7 Kʼoeˇ loꞈ-ehˇ jahˇ gaˇ Aˬloˬ-euˬ aˬ li Eˇlaˬzaˬ gʼaˬ-euˬ aˬ li Piˇnaˬhaˇ ya mawˇ ngeh, gahˬ tuˆ tehˬ-awˇ tsawˬ tuˇ laˇ-awˇ, tsawˇ haˬ aˇ maꞈ aˇ muˇ jawˇ gaˇ neh doˆ-iˇ-euˬ meh.
Eˇlaˬzaˬ-euˬ aˬ li Piˇnaˬhaˇ gʼaˬ-aˬ, aˬ yawꞈ maꞈ-euˬ kʼoeˇ taˆ haw-eu pyaˆ-eu gʼaˬ tiˬ poˆ geuꞈ-awˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-euˬ meh.
Ehˇ kʼawꞈ Piˇnaˬhaˇ tuˇ laˇ-awˇ iˬ baˇ ahˇ-eu deuˬ-ahˇ kʼehˬ ngeh, naˇ gawˇ byoˆ-iˇ-euˬ meh.
Leˬbiˇ tsawˇ haˬ deuˬ aˬ yawꞈ ehˇ dawˬ naˇ haˬ-awˇ, kʼoeˇ ngeh nah laꞈ kʼoeˇ, tsawˇ haˬ smˬ heˇ gʼaˬ byah ni sehꞈ dzeh-euˬ meh.
Aˬloˬ-euˬ aˬ li Eˇlaˬzaˬ-aˬ, Puˬtiˬlaˇ-euˬ aˬ buˇ-ahˇ sheuˬ dahˬ dzaˬ-awˇ, Piˇnaˬhaˇ jawˇ le-euˬ meh. Heu deuˬ-aˬ, Leˬbiˇ tsawˇ jeuˬ tsawˇ ca dawˬ tawˆ luꞈ-euˬ aˬ da yaw dzahˇ deuˬ pyeuꞈ-eu meh.
“Ngaˬ-euˬ dawˬ ma saˇ jaˇ laꞈ kʼoeˇ, aˬ yawꞈ maꞈ baw le za le-awˇ nui saˇ oꞈ ni ngaˇ saˇ jaˇ dzaˬ-euˬ ma. Aˬ yawꞈ maꞈ ngaˬ-ahˇ yaw zeu baw ni, aˬ yawꞈ maꞈ-ahˇ ngaˇ kʼoeˇ loꞈ-ehˇ jahˇ nehˬ-euˬ ma. Aˇ nah aˇ yamˬ kʼoeˇ yamˬ-ahˇ, aˬ yawꞈ maꞈ ngaˬ-ahˇ yaw zeu baw-awˇ guˆ-euˬ meh.
Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.
Kʼoeˇ naˇ, Iˇsaˬleˬlaˆ tsawˇ haˬ deuˬ piˇ ma Eˇlaˬzaˬ-euˬ aˬ li Piˇnaˬhaˇ-ahˇ, Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ bi iˇ-euˬ meh.
Tiˬ nah keuˆ laˇ ngeh, Sahˬpaˬ Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ paˇ uˆ lahˇ le-euˬ meh. Aˬ yawꞈ-euˬ nymˇ laꞈ kʼoeˇ gahˬ tuˆ tehˬ-awˇ aˬ yawꞈ nuiˇ luꞈ-eu meh. Daˬbiˇ gʼaˬ kʼawꞈ kʼoeˇ gaˇ deuˇ-mˬ diˬ luꞈ-eu meh.