Bawˇtsahˬ 27:18 - Akha

¹⁸ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nuˬ-euˬ aˬ li Yawˇshuˆ laꞈ kʼoeˇ yaw sahˇ jawˇ meh. Aˬ yawꞈ-ahˇ kuˇ-awˇ, aˬ yawꞈ-euˬ uˬ duˬ-ahˇ nawˬ-eu aˬ laꞈ baꞈ daˆ-awˬ.

Bawˇtsahˬ 27:18 ပူးပေါင်းရင်းမြစ်များ

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

1 Laˬsaˬbaˬ 7:27

Nuˬ, Yawˇshuˆ lehˇ meh.

Doˆ-iˇ 17:9

Yawˇshuˆ-ahˇ Moˇseˬ ehˇ nehˬ-eu, “Ni shawˬ nah Aˬmaˬlehˇ tsawˇ haˬ deuˬ-ahˇ guiˇ deuˆ leˇ-eu gʼaˇ duˬ, tsawˇ haˬ tseˇ doˆ-awˬ. Sahˬpaˬ Miˬyehˇ neh ngaˬ-ahˇ bi yuˇ laꞈ-euˬ gawˬ yoeˬ kʼoeˇ hmˬ ngaˇ yuˇ-awˇ, gawˬ jawˬ uˬ du yawꞈ ma.”

Daˬyeˬlaˇ 5:14

Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Bawˇtsahˬ 13:16

Heu deuˬ-aˬ, miˇ kʼahˬ kʼoeˇ kʼahˬ-ahˇ bi kʼoeˬ sho haw leˇ-eu gʼaˇ duˬ, Moˇseˬ neh pyehˬ gʼeh-euˬ tsawˇ haˬ deuˬ meh. Nuˬ-euˬ aˬ li Awˇsheˬ-ahˇ, Yawˇshuˆ lehˇ aˬ yawꞈ myahˇ paˇ nehˬ-euˬ meh.

Bawˇtsahˬ 13:8

Eˇpaˬleˬ tsawˇ jeuˬ laꞈ kʼoeˇ, Nuˬ-euˬ aˬ li Awˇsheˬ

Bawˇtsahˬ 27:23

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Yawˇshuˆ-euˬ uˬ duˬ-ahˇ Moˇseˬ aˬ laꞈ baꞈ daˆ-awˇ, aˬ yawꞈ-euˬ dah zaˇ gaˇ bi mˇ-eu gʼaˇ duˬ tseˇ doˆ gʼaˬ-euˬ gaˇ kawˆ guˇ gaˬ-euˬ meh.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Gʼaˬkʼehˇ 13:3

Kʼoeˇ ngeh, aˬ yawꞈ maꞈ maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ nyaꞈ kʼoeˇ taˆ aˬ laꞈ baꞈ daˆ nehˬ-awˇ kʼehˇ gʼeh-euˬ meh.

Gʼaˬkʼehˇ 19:6

Aˬ yawꞈ maꞈ-ahˇ Pawˇluˆ aˬ laꞈ baꞈ daˆ nehˬ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ kʼoeˇ taˆ zaꞈ le-awˇ, aˬ yawꞈ maꞈ dawˬ gʼawˬ mya jeˬ ngehˬ-eu uˬ taꞈ, Miˬyehˇ gʼaˇ duˬ ngehˬ dah-eu dawˬ kʼawꞈ ngehˬ-euˬ meh.

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Dawˬmehˬ 1:37

Naw maꞈ baˬ da neh, ngaˬ-ahˇ kʼawꞈ Sahˬpaˬ Miˬyehˇ nui ma pehˇ-awˇ, heu loꞈ-ehˇ ehˇ-eu meh. ‘Moˇseˬ nawˇ kʼawꞈ miˇ kʼahˬ kʼoeˇ kʼahˬ-ahˇ maˬ ya uˇ leˇ-a.

Dawˬmehˬ 3:21

“Kʼoeˇ naˇ, Yawˇshuˆ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh, sahˬ paˬ Siˇhoˬ hawˇ-eu sahˬ paˬ Awˇgaˆ aˬ nyaꞈ-ahˇ kʼaˇ jahˇ nehˬ-euˬ jeˬ dawˬ tawˆ luꞈ, nawˇ ya mawˇ-euˬ meh. Naw maꞈ guiˇ kʼaˇ deuˆ uˇ gʼeh-eu miˇ kʼahˬ-ahˇ aˬ yawꞈ kʼoeˇ loꞈ-ehˇ jahˇ nehˬ tehꞈ-a.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

Dawˬmehˬ 31:14

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ gʼawˬ myahˇ ni maˬ paˇ ya dehꞈ meh. Yawˇshuˆ-ahˇ ngaˇ dawˬ mehˬ dawˬ tsoˆ tsoˆ nehˬ-eu gʼaˇ duˬ, ngaˇ jawˇ-eu Sehˬ gʼawˆ-ahˇ sheuˬ laꞈ-awˬ.” Kʼoeˇ naˇ, Moˇseˬ hawˇ-eu Yawˇshuˆ aˬ nyaꞈ Sehˬ gʼawˆ-ahˇ le-euˬ meh.

Dawˬmehˬ 31:23

Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

Dawˬmehˬ 31:3

Kʼoeˇ gaˇ jawˇ luꞈ-eu tsawˇ jeuˬ deuˬ-euˬ miˇ kʼahˬ-ahˇ naw maꞈ jawˇ leˇ nya-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-euˬ mehˬ hu le-awˇ, aˬ yawꞈ maꞈ-ahˇ laˆ luˬ laˆ seˇ nehˬ tehꞈ-a. Sahˬpaˬ Miˬyehˇ neh ehˇ taˬ-euˬ jaˆ-eu loꞈ-ehˇ, naw maꞈ-euˬ kʼoeˇ taˆ Yawˇshuˆ aˬ yuiꞈ geuꞈ-awˇ, naw maꞈ-ahˇ sheuˬ gʼeh nehˬ laꞈ tehꞈ-a.

Dawˬmehˬ 34:9

Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

Yawˇshuˆ 1:17

Moˇseˬ-euˬ ehˇ dawˬ-ahˇ nga maꞈ aˬ myah luꞈ naˇ haˬ geuꞈ-euˬ loꞈ-ehˇ, nawˬ-euˬ ehˇ dawˬ-ahˇ kʼawꞈ, naˇ haˬ geuꞈ ma. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ Moˇseˬ nehˬ-ehˇ jawˇ-euˬ loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

Yaˇ kʼaˬ daˇ 11:29

Kʼoeˇ naˇ, Sahˬpaˬ Miˬyehˇ-euˬ yaw sahˇ Yeˬpaˬtaˆ jawˇ gaˇ oe-euˬ meh. Yeˬpaˬtaˆ-aˬ, Giˇlaˆ miˇ kʼahˬ hawˇ-eu Maˬnaˇseˬ miˇ kʼahˬ doe ni cah-awˇ, Giˇlaˆ miˇ kʼahˬ-ahˇ jaˆ-eu Miˇzaˬpaˬ meuˬ-ahˇ gʼoꞈ laˇ-awˇ, Aˬmoˬ miˇ kʼahˬ paw iˇ-euˬ meh.

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”