Bawˇtsahˬ 3:31 - Akha

³¹ Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 3:31 ပူးပေါင်းရင်းမြစ်များ

Doˆ-iˇ 37:1

Baˬzeˬlaˇ-aˬ, aˬ kaˬ shaˇ daˇ kawˬ yuˇ-awˇ, yaw mahˇ paw nyiˬ caˆ tiˬ toˇ, yaw jeˇ paw tiˬ caˆ tiˬ toˇ, yaw goˇ paw tiˬ caˆ tiˬ toˇ byah-eu Dawˬ ma saˇ jaˇ Bahˬ keuˆ taꞈ-euˬ meh.

Doˆ-iˇ 40:30

Sehˬ gʼawˆ hawˇ-eu lawˇ duˬ kʼoeˇ hmˬ-euˬ yaw kaˬ-ahˇ, aˬ kuiˇ aˬ laꞈ dzuiꞈ shawˇ-eu sehˇ byehˇ bi jaˆ-euˬ meh.

Bawˇtsahˬ 3:30

Kawˇhaˆ aˇ jeuˬ-euˬ nymˇ jiˇ deuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Awˇzeˬlaˇ-euˬ aˬ li Eˇliˇzaˬpaˬ pyeuꞈ-eu meh.

Bawˇtsahˬ 3:32

Leˬbiˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, piˇ ma Aˬloˬ-euˬ aˬ li Eˇlaˬzaˬ meh. Muiˬ-eu shawˇ-eu jawˇ duˬ laꞈ kʼoeˇ gaˇ mˇ-eu tsawˇ haˬ deuˬ-ahˇ aˬ yawꞈ ya haw ya pyaˆ-eu meh.

Maꞈtehˬ 5:15

Tsawˇ haˬ tiˬ gʼaˬ-iˬ, tsiˇ kʼmˬ doꞈ-awˇ kʼaˆ puˬ neh maˬ moꞈ tsahˬ taˬ-a. Ehˇ kʼawꞈ, tsiˇ kʼmˬ doꞈ taˬ duˬ kʼoeˇ taˆ ciˬ daˆ-awˇ, pehˬ zaˬ ma zaˬ mawˇ nya ni yaw shehꞈ bi bya-eu meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.