Bawˇtsahˬ 3:8 - Akha

⁸ Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh.

Bawˇtsahˬ 3:8 ပူးပေါင်းရင်းမြစ်များ

1 Laˬsaˬbaˬ 23:27

Daˬbiˇ neh mehˬ saˬ tsoˆ saˬ saˬ yaꞈ-euˬ dawˬ-ahˇ gʼoe-awˇ, aˇ kʼoꞈ nyiˬ tseˇ kʼaˇ byah laˇ-euˬ Leˬbiˇ tsawˇ haˬ dawˬ tawˆ luꞈ, gaˇ mˇ-eu gʼaˇ duˬ tsawˇ myahˇ ya dawˆ-eu meh.

2 Laˬsaˬbaˬ 29:11

Ngaˬ li deuˬ-oˇ, aˇ yamˬ yawꞈ ngehꞈ-ehˇ taˬ paˇ bi dzeuˇ-iˇ. Yaw saw jeˬ doꞈ damˬ-eu gʼaˇ duˬ maˬ ehˇ, miˇ kʼahˬ zaˬ deuˬ aˬ yawꞈ-ahˇ uˬ duˬ tahˬ gaˇ bi sheuˬ gʼeh-eu gʼaˇ duˬ maˬ ehˇ, naw maꞈ-ahˇ Sahˬpaˬ Miˬyehˇ tseˇ doˆ-euˬ meh.”

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Bawˇtsahˬ 10:17

Kʼoeˇ naˇ, Sehˬ gʼawˆ pyaˆ-awˇ baꞈ-eu tsawˇ haˬ deuˬ pyeuꞈ-eu Geˬlaˬshoˬ aˇ jeuˬ hawˇ-eu Meˬlaˬliˇ aˇ jeuˬ deuˬ ya doˆ-iˇ-eu meh.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 3:7

Ngaˇ jawˇ-eu Sehˬ gʼawˆ laꞈ kʼoeˇ jaˆ-eu gaˇ deuˬ aˬ yawꞈ maꞈ mˇ-awˇ, piˇ ma deuˬ gʼaˇ duˬ maˬ ehˇ, tsawˇ haˬ aˇ maꞈ aˇ muˇ dawˬ tawˆ luꞈ gʼaˇ duˬ maˬ ehˇ, aˬ yawꞈ maꞈ gaˇ ya mˇ meh.

Bawˇtsahˬ 3:9

Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh.

Bawˇtsahˬ 31:30

Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ tseˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ tseˇ mawˇ-euˬ tiˬ mawˇ maˬ ehˇ, taꞈ uiˬ-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ-awˬ.”

Bawˇtsahˬ 4:15

Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.

Bawˇtsahˬ 4:28

Heu-aˬ, Geˬlaˬshoˬ tsawˇ jeuˬ Sehˬ gʼawˆ laꞈ kʼoeˇ ya mˇ-eu gaˇ deuˬ meh. Piˇ ma Aˬloˬ-euˬ aˬ li Iˇdaˬmaˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ-ahˇ aˬ yawꞈ maꞈ ya mˇ meh.”

Bawˇtsahˬ 4:33

Heu-aˬ, Sehˬ gʼawˆ laꞈ kʼoeˇ Meˬlaˬliˇ tsawˇ haˬ deuˬ ya mˇ-eu gaˇ pyeuꞈ-eu meh. Piˇ ma Aˬloˬ-euˬ aˬ li Iˇdaˬmaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ loꞈ-ehˇ, kʼoeˇ deuˬ-ahˇ aˬ yawꞈ maꞈ ya baꞈ meh.”