Bawˇtsahˬ 3:38 - Akha

³⁸ Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Bawˇtsahˬ 3:38 ပူးပေါင်းရင်းမြစ်များ

1 Laˬsaˬbaˬ 23:32

Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 2:3

Yuˇdaˆ-euˬ guiˇ guiˇ maꞈ deuˬ-aˬ, yawˬ ha-euˬ guiˇ guiˇ maꞈ baw baw-ehˇ, yawˬ ha-euˬ paˇ loˬ paˇ lehˇ uˬ moˆ, nahˇ ma doˆ kʼehˬ paw pyawˬ-ahˇ sehˬ gʼawˆ gʼawˆ-awˇ ya jawˇ meh. Yuˇdaˆ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇnaˬdehˇ-euˬ aˬ li Naˬshoˬ meh.

Bawˇtsahˬ 3:10

Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”

Bawˇtsahˬ 3:23

Geˬlaˬshoˬ aˇ jeuˬ deuˬ-aˬ, Sehˬ gʼawˆ-euˬ naˇ kʼah, nahˇ ma ga kʼehˬ paw pyawˬ-ahˇ jawˇ duˬ ya yuˇ meh.

Bawˇtsahˬ 3:29

Kawˇhaˆ aˇ jeuˬ deuˬ Sehˬ gʼawˆ laꞈ oˆ paw pyawˬ-ahˇ jawˇ duˬ ya yuˇ meh.

Bawˇtsahˬ 3:35

Meˬlaˬliˇ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬbiˇheˬlaˇ-euˬ aˬ li Zuˇliˇlaˆ meh. Sehˬ gʼawˆ-euˬ laꞈ taˆ paw pyawˬ-ahˇ aˬ yawꞈ maꞈ jawˇ duˬ ya yuˇ meh.

Bawˇtsahˬ 3:37

Laꞈ nyiˇ paw yaˇ kmˇ mˇ gaˇ zmˬ-eu keu ka pyeuꞈ-eu kʼawˇ zeuˇ, zeuˇ dahˇ, taꞈ cmˬ hawˇ-eu aˇ caˆ deuˬ-ahˇ kʼawꞈ, aˬ yawꞈ maˬ ya haw ya pyaˆ meh.