Bawˇtsahˬ 3:40 - Akha

⁴⁰ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ deuˬ dehꞈ beh beh le-euˬ Iˇsaˬleˬlaˆ tsawˇ haˬ kʼaˬ dzeˇ zaˬ deuˬ-ahˇ gui haw-awˇ, aˬ yawꞈ maꞈ-euˬ tsawˇ myahˇ yuˇ-awˬ.

Bawˇtsahˬ 3:40 ပူးပေါင်းရင်းမြစ်များ

Jaceuq 87:6

Sahˬpaˬ Miˬyehˇ tsawˇ myahˇ yuˇ ngeh, aˬ yawꞈ tsawˇ jeuˬ dawˬ tawˆ luꞈ-ahˇ Yeˬluˇsaˬlehˬ meuˬ zaˬ deuˬ lehˇ boꞈ tehꞈ-a.

Iˇsaˬyaˇ 4:3

Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a.

Bawˇtsahˬ 3:12

“Iˇsaˬleˬlaˆ tsawˇ haˬ zaˬ miˬ zaˬ aˬ yawꞈ gʼaˬ yawꞈ-euˬ dehꞈ beh beh le-euˬ aˬ li aˬ yuiꞈ yuiꞈ saˬ gʼaˬ-euˬ dah zaˇ, Iˇsaˬleˬlaˆ tsawˇ haˬ laꞈ kʼoeˇ Leˬbiˇ tsawˇ jeuˬ-ahˇ ngaˇ tseˇ doˆ taˬ-euˬ ma. Leˬbiˇ tsawˇ haˬ deuˬ-aˬ, ngaˬ-euˬ pyeuꞈ-eu ma.

Bawˇtsahˬ 3:15

Leˬbiˇ tsawˇ haˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ laꞈ kʼoeˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ kʼaˬ dzeˇ zaˬ aˬ yawꞈ gʼaˬ yawꞈ-euˬ tsawˇ myahˇ yuˇ-awˬ lehˇ ehˇ nehˬ-euˬ meh.

Bawˇtsahˬ 3:41

Ngaˬ-euˬ gʼaˇ duˬ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ Leˬbiˇ tsawˇ haˬ deuˬ bi dah-awˇ,Leˬbiˇ tsawˇ haˬ deuˬ-euˬ jeˬ zaˬ deuˬ-ahˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ dah zaˇ bi dah-awˬ. Ngaˇ-aˬ, Sahˬpaˬ Miˬyehˇ ma.”

Bawˇtsahˬ 3:45

“Dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ dah zaˇ,Leˬbiˇ tsawˇ haˬ deuˬ-ahˇ ngaˬ-ahˇ a nehˬ-awˇ, dehꞈ beh beh le-euˬ Iˇsaˬleˬlaˆ tsawˇ haˬ deuˬ-euˬ jeˬ zaˬ deuˬ dah zaˇ, Leˬbiˇ tsawˇ haˬ deuˬ-euˬ jeˬ zaˬ deuˬ ngaˬ-ahˇ a nehˬ-awˬ.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.