Bawˇtsahˬ 28:11 - Akha

¹¹ Ba la aˬ yawꞈ siˬ yawꞈ la shuiꞈ ngeh nah Sahˬpaˬ Miˬyehˇ-ahˇ miˬ dzaˬ dzah puiˆ-awˇ lawˇ-eu jeˬ ya lawˇ meh. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ shiꞈ mawˇ ya lawˇ meh.

Bawˇtsahˬ 28:11 ပူးပေါင်းရင်းမြစ်များ

2 Sahˬpaˬ 4:23

Kʼaˬ dzeˇ zaˬ gʼaˬ ehˇ-eu, “Jawˇ nah kʼawꞈ maˬ ngeuˇ, La shuiꞈ lah-eu Bawˬ-iˬ gʼeh yamˬ kʼawꞈ maˬ ngeuˇ gaˇ, aˬ jeˬ miˇ neh nawˇ iˬ nah ya le ta.” Miˬ zaˬ gʼaˬ ehˇ-eu, “Tiˬ jeˬ-iˬ maˬ ngeuˇ-aˇ.”

1 Laˬsaˬbaˬ 23:31

jawˇ nah ngeh nah maˬ ehˇ, laˆ loˆ lah-eu bawˬ-iˬ gʼeh ngeh hawˇ-eu bawˬ-iˬ nui deuˬ gʼeh ngeh maˬ ehˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ kʼaˇ lawˇ nehˬ ngeh, aˬ yawꞈ-ahˇ ja ceuˬ-awˇ ciˬ huiˬ ciˬ mahˇ nehˬ-eu gaˇ-aˬ, aˬ yawꞈ maꞈ ya mˇ-eu gaˇ deuˬ pyeuꞈ-eu meh. Sahˬpaˬ Miˬyehˇ-ahˇ aˇ yamˬ maˬ tseˇ ni aˬ myah luꞈ uˬ duˬ tahˬ-eu gʼaˇ duˬ, Leˬbiˇ tsawˇ haˬ deuˬ-ahˇ gaˇ biꞈ taˬ-euˬ meh.

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.

2 Laˬsaˬbaˬ 2:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ ngaˇ tsoˆ luꞈ-eu ma. Kʼoeˇ-aˬ, ngaˇ hawˇ-eu ngaˬ-euˬ tsawˇ haˬ deuˬ yaw saw jeˬ doꞈ damˬ-eu laꞈ kʼoeˇ, aˬ yawꞈ-ahˇ uˬ duˬ tahˬ-eu muiˬ-eu shawˇ-eu jawˇ duˬ pyeuꞈ tehꞈ-a. Kʼoeˇ gaˇ, muiˬ-eu shawˇ-eu kaˬ muˇ deuˬ maˬ tsehˆ leˇ ni aˬ yawꞈ-ahˇ nga maꞈ lawˇ nehˬ-awˇ, yawˬ shawˬ yawˬ miˇ na luꞈ maˬ ehˇ, Jawˇ nah-ahˇ maˬ ehˇ, La loˆ lah-eu bawˬ-iˬ jahˇ ngeh maˬ ehˇ, muiˬ-eu shawˇ-eu aˇ nah deuˬ-ahˇ maˬ ehˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ nga maꞈ lawˇ ma. Mˬ maˬ maˬ byaˆ zaˇ ziˇ Iˇsaˬleˬlaˆ tsawˇ jeuˬ kʼoeˇ loꞈ-ehˇ mˇ ni aˬ yawꞈ dawˬ biꞈ taˬ-eu jaˆ-eu meh.

2 Laˬsaˬbaˬ 8:13

Jawˇ nah ngeh nah maˬ ehˇ, la shuiꞈ lah-eu bawˬ-iˬ jahˇ ngeh nah maˬ ehˇ, tiˬ kʼoꞈ laꞈ kʼoeˇ keuˆ le-eu bawˬ-iˬ smˇ bawˬ-iˬ pyeuꞈ-eu, Dehˬ tseˬ maˬ ahˇ-eu kaˬ muˇ dzaˬ-eu Bawˬ-iˬ gʼeh-eu aˇ nah, Cehˇ laˆ luiˆ-eu Bawˬ-iˬ gʼeh-eu aˇ nah , Sehˬ gʼawˆ-euˬ Bawˬ-iˬ gʼeh-eu aˇ nah heu deuˬ-ahˇ maˬ ehˇ, muiˬ-eu shawˇ-eu aˇ nah yawˬ nah na luꞈ laꞈ kʼoeˇ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ aˬ yawꞈ lawˇ-euˬ meh.

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.

Neˬhaˬmiˇ 10:33

Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh loˬ-eu deuˬ pyeuꞈ-eu muiˬ-eu shawˇ-eu kaˬ muˇ deuˬ maˬ ehˇ, aˬ yawꞈ nah yawꞈ ya lawˇ-eu dzaˬ la gʼo cehˇ maˬ ehˇ, aˬ yawꞈ nah yawꞈ miˬ dzaˬ-ahˇ dzah puiˆ-awˇ ya lawˇ-eu jeˬ zaˬ deuˬ maˬ ehˇ, jawˇ nah ngeh nah, la shuiꞈ lah ngeh nah hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh ngeh ya lawˇ-eu muiˬ-eu shawˇ-eu lawˇ-eu jeˬ maˬ ehˇ, Iˇsaˬleˬlaˆ tsawˇ jeuˬ gʼaˇ duˬ Iˬ baˇ shawˇ-eu lawˇ-eu jeˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ kʼaˇ loˬ-eu jeˬ maˬ ehˇ, yawˬ jeˬ na luꞈ nga maꞈ damˬ ma.

Jaceuq 40:6

Lawˇ-eu shehˇ-eu nawˇmaˬmawꞈ-a. Miˬdzaˬdzah-awˇlawˇ-eu maˬehˇ, iˬbaˇshawˇ-eu lawˇ-eu maˬehˇ, nawˇgeuꞈmawꞈ-eu jeˬmaˬngeuˇ-a. Ehˇkʼawꞈnaˇhaˬgeuꞈ-eu naˬbawˇ, nawˇngaˬ-ahˇbiꞈnehˬlaꞈ-euˬmeh.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Jaceuq 81:3

La shuiꞈ tsehˬ ngeh hawˇ-eu la loˆ loˆ ngeh, daˇ heh baw-awˇ bawˬ-iˬ gʼeh-awˬ.

Jaceuq 81:4

Heu-aˬ, Iˇsaˬleˬlaˆ tsawˇ jeuˬ-euˬ zahˇ sahˇ kʼoꞈ meh. Yaˬkoˆ-euˬ Miˬyehˇ neh biꞈ taˬ-euˬ zahˇ sahˇ kʼoꞈ meh.

Iˇsaˬyaˇ 66:23

La shuiꞈ lah-eu bawˬ-iˬ kʼaˇ gʼeh ngeh maˬ ehˇ, jawˇ nah lah-eu kʼaˇ tsaˬ laˇ ngeh maˬ ehˇ, miˇ kʼahˬ yawˬ kʼahˬ na luꞈ-ahˇ kʼaˇ jawˇ-eu tsawˇ haˬ deuˬ, Yeˬluˇsaˬlehˬ meuˬ heu meuˬ laꞈ kʼoeˇ ngaˬ-ahˇ uˬ duˬ tahˬ laˇ tehꞈ-a” lehˇ Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 46:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ laˇ-eu lahˇ kʼehˬ kʼoeˇ kʼehˬ, gaˇ mˇ-eu aˇ nah kʼoꞈ nah laꞈ kʼoeˇ ya piˬ tehˬ taˬ meh. Ehˇ kʼawꞈ, jawˇ nah hawˇ-eu la shuiꞈ lah-eu bawˬ-iˬ gʼeh-eu aˇ nah-ahˇ ya pah taˬ meh.

Yeˬsaˬgeˬlaˇ 46:6

La shuiꞈ lah-eu bawˬ-iˬ gʼeh ngeh, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, yawˇ zaˬ koꞈ mawˇ hawˇ-eu, yawˇ aˬ buˬ tiˬ mawˇ aˬ yawꞈ ya lawˇ meh.

Yeˬsaˬgeˬlaˇ 46:7

Mawˇ neˇ mawˇ gaw aˬ yawꞈ mawˇ yawꞈ lawˇ ngeh maˬ ehˇ, yawˇ aˬ buˬ aˬ yawꞈ mawˇ yawꞈ lawˇ ngeh maˬ ehˇ, cehˇ meu tiˬ eˇpaˬ ya lawˇ caw-awˇ, yawˇ zaˬ lawˇ ngeh, aˬ yawꞈ kʼaˇ lawˇ caw mawꞈ-eu jeˬ lawˇ caw nya meh. Kʼoeˇ loꞈ-ehˇ dzaˬ la gʼo cehˇ kʼaˇ lawˇ ngeh, saˬ loˬ tsiˇ tiˬheˬ ya lawˇ caw meh.

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Aˬmoˆ 3:5

Sehˬ toˆ-ahˇ aˬ iˬ maˬ ahˇ-ehˇ kʼmˇ taˬ-euˬ gaˇ, aˇ jiˇ paꞈ leˇ nya meh loˇ. Sehˬ toˆ-ahˇ tiˬ jeˬ paˬ neh maˬ laˆ pyeuˆ-euˬ gaˇ, aˬ yawˇ yawꞈ pyeuˆ-iˇ nya meh loˇ.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Bawˇtsahˬ 10:10

La loˆ la tsehˆ lah-eu Bawˬ-iˬ hawˇ-eu zahˇ sahˇ kʼoꞈ-ahˇ taꞈ-eu bawˬ-iˬ nui deuˬ gʼeh-eu byawˬ-eu aˇ yamˬ laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ naw maꞈ lawˇ ngeh, daˇ heh ya baw meh. Kʼoeˇ-aˬ, naw maꞈ-euˬ Miˬyehˇ mehˬ shi naw maꞈ-ahˇ bi noeˬ mawˇ-eu jeˬ pyeuꞈ-eu meh.”

Bawˇtsahˬ 28:19

Dzaˬ dzaˬ dawˇ dawˇ lawˇ-eu jeˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ-awˬ. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ ya lawˇ meh.

Gaˬlaˬtiˆ 4:10

Aˇ nah aˇ yamˬ, aˇ kʼoꞈ aˇ la toꞈ-awˇ taˬ huiˬ-eu laꞈ kʼoeˇ, naw maꞈ lah-eu daw-eu meh.

Gawˇlawˇsehˇ 2:16

Kʼoeˇ miˇ neh, naw maꞈ dzaˬ-eu dawˇ-eu gaˇ kawˆ maˬ ehˇ, nah lah lah-eu gaˇ kawˆ maˬ ehˇ, la loˆ la tsehˆ lah-eu gaˇ kawˆ maˬ ehˇ, Jawˇ nah tawˬ-eu gaˇ kawˆ maˬ ehˇ, tsawˇ haˬ tiˬ gʼaˬ neh-iˬ naw maꞈ gʼaˇ duˬ zahˇ sahˇ kʼoꞈ taˬ bi taˬ.

Gawˇlawˇsehˇ 2:6

Naw maꞈ-aˬ, Yeˬsuˇ Ka li-ahˇ naw maꞈ-euˬ Sahˬpaˬ loꞈ-ehˇ ha geuꞈ gʼaˬ-euˬ miˇ neh, aˬ yawꞈ-euˬ laꞈ kʼoeˇ dehꞈ gʼeh-awˬ.

1 Saˬmeuˬlaˆ 20:5

Daˬbiˇ ehˇ-eu, “Ni shawˬ nah-aˬ, La shuiꞈ lah-eu Bawˬ-iˬ gʼeh-eu aˇ nah pyeuꞈ-awˇ, sahˬ paˬ nehˬ-ehˇ ngaˇ ya dzaˬ ya dawˇ taꞈ paˬ-ehˇ jaˆ-eu meh. Ehˇ kʼawꞈ, nawˇ nui ma tsaˬ naˇ, saˇ pehˬ uˬ ciꞈ keuˆ ni ngaˇ deh ga-ahˇ cehˆ zaꞈ-awˇ jawˇ-iˇ ma.

1 Saˬmeuˬlaˆ 9:12

Zaˬ miˬ aˬ buˇ zaˬ guˬ kʼoeˇ deuˬ ehˇ-eu, “Jawˇ meh. Naw nyaꞈ laˇ-eu mehˬ hu keuˆ ni jawˇ luꞈ-a siˬ. Yaw kawˇ-ehˇ le-awˬ. Iˬ nah meuˬ-ahˇ jawˇ-eu tsawˇ haˬ deuˬ gawˬ duˇ-ahˇ jaˆ-eu lawˇ duˬ-ahˇ le-awˇ, lawˇ-eu shehˇ-eu jeˬ mˇ-eu aˇ nah pyeuꞈ-eu miˇ neh, uˬ soe tseuˆ tseuˆ hawˇ-eu aˬ yawꞈ meuˬ-ahˇ laˇ keuˆ-euˬ tehꞈ-a siˬ.