Bawˇtsahˬ 25:4 - Akha

⁴ Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-euˬ ehˇ dawˬ naˇ haˬ-eu laꞈ kʼoeˇ, Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ kuˇ uiˬ-awˇ, nah gʼahˇnah gaˆ-ahˇ sehꞈ jiˇ nehˬ-awˬ. Kʼoeˇ loꞈ-ehˇ jahˇ naˇ, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma.”

Bawˇtsahˬ 25:4 ပူးပေါင်းရင်းမြစ်များ

2 Saˬmeuˬlaˆ 21:6

Kʼoeˇ miˇ neh, aˬ yawꞈ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ shiꞈ gʼaˬ nga maꞈ-ahˇ a nehˬ laꞈ-awˬ. Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu Sawˇluˆ jawˇ-euˬ Giˇbyoˬ meuˬ-ahˇ, Sahˬpaˬ Miˬyehˇ mehˬ shi aˬ yawꞈ maꞈ-ahˇ nga maꞈ paꞈ gʼeu sehꞈ ma.” Sahˬ paˬ ehˇ-eu, “Aˬ yawꞈ maꞈ-ahˇ naw maꞈ-euˬ aˬ laꞈ laꞈ kʼoeˇ ngaˇ a nehˬ-eu ma.”

2 Saˬmeuˬlaˆ 21:9

Giˇbyoˬ meuˬ-ahˇ jawˇ-eu tsawˇ haˬ deuˬ-euˬ aˬ laꞈ laꞈ kʼoeˇ Daˬbiˇ neh a nehˬ-awˇ, aˬ ha shiꞈ gʼaˬ-ahˇ Sahˬpaˬ Miˬyehˇ-euˬ mehˬ shi gawˬ jawˬ kʼoeˇ taˆ aˬ yawꞈ maꞈ paꞈ gʼeu nehˬ-awˇ, shiꞈ gʼaˬ luꞈ tiˬ poˆ tehꞈ-ehˇ shiˇ-euˬ meh. Aˬ yawꞈ maꞈ shiˇ-euˬ aˇ yamˬ kʼoeˇ yamˬ-aˬ, lawˬ loeˇ keuˆ dahˬ beh le-eu yamˬ meh.

Jaceuq 106:29

Aˬ yawꞈ maꞈ mˇ-euˬ gaˇ Sahˬpaˬ Miˬyehˇ-ahˇ nui ma bi pehˇ laˇ-awˇ, guˆ laˇ paˬ-ehˇ gʼeh-eu naˇ gawˇ aˬ yawꞈ maꞈ kʼoeˇ taˆ keuˆ le-euˬ meh.

Doˆ-iˇ 18:25

Aˬ yuiꞈ aˬ tsu bi geuꞈ-eu gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ laꞈ kʼoeˇ, gʼeh nya-eu tsawˇ haˬ deuˬ aˬ yawꞈ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-euˬ meh.

Yawˇnaˆ 3:9

Miˬyehˇ nui ma paˇ laˇ-awˇ, nui ma pehˇ-eu taˬ leˇ-eu laꞈ kʼoeˇ, aˬ dui shiˇ gaˇ maˬ ya keuˆ-eu baw tehꞈ-a.”

Bawˇtsahˬ 25:11

“Piˇnaˬhaˇ kʼoeˇ loꞈ-ehˇ mˇ-euˬ miˇ neh, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma. Ngaˬ-ahˇ maˬ ngeuˇ naˇ, miˬyehˇ nui gʼaˬ-ahˇ uˬ duˬ tahˬ-eu jeˬ-ahˇ Piˬnaˬhaˇ maˬ haw nahˇ-a. Kʼoeˇ miˇ neh, aˬ yawꞈ maꞈ-ahˇ ngaˇ maˬ paˇ laˆ cawˆ nehˬ ni bi dzeuˇ-iˇ-euˬ ma.

Bawˇtsahˬ 25:18

Aˬ jeˬ miˇ neh ehˇ naˇ, Peˬoˇ lehˇ kuˇ-eu jawˇ duˬ laꞈ kʼoeˇ aˬ yawꞈ maꞈ naw maꞈ-ahˇ mehˇ shuiˇ shuiˇ-awˇ yaw doeˇ jeˬ mˇ nehˬ laꞈ-euˬ uˬ taꞈ, Peˬoˇ lehˇ kuˇ-eu jawˇ duˬ-ahˇ naw maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ngeh bi sehꞈ-euˬ Kawˇzaˬbiˇ kʼoeˇ gʼaˬ baˇ neh kʼawꞈ, aˬ yawꞈ maꞈ naw maꞈ-ahˇ yaw doeˇ jahˇ-euˬ meh.”

Dawˬmehˬ 13:11

Pyeuꞈ laˇ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ dawˬ tawˆ luꞈ ya gaˬ-awˇ guˆ-eu laꞈ kʼoeˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ-ahˇ, tsawˇ haˬ tiˬ gʼaˬ-iˬ maˬ paˇ mˇ peuˬ ni pyeuꞈ-iˇ tehꞈ-a.

Dawˬmehˬ 13:15

meuˬ kʼoeˇ deuˬ laꞈ kʼoeˇ jawˇ-eu tsawˇ haˬ dawˬ tawˆ luꞈ hawˇ-eu, aˬ yawꞈ maꞈ-euˬ jeˬ zaˬ dawˬ tawˆ luꞈ-ahˇ sehꞈ-awˬ. Meuˬ kʼoeˇ meuˬ-ahˇ geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-awˬ.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Dawˬmehˬ 21:22

“Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,

Dawˬmehˬ 21:23

uˬ ciꞈ uˬ bya bya ni maˬ ya bi jaˆ-a. Aˬ yawꞈ ngeh nah neh ya duˬ pahˬ meh. Aˬ jeˬ miˇ neh ehˇ naˇ, tsawˇ shiˇ-euˬ gʼawˇ mawˇ kʼawˇ zeuˇ-ahˇ paꞈ-awˇ bi ga gʼeu-euˬ jeˬ-aˬ, Miˬyehˇ-euˬ yaˬ kʼehˇ yaˬ-eu jeˬ bi keuˆ le-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-euˬ miˇ kʼahˬ-ahˇ nawˇ maˬ ya laˆ jawꞈ ni, tsawˇ shiˇ-euˬ gʼawˇ mawˇ kʼoeˇ duˬ pahˬ-awˬ.

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

Yawˇshuˆ 22:17

Peˬoˇ lehˇ kuˇ-eu jawˇ duˬ-ahˇ, aˬ dui-euˬ iˬ baˇ baˬ da neh aˬ yawꞈ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ Sahˬpaˬ Miˬyehˇ bi keuˆ le-euˬ gaˇ kawˆ shaˇ noeˬ haw sheˇ. Kʼoeˇ baˬ da neh iˬ nah keuˆ ni aˬ dui maꞈ ya daˬ luꞈ-eu maˬ ngeuˇ-a loˇ. Iˬ baˇ kʼoeˇ maˬ gʼaˬ-a siˬ loˇ.

Yawˇshuˆ 23:2

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-eu deuˬ hawˇ-eu, yaw huiˬ yaw mahˇ deuˬ nehˬ-ehˇ tiˬ kawˆ loꞈ-ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Nymˬ-mˇ ngaˇ tsawˇ mawˬ mawˬ dui dui le-euˬ ma.