Bawˇtsahˬ 25:1 - Akha

¹ Aˬkaˬshaˇ deh kʼawꞈ-ahˇ Iˇsaˬleˬlaˆ tsawˇ haˬ deuˬ jawˇ naˬ luꞈ ngeh, Iˇsaˬleˬlaˆ tsawˇ haˬ kʼaˬ dzeˇ zaˬ deuˬ, kʼoeˇ gaˇ jawˇ-eu Mawˇbaˆ tsawˇ haˬ zaˬ miˬ zaˬ deuˬ nehˬ-ehˇ yuꞈ taꞈ-euˬ meh.

Bawˇtsahˬ 25:1 ပူးပေါင်းရင်းမြစ်များ

2 Sahˬpaˬ 23:7

Uˬ duˬ tahˬ nymˇ nymˇ ma laꞈ kʼoeˇ, zaˬ miˬ zaˬ hawˇ-eu kʼaˬ dzeˇ zaˬ meh maˬ laˇ deuˬ jawˇ-eu jawˇ duˬ aˬ yawꞈ laˆ cawˆ-euˬ meh. Jawˇ duˬ kʼoeˇ tsahˇ-aˬ, Aˬsheˇlaˬ miˬyehˇ ma-ahˇ uˬ duˬ tahˬ ngeh dm-eu pehˇ kʼahˬ pehˇ mahˇ deuˬ-ahˇ, zaˬ miˬ zaˬ deuˬ guꞈ luꞈ-eu jawˇ duˬ kʼawꞈ pyeuꞈ-eu meh.

Jaceuq 106:28

Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

Doˆ-iˇ 22:19

“Jeˬ zaˬ nehˬ-ehˇ joe-eu tsawˇ haˬ-ahˇ ya sehꞈ meh.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Dawˬ tsoˆ 7:26

Shiˇ-eu jeˬ naˆ maˬ tseˇ doeˇ dui dui-eu tiˬ jeˬ ngaˇ mawˇ taˬ-euˬ ma. Kʼoeˇ-aˬ, zaˬ miˬ zaˬ meh. Aˬ yawꞈ-euˬ nui gaˬ lahˇ ju kʼmˇ gaˇ duˇ-awˇ, nawˬ-ahˇ byaˇ cuꞈ-eu aˬ yawꞈ-euˬ aˬ laꞈ shmˇ caˆ paꞈ gaˇ duˇ-eu meh. Miˬyehˇ-euˬ nui kʼahˇ poˆ-eu tsawˇ haˬ cehˆ dzeuˇ nya kʼawꞈ, iˬ baˇ mˇ-eu deuˬ paꞈ leˇ-eu meh.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Yeˬsaˬgeˬlaˇ 20:21

“Ehˇ kʼawꞈ, aˬ yawꞈ maꞈ-euˬ zaˬ kʼoeˇ deuˬ kʼawꞈ, ngaˬ-ahˇ puiˬ-eu laꞈ kʼoeˇ, tsawˇ haˬ zaˬ-ahˇ yaw dehꞈ bi dehꞈ-eu ngaˬ-euˬ zahˇ dawˬ kʼoꞈ dawˬ deuˬ-ahˇ byehˇ dzeh-euˬ meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, ngaˬ-euˬ nui ma aˬ yawꞈ maꞈ-ahˇ bi mawˇ-awˇ, sehꞈ-eu lehˇ gʼeh-euˬ ma.

Hawˇseˬ 9:10

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-ahˇ, yaw beh poˆ ngaˇ mawˇ dahˬ beh ngeh, kʼaˇ shuiꞈ deh ga gʼahˇ ceh dehꞈ-eu, aˬ gaꞈ baw duˆ-ahˇ duˇ-eu meh. Naw maꞈ-euˬ aˬ poeˬ aˬ piˬ deuˬ, yaw beh poˆ ngaˇ mawˇ dahˬ beh ngeh, awꞈ beh beh laˇ-awˇ siˬ luꞈ-eu, siˬ guˬ aˇ siˬ-ahˇ duˇ-eu meh. Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh, Baˬlaˇ-ahˇ uˬ duˬ tahˬ paˇ-awˇ, yawꞈ maꞈ gaˬ-eu miˬyehˇ loꞈ-ehˇ, jawꞈ dui dui gaˇ ya mawˇ-euˬ ma.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Bawˇtsahˬ 25:17

“Miˇdiˬyaˬ tsawˇ jeuˬ-ahˇ guiˇ deuˆ-awˇ laˆ luˬ laˆ seˇ nehˬ-awˬ.

Bawˇtsahˬ 31:2

“Naw maꞈ-ahˇ miˬyehˇ nui gʼaˬ-ahˇ uˬ duˬ tahˬ ni jahˇ nehˬ laꞈ-euˬ Miˇdiˬyaˬ tsawˇ haˬ deuˬ-ahˇ kʼehˬ nehˬ-awˬ. Kʼoeˇ loꞈ-ehˇ jahˇ kʼoꞈ nehˬ gʼaˬ naˇ, nawˇ ya shiˇ-eu aˇ nah aˇ yamˬ keuˆ le tehꞈ-a.”

Bawˇtsahˬ 7:15

miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu tiˬ myaˇ byah-eu yawˇ zaˬ aˬ buˬ tiˬ mawˇ,

1 Gawˇliˬtu 10:8

Aˬ yawꞈ maꞈ tiˬ paˆ na deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-euˬ loꞈ-ehˇ aˬ dui maˬ ya sheu-a. Aˬ yawꞈ maꞈ kʼoeˇ loꞈ-ehˇ sheu-euˬ miˇ neh, tiˬ nah tehꞈ-ehˇ tsawˇ haˬ nyiˬ heˇ smˬ yaˇ gʼaˬ shiˇ-euˬ meh.

Dawˬmehˬ 3:29

“Kʼoeˇ naˇ, Behˬpyawˇ meuˬ dawˬ peh jaˆ-eu deh kʼawꞈ-ahˇ aˬ dui maꞈ jawˇ-euˬ ma.”

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Yawˇshuˆ 22:17

Peˬoˇ lehˇ kuˇ-eu jawˇ duˬ-ahˇ, aˬ dui-euˬ iˬ baˇ baˬ da neh aˬ yawꞈ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ Sahˬpaˬ Miˬyehˇ bi keuˆ le-euˬ gaˇ kawˆ shaˇ noeˬ haw sheˇ. Kʼoeˇ baˬ da neh iˬ nah keuˆ ni aˬ dui maꞈ ya daˬ luꞈ-eu maˬ ngeuˇ-a loˇ. Iˬ baˇ kʼoeˇ maˬ gʼaˬ-a siˬ loˇ.

Yawˇshuˆ 3:1

Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.