Bawˇtsahˬ 26:10 - Akha

¹⁰ Tsawˇ haˬ nyiˬ yaˇ ngaˬ tseˇ gʼaˬ miˬ dzaˬ neh bi laˆ luˬ bi laˆ seˇ ngeh nah, miˇ tsaˬ tsawˬ nga laˇ-awˇ bi myoꞈ ahˇ-euˬ laꞈ kʼoeˇ, Kawˇlaˆ hawˇ-eu aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ aˬ yawꞈ nyaꞈ kʼawꞈ ya shiˇ-euˬ meh. Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ saˇ kiˇ pyeuꞈ-eu meh.

Bawˇtsahˬ 26:10 ပူးပေါင်းရင်းမြစ်များ

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Yeˬlaˬmiˇ 29:22

Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ bi nyehꞈ daˆ gʼeh -euˬ tsawˇ haˬ deuˬ, aˬ cawˬ-ahˇ yaˬ kʼehˇ yaˬ ngeh, Baˬbuˇloˬ sahˬ paˬ neh yaw dehꞈ-ehˇ bi tehˬ ba-euˬ Zeˬdaˬkiˇ hawˇ-eu Aˬkaˆ aˬ nyaꞈ loꞈ-ehˇ, Sahˬpaˬ Miˬyehˇ nawˬ-ahˇ jahˇ nehˬ luꞈ-uˇ lehˇ ehˇ-awˇ yaˬ tehꞈ-a.

Yeˬsaˬgeˬlaˇ 14:8

Aˬ yawꞈ-ahˇ ngaˇ myaˆ maˬ haw cawˬ nehˬ ni, aˬ yawꞈ-ahˇ haw-awˇ aˬ cawˬ-ahˇ siˬ leˇ paˬ-ehˇ ngaˇ jahˇ nehˬ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ leˇ ni, ngaˬ-euˬ tsawˇ haˬ-euˬ baꞈ dzah laꞈ kʼoeˇ, aˬ yawꞈ-ahˇ paˬ tseuˆ tseuˆ dzeh nehˬ ma.

Bawˇtsahˬ 16:38

Lawˇ duˬ-ahˇ yuˇ gʼeh ngeh, guiˬ gʼawˆ kʼoeˇ deuˬ muiˬ laˇ shawˇ laˇ tehꞈ-a. Kʼoeˇ ngeh, yawˬ ha-euˬ iˬ baˇ baˬ da neh ya shiˇ-euˬ tsawˇ haˬ kʼoeˇ deuˬ-euˬ guiˬ gʼawˆ kʼoeˇ deuˬ yuˇ-awˇ, aˇ yaˆ tehˆ yaˆ-awˇ, lawˇ duˬ-ahˇ dehˬ kaˬ-eu kʼmˬ pymˬ tiˬ hmˬ jahˇ-awˬ. Heu-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ, bi siˬ bi mawˇ-eu jeˬ pyeuꞈ tehꞈ-a.”

Bawˇtsahˬ 17:3

Leˬbiˇ tsawˇ jeuˬ-euˬ gawˬ yoeˬ kʼoeˇ taˆ Aˬloˬ-euˬ tsawˇ myahˇ boꞈ-awˬ. Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ geuꞈ-eu gʼaˬ, gawˬ yoeˬ tiˬ yoeˬ ya yuˇ laꞈ meh.

Bawˇtsahˬ 27:3

“Ngaˬ ha mehˇ nmˇ-euˬ aˬ da-aˬ, aˬ li tiˬ li-iˬ maˬ jawˇ le ni, bawˇ tsahˬ bawˇ dahˇ-ahˇ shiˇ yaꞈ-euˬ meh. Sahˬpaˬ Miˬyehˇ-ahˇ puiˬ-euˬ gʼaˬ pyeuꞈ-eu Kawˇlaˆ-euˬ mehˬ nah aˬ yawꞈ maˬ caw teh-aˬ. Aˬ yawꞈ-euˬ iˬ baˇ baˬ da neh aˬ yawˆ yawꞈ shiˇ-euˬ tehꞈ meh.

Dawˬmehˬ 11:6

Luˇbeˬ tsawˇ jeuˬ Eˇliˇbaˆ-euˬ aˬ li Daˬtaˬ hawˇ-eu Aˬbiˇlamˬ aˬ nyaꞈ-ahˇ aˬ yawꞈ neh jahˇ nehˬ-euˬ jeˬ-ahˇ noeˬ keuˆ-awˬ. Tsawˇ haˬ yawˬ gʼaˬ na luꞈ-euˬ mehˬ shi miˇ tsaˬ tsawˬ nga laˇ-awˇ, aˬ yawꞈ nyaꞈ-ahˇ maˬ ehˇ, aˬ yawꞈ nyaꞈ-euˬ miˬ sawˇ zaˬ deuˬ-ahˇ maˬ ehˇ, aˬ yawꞈ nyaꞈ-euˬ sehˬ gʼawˆ-ahˇ maˬ ehˇ, aˬ yawꞈ nyaꞈ-euˬ zaˬ kʼaˆ hawˇ-eu jeˬ zaˬ deuˬ-ahˇ maˬ ehˇ, myoꞈ ahˇ jiˇ-euˬ meh.

Dawˬmehˬ 28:46

Shaˬ zahˬ kʼoeˇ deuˬ-aˬ, nawˇ hawˇ-eu nawˬ-euˬ zaˬ deuˬ uˆ deuˬ kʼoeˇ taˆ keuˆ le-euˬ Miˬyehˇ yaˇ kʼaˬ daˇ-eu jeˬ gaˇ kawˆ, mˬ maˬ maˬ byaˆ zaˇ ziˇ bi siˬ bi mawˇ-euˬ jeˬ pyeuꞈ tehꞈ-a.

2 Beˬtuˆluˆ 2:6

Sawˇdoˬ meuˬ hawˇ-eu Gawˇmawˇlaˆ meuˬ-ahˇ kʼawꞈ, miˬ dzaˬ bi puiˆ byoˆ-euˬ meh. Kʼoeˇ-aˬ, Miˬyehˇ-ahˇ yaw zeu maˬ baw-eu tsawˇ haˬ deuˬ kʼoeˇ taˆ aˬ joˆ-ehˇ keuˆ le-eu gaˇ kʼawˆ, aˬ yawꞈ maꞈ bi dzaw geuꞈ-eu gʼaˇ duˬ mˇ mehˬ-euˬ jeˬ pyeuꞈ-eu meh.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.