Bawˇtsahˬ 27:7 - Akha

⁷ “Zeˬloˇpeˬhaˇ-euˬ aˬ buˇ deuˬ shaˇ-eu kʼoeˇ tsaˬ meh. Aˬ yawꞈ maꞈ-euˬ aˬ da-euˬ aˬ yuiꞈ aˬ nyiˇ deuˬ-euˬ myawˬ gahˬ aˬ yawꞈ maꞈ-ahˇ biˇ nehˬ-awˬ. Aˬ yawꞈ maꞈ-euˬ aˬ da-euˬ jeˬ biˇ aˬ yawꞈ maꞈ-ahˇ biˇ oꞈ nehˬ-awˬ.

Bawˇtsahˬ 27:7 ပူးပေါင်းရင်းမြစ်များ

Yawˇbaˆ 42:15

Miˇ tsaˬ dawˬ tawˆ luꞈ kʼoeˇ taˆ, Yawˇbaˆ-euˬ aˬ buˇ kʼoeˇ deuˬ loꞈ-ehˇ aˬ gʼehˇ muiˬ-eu zaˬ miˬ zaˬ maˬ jawˇ-a. Aˬ yawꞈ maꞈ-euˬ aˬ da-aˬ, aˬ yawꞈ maꞈ-euˬ aˬ mahˇ aˬ da deuˬ-ahˇ jeˬ biˇ biˇ nehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ biˇ nehˬ-euˬ meh.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Yeˬlaˬmiˇ 49:11

Naw maꞈ tsawˇ haˬ muˇ coe aˬ nmˇ deuˬ ngaˬ nehˬ-ehˇ taˬ yaꞈ-awˬ. Ngaˇ haw piˇ nehˬ ma. Naw maꞈ-euˬ miˬ coeˬ miˬ ma deuˬ ngaˬ-ahˇ gʼoe nya meh.

Bawˇtsahˬ 27:6

Kʼoeˇ ngeh, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 27:8

Tsawˇ haˬ tiˬ gʼaˬ na aˬ li maˬ jawˇ le ni shiˇ naˇ, aˬ yawꞈ-euˬ jeˬ biˇ aˬ yawꞈ-euˬ aˬ buˇ-ahˇ oꞈ-eu meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Bawˇtsahˬ 36:5

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ ehˇ nehˬ-euˬ meh. “Maˬnaˇseˬ tsawˇ jeuˬ ehˇ-eu tsaˬ meh.

Bawˇtsahˬ 36:6

Sahˬpaˬ Miˬyehˇ ehˇ-eu, Zeˬloˇpeˬhaˇ-euˬ aˬ buˇ deuˬ-aˬ, yawˬ ha kʼaˇ dahˬ dzaˬ-iˇ mawꞈ-eu gʼaˬ-ahˇ dahˬ dzaˬ-iˇ nya meh. Ehˇ kʼawꞈ, yawˬ ha tsawˇ jeuˬ laꞈ kʼoeˇ tehꞈ-ehˇ ya dahˬ dzaˬ-iˇ meh lehˇ ehˇ taˬ-euˬ jaˆ-eu meh.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Yawˇshuˆ 17:4

Piˇ ma Eˇlaˬzaˬ hawˇ-eu Nuˬ-euˬ aˬ li Yawˇshuˆ hawˇ-eu, aˬ yawꞈ aˬ tsu deuˬ jawˇ gaˇ aˬ yawꞈ maꞈ le-awˇ, “Nga maꞈ-ahˇ maˬ ehˇ, nga maꞈ-euˬ aˬ yuiꞈ aˬ nyiˇ pyeuꞈ-eu kʼaˬ dzeˇ zaˬ deuˬ-ahˇ maˬ ehˇ, miˇ kʼahˬ bi biꞈ-eu gʼaˇ duˬ, Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ meh” lehˇ ehˇ nehˬ leˇ-euˬ meh. Kʼoeˇ miˇ neh, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ yawꞈ maꞈ hawˇ-eu aˬ yawꞈ maꞈ-euˬ aˬ yuiꞈ aˬ nyiˇ deuˬ-ahˇ miˇ kʼahˬ biˇ nehˬ-euˬ meh.