Bawˇtsahˬ 27:3 - Akha

³ “Ngaˬ ha mehˇ nmˇ-euˬ aˬ da-aˬ, aˬ li tiˬ li-iˬ maˬ jawˇ le ni, bawˇ tsahˬ bawˇ dahˇ-ahˇ shiˇ yaꞈ-euˬ meh. Sahˬpaˬ Miˬyehˇ-ahˇ puiˬ-euˬ gʼaˬ pyeuꞈ-eu Kawˇlaˆ-euˬ mehˬ nah aˬ yawꞈ maˬ caw teh-aˬ. Aˬ yawꞈ-euˬ iˬ baˇ baˬ da neh aˬ yawˆ yawꞈ shiˇ-euˬ tehꞈ meh.

Bawˇtsahˬ 27:3 ပူးပေါင်းရင်းမြစ်များ

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Bawˇtsahˬ 14:35

Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu ma. Ngaˬ-ahˇ puiˬ-eu lehˇ tiˬ kawˆ loꞈ-ehˇ uiˬ leˇ taˬ-euˬ haiˬ-eu tsawˇ haˬ pyeuꞈ-eu naw maꞈ-ahˇ kʼoeˇ loꞈ-ehˇ jahˇ nehˬ ma lehˇ ngaˇ kamˬ tsehˆ-eu ma. Bawˇ tsahˬ bawˇ dahˇ heu tsahˇ laꞈ kʼoeˇ naw maꞈ yawˬ gʼaˬ na luꞈ ya shiˇ jiˇ tehꞈ-a’ lehˇ ehˇ nehˬ-awˬ.”

Bawˇtsahˬ 16:19

Kawˇlaˆ gʼeh, Iˇsaˬleˬlaˆ tsawˇ haˬ dawˬ tawˆ luꞈ kuˇ uiˬ-awˇ, sehˬ gʼawˆ gʼoˆ kʼehˬ dawˬ peh, Moˇseˬ hawˇ-eu Aˬloˬ-euˬ mehˬ shi aˬ yawꞈ maꞈ yawꞈ luꞈ-eu meh. Ja pyuˬ ni, Sahˬpaˬ Miˬyehˇ-euˬ yaw shehꞈ kʼahˬ sehˇ tsawˇ haˬ aˇ maꞈ dawˬ tawˆ luꞈ kʼoeˇ taˆ bya doˆ le-euˬ meh.

Bawˇtsahˬ 16:49

Kawˇlaˆ puiˬ ngeh poˆ shiˇ-euˬ deuˬ maˬ gui ahˇ-ehˇ, kʼoeˇ gaˇ shiˇ taˬ-euˬ tsawˇ haˬ deuˬ tiˬ muiˇ oeˬ heˇ shiꞈ yaˇ gʼaˬ byah-eu meh.

Bawˇtsahˬ 26:33

Heˬpaˬ-euˬ aˬ li Zeˬloˇpeˬhaˇ-aˬ, aˬ li maˬ jawˇ-ehˇ, aˬ buˇ tehꞈ-ehˇ jawˇ-eu meh. Aˬ buˇ kʼoeˇ deuˬ-euˬ tsawˇ myahˇ-aˬ, Maˬhaˬlahˬ, Noˇaˬ, Hawˇgaˬlaˇ, Miˇlaˬkah hawˇ-eu Teuˇzaˬ meh.

Bawˇtsahˬ 27:2

Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, Moˇseˬ, piˇ ma Eˇlaˬzaˬ, Iˇsaˬleˬlaˆ tsawˇ haˬ-euˬ aˬ yuiꞈ aˬ tsu deuˬ hawˇ-eu, tsawˇ haˬ aˇ maꞈ aˇ muˇ dawˬ tawˆ luꞈ-euˬ mehˬ shi, Zeˬlawˇpaˬ-euˬ aˬ buˇ kʼoeˇ deuˬ yawꞈ leˇ-awˇ ehˇ-eu,

Bawˇtsahˬ 27:4

Ngaˬ ha mehˇ nmˇ-euˬ aˬ da aˬ li maˬ jawˇ-eu miˇ neh, aˬ yawꞈ-euˬ aˇ jeuˬ aˇ ca laꞈ kʼoeˇ aˬ yawꞈ-euˬ tsawˇ myahˇ ya bi byoˆ-iˇ meh loˇ. Ngaˬ ha mehˇ nmˇ-euˬ aˬ da-euˬ aˬ yuiꞈ aˬ nyiˇ deuˬ-euˬ myawˬ gahˬ deuˬ nga maꞈ-ahˇ biˇ nehˬ laꞈ-awˬ.”

Yoˇhaˬ 8:21

Yeˬsuˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ le ma. Naw maꞈ ngaˬ-ahˇ poˆ tehꞈ-a. Ehˇ kʼawꞈ, naw maꞈ-euˬ iˬ baˇ laꞈ kʼoeˇ naw maꞈ ya shiˇ tehꞈ-a. ngaˇ le-eu jawˇ duˬ-ahˇ naw maꞈ maˬ le nya-a.”

Yoˇhaˬ 8:24

Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.