ-ehˇ taꞈ-eu tsawˇ haˬ pyeuꞈ-eu ma.

Bawˇtsahˬ 8:18

Nymˬ-mˇ poˆ-aˬ, dehꞈ beh beh le-euˬ deuˬ dah zaˇ, Leˬbiˇ tsawˇ haˬ deuˬ-ahˇ ngaˇ yuˇ-eu ma.

Bawˇtsahˬ 8:19

Iˇsaˬleˬlaˆ tsawˇ haˬ deuˬ gʼaˇ duˬ Sehˬ gʼawˆ laꞈ kʼoeˇ gaˇ bi mˇ-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ muiˬ-eu shawˇ-eu jawˇ duˬ dawˬ peh le-eu baˬ da neh luˬ-iˇ seˇ-iˇ-eu jeˬ maˬ ya keuˆ le-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ neh biꞈ-euˬ muiˬ-eu laꞈ sawˬ loꞈ-ehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ Leˬbiˇ tsawˇ haˬ deuˬ ngaˇ biꞈ nehˬ ma.”

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Eˇpeˇsu 4:8

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Aˬ yawꞈ yaw goˇ-ahˇ daˆ leˇ ngeh, tsawˇ haˬ gʼawˬ mya ni nyehꞈ gʼeh-awˇ, miˇ tsaˬ tsawˇ haˬ zaˬ-ahˇ, laꞈ sawˬ biꞈ nehˬ-euˬ meh.”