Bawˇtsahˬ 3:51 - Akha

⁵¹ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ zeuˇ kʼoꞈ poeˬ pyuˇ kʼoeˇ deuˬ, Moˇseˬ neh Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-euˬ meh.

Bawˇtsahˬ 3:51 ပူးပေါင်းရင်းမြစ်များ

Doˆ-iˇ 12:50

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Iˇsaˬleˬlaˆ tsawˇ haˬ dawˬ tawˆ luꞈ naˇ haˬ-awˇ mˇ-euˬ meh.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Bawˇtsahˬ 3:48

Dzehˬ laˇ-euˬ Iˇsaˬleˬlaˆ tsawˇ haˬ kʼoeˇ deuˬ-ahˇ zeuˇ kʼoꞈ-eu gʼaˇ duˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ pyuˇ kʼoeˇ deuˬ biꞈ-awˬ.”

Bawˇtsahˬ 3:50

Dehꞈ beh beh le-euˬ Iˇsaˬleˬlaˆ tsawˇ haˬ deuˬ jawˇ gaˇ, kaˇ-ahˇ tsaˬ-eu pyuˇ maˇ byaˆ tiˬ heˇ smˬ yaˇ koꞈ tseˇ ngaˬ byaˆ taꞈ za-euˬ meh.

Bawˇtsahˬ 4:1

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Gʼaˬkʼehˇ 20:33

Aˬ cawˬ-euˬ pyuˇ-ahˇ maˬ ehˇ, shuiˇ-ahˇ maˬ ehˇ, dm gʼaˬ dm lmˇ-ahˇ maˬ ehˇ, mehˇ juiˇ juiˇ-eu nui ma ngaˇ maˬ ahˇ.

1 Gawˇliˬtu 9:12

Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.