Bawˇtsahˬ 28:14 - Akha

¹⁴ Aˬ gaꞈ dzaˇ uiˇ lawˇ-eu jeˬ-ahˇ heu loꞈ-ehˇ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ aˬ gaꞈ dzaˇ uiˇ maˇ tsaꞈ nyiˬ tsaꞈ, yawˇ aˬ buˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ uˬ taꞈ tiˬ kʼoeˆ, yawˇ zaˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ ya lawˇ ahˇ meh. Heu-aˬ, kʼoꞈ kʼoꞈ lah ni, la shuiꞈ ngeh nah ya lawˇ-eu miˬ dzaˬ dzah puiˆ-awˇ lawˇ-eu zahˇ sahˇ kʼoꞈ pyeuꞈ-eu meh.

Bawˇtsahˬ 28:14 ပူးပေါင်းရင်းမြစ်များ

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.

Iˇsaˬyaˇ 1:13

Gaˇ dahˇ maˬ tsoeˬ-eu lawˇ-eu shehˇ-eu jeˬ taˬ paˇ yuˇ laꞈ. Tsiˇ yaw saw jeˬ doꞈ damˬ gaˇ ngaˇ nui daˆ daˆ nya. Naw maꞈ la shuiꞈ lah-eu, jawˇ nah tawˬ-eu, yaw bui bui-eu, iˬ baˇ mˇ-eu uiˬ leˇ bymˇ leˇ gaˇ duˇ-awˇ, ngaˬ-ahˇ maˬ haw nahˇ nya.

Yeˬlaˬmiˇ 48:35

Mawˇbaˆ tsawˇ haˬ deuˬ, aˬ yawꞈ maꞈ uˬ duˬ tahˬ-eu jawˇ duˬ-ahˇ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ yawꞈ maꞈ-euˬ miˬ yehˇ deuˬ-ahˇ lawˇ-eu shehˇ-eu jeˬ-ahˇ, bi naˬ leˇ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 46:4

“Jawˇ nah ngeh nah-ahˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ bi lawˇ-eu gʼaˇ duˬ, maˇ byawꞈ maˬ baw-eu yawˇ zaˬ koꞈ mawˇ hawˇ-eu, yawˇ aˬ buˬ tiˬ mawˇ, sahˬ paˬ zaˬ yo gʼaˬ ya yuˇ laꞈ meh.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Bawˇtsahˬ 15:5

Yawˇ nyehꞈ-awˇ, miˬ dzaˬ dzah puiˆ-awˇ lawˇ-eu jeˬ lawˇ ngeh, aˬ gaꞈ dzaˇ uiˇ maˇ tsaꞈ tiˬ tsaꞈ ya lehˬ hmˬ meh.

Bawˇtsahˬ 15:9

saˬ loˬ tsiˇ maˇ tsaꞈ nyiˬ tsaꞈ keuˬ taˬ-euˬ muiˬ-eu cehˇ meuˬ smˇ pehˬ yuˇ-awˇ, dzaˬ la gʼo cehˇ lawˇ-eu jeˬ loꞈ-ehˇ ya lawˇ ahˇ meh.

Bawˇtsahˬ 28:13

Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ ahˇ meh. Miˬ dzaˬ dzah puiˆ-awˇ lawˇ-eu heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Bawˇtsahˬ 28:15

Aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

Bawˇtsahˬ 28:7

Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, lawˇ duˬ kʼoeˇ taˆ aˬ gaꞈ dzaˇ uiˇ tiˬ tsaꞈ shehˆ daˆ-awˇ, aˬ gaꞈ dzaˇ uiˇ lawˇ-eu jeˬ lawˇ-awˬ.

Bawˇtsahˬ 29:18

Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ, kʼaˇ loˬ-eu loꞈ-ehˇ ya lawˇ meh.