Bawˇtsahˬ 27:17 - Akha

¹⁷ Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

Bawˇtsahˬ 27:17 ပူးပေါင်းရင်းမြစ်များ

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

1 Sahˬpaˬ 22:17

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ laˇ miˇ-a. Kʼoeˇ ngeh jawˇ, ‘Tsawˇ haˬ heu deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ ciˬ cuˇ ni bi gʼoꞈ-iˇ-awˬ’ lehˇ Sahˬpaˬ Miˬyehˇ ehˇ-eu meh.”

1 Sahˬpaˬ 3:7

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ zaˬ guˬ pyeuꞈ-eu miˇ neh, miˇ kʼahˬ-ahˇ aˬ joˆ-ehˇ ya uˆ lahˇ-eu gaˇ kawˆ maˬ siˬ nya kʼawꞈ, ngaˬ da-euˬ dah zaˇ nawˇ ngaˬ-ahˇ sahˬ paˬ ka nehˬ laꞈ-euˬ meh.

2 Sahˬpaˬ 11:8

Naw maꞈ yawˬ gʼaˬ na luꞈ mi cehˇ tuˆ tehˬ taˬ-awˇ, sahˬ paˬ Yawˇshaˆ kʼaˇ iˇ gaˇ caw teh-awˇ ya loꞈ piˇ meh. Naw maꞈ-euˬ dawˬ peh kʼaˇ laˇ-eu tsawˇ haˬ-ahˇ, naw maꞈ ya sehꞈ meh.”

2 Laˬsaˬbaˬ 1:10

Kʼoeˇ miˇ neh, aˬ yawꞈ maꞈ kʼoeˇ taˆ ngaˇ uˆ lahˇ-eu gʼaˇ duˬ, loˬ-eu zaˬ siˬ tsawˇ gahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ haˬ heu deuˬ-ahˇ ngaˇ aˬ joˆ-ehˇ uˆ lahˇ nmˇ.”

2 Laˬsaˬbaˬ 18:16

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ deuˬ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ le-euˬ meh. Kʼoeˇ ngeh, Sahˬpaˬ Miˬyehˇ ehˇ-eu, ‘Tsawˇ haˬ heu deuˬ-aˬ, aˬ yuiꞈ geuꞈ-awˇ sheuˬ gʼeh nehˬ-euˬ gʼaˬ, maˬ jawˇ-a. Aˬ yawꞈ maꞈ-ahˇ coꞈ ngehˇ ni bi gʼoꞈ-iˇ-awˬ’ lehˇ ehˇ-eu meh.”

Yeˬsaˬgeˬlaˇ 34:5

Yawˇ bo-eu yaw sahˇ maˬ jawˇ-eu miˇ neh, tiˬ paw tiˬ mawˇ iˇ byoˆ-awˇ, bawˇ tsahˬ jeˬ zaˬ neh bi kawꞈ sehꞈ dzaˬ-euˬ meh.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 10:6

Iˇsaˬleˬlaˆ tsawˇ jeuˬ laꞈ kʼoeˇ, byoˆ-iˇ taˬ-euˬ yawˇ deuˬ-ahˇ duˇ-eu deuˬ jawˇ gaˇ naw maꞈ iˇ-awˬ.

Maꞈtehˬ 15:24

Yeˬsuˇ ehˇ-eu, “Ngaˬ-ahˇ kʼehˇ gʼeh leꞈ-euˬ-aˬ, byoˆ-iˇ-euˬ yawˇ deuˬ pyeuꞈ-eu Iˇsaˬleˬlaˆ tsawˇ jeuˬ gʼaˇ duˬ tehꞈ meh.”

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 6:34

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Yoˇhaˬ 10:9

Ngaˇ-aˬ, gʼoˆ kʼehˬ ma. Ngaˬ-ahˇ neh kʼaˇ uˇ laˇ-eu tsawˇ haˬ-aˬ, ka kʼoꞈ-eu jeˬ za tehꞈ-a. Aˬ yawꞈ iˇ doˆ laˇ doˆ-ehˇ cah-awˇ, gaˆ dzaˬ duˬ ya mawˇ tehꞈ-a.

Dawˬmehˬ 31:2

“Nymˬ-mˇ ngaˇ tiˬ yaˇ nyiˬ tseˇ kʼoꞈ kʼawˆ laˇ-euˬ miˇ neh, naw maꞈ-ahˇ maˬ paˇ sheuˬ gʼeh nya miˇ-a. Kʼoeˇ uˬ taꞈ, ngaˇ Yawˇdaˬ lawˇ baˬ maˬ paˇ ya tsehˆ doˆ meh lehˇ Sahˬpaˬ Miˬyehˇ ngaˬ-ahˇ ehˇ taˬ-euˬ meh.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Saˬmeuˬlaˆ 18:13

Kʼoeˇ miˇ neh, Daˬbiˇ-ahˇ aˬ yawꞈ jawˇ gaˇ neh bi doˆ-iˇ-awˇ, yehˇ tiˬ heˇ gʼaˬ kʼoeˇ taˆ haw-eu aˬ yuiꞈ bi geuꞈ-euˬ meh. Daˬbiˇ-aˬ, aˬ yawꞈ-euˬ yehˇ kʼoeˇ deuˬ sheuˬ-awˇ guiˇ deuˆ-iˇ-euˬ meh.

1 Saˬmeuˬlaˆ 8:20

Kʼoeˇ sawˇ miˇ tsa nga maꞈ kʼawꞈ aˬ cawˬ tsawˇ jeuˬ-ahˇ duˇ laˇ-awˇ, nga maꞈ kʼoeˇ taˆ uˆ lahˇ-eu sahˬ paˬ tiˬ gʼaˬ jawˇ laˇ ngeh jawˇ, nga maꞈ-ahˇ guiˇ deuˆ gaˇ aˬ yawꞈ sheuˬ gʼeh nehˬ laꞈ tehꞈ-a.”