Bawˇtsahˬ 3:15 - Akha

¹⁵ Leˬbiˇ tsawˇ haˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ laꞈ kʼoeˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ kʼaˬ dzeˇ zaˬ aˬ yawꞈ gʼaˬ yawꞈ-euˬ tsawˇ myahˇ yuˇ-awˬ lehˇ ehˇ nehˬ-euˬ meh.

Bawˇtsahˬ 3:15 ပူးပေါင်းရင်းမြစ်များ

2 Laˬsaˬbaˬ 31:17

Piˇ ma deuˬ-ahˇ, yawˬ ha aˇ jeuˬ yawˬ ha baw baw-ehˇ gaˇ bi mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ deuˬ-ahˇ-aˬ, aˇ muˇ biˇ baw nehˬ-awˇ gaˇ bi mˇ-euˬ meh.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Bawˇtsahˬ 1:3

Nyiˬ tseˇ kʼoꞈ laꞈ taˆ paw-euˬ guiˇ deuˆ nya-eu kʼaˬ dzeˇ zaˬ deuˬ-euˬ tsawˇ myahˇ yuˇ-awˬ.

Bawˇtsahˬ 1:47

Leˬbiˇ tsawˇ haˬ deuˬ-ahˇ nui deuˬ nehˬ-ehˇ tiˬ kawˆ loꞈ-ehˇ tsawˇ myahˇ maˬ yuˇ-aˬ.

Bawˇtsahˬ 26:57

Leˬbiˇ tsawˇ jeuˬ laꞈ kʼoeˇ, Geˬlaˬshoˬ aˇ jeuˬ, Kawˇhaˆ aˇ jeuˬ hawˇ-eu, Meˬlaˬliˇ aˇ jeuˬ heu deuˬ ahˇ-eu meh.

Bawˇtsahˬ 26:62

Ba la tiˬ siˬ byah laˇ-euˬ zaˬ nahˬ-ahˇ neh laꞈ taˆ paw-euˬ Leˬbiˇ tsawˇ haˬ kʼaˬ dzeˇ zaˬ dawˬ tawˆ luꞈ, nyiˬ muiˇ smˬ heˇ gʼaˬ byah-eu meh. Iˇsaˬleˬlaˆ tsawˇ haˬ deuˬ-ahˇ maˬ taꞈ ni, aˬ yawꞈ maꞈ-ahˇ tsawˇ myahˇ yuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ jeˬ biˇ maˬ oꞈ-a.

Bawˇtsahˬ 3:16

Kʼoeˇ ngeh, Sahˬpaˬ Miˬyehˇ neh dawˬ biꞈ-euˬ loꞈ-ehˇ Moˇseˬ mˇ-euˬ meh.

Bawˇtsahˬ 3:22

Ba la tiˬ siˬ byah laˇ-euˬ zaˬ nahˬ-ahˇ neh laꞈ taˆ paw-euˬ, tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, shiꞈ heˇ ngaˬ yaˇ gʼaˬ byah-eu meh.

Bawˇtsahˬ 3:28

Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, yehꞈ heˇ koꞈ yaˇ gʼaˬ byah-eu meh.

Bawˇtsahˬ 3:34

Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ tsawˇ myahˇ kʼaˇ dawˆ-euˬ kʼaˬ dzeˇ zaˬ dawˬ tawˆ luꞈ, koꞈ heˇ nyiˬ yaˇ gʼaˬ byah-eu meh.

Bawˇtsahˬ 3:43

Ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ dehꞈ beh beh le-euˬ kʼaˬ dzeˇ zaˬ deuˬ-euˬ tsawˇ myahˇ yuˇ haw ngeh, dawˬ tawˆ luꞈ nyiˬ muiˇ nyiˬ heˇ nyiˬ yaˇ shiꞈ tseˇ smˇ gʼaˬ byah-eu meh.

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.