Bawˇtsahˬ 24:8 - Akha

⁸ Iˇjiˇtuˆ miˇ kʼahˬ laꞈ kʼoeˇ Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ aˬ yawꞈ guiˇ deuˆ-euˬ meh. Aˬ yawꞈ maꞈ-ahˇ muiˇ-eu deuˬ-ahˇ aˬ yawꞈ maꞈ kawꞈ sehꞈ tehꞈ-a. Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ, kaˆ myaˬ neh beuˆ byoe nehˬ tehꞈ-a.

Bawˇtsahˬ 24:8 ပူးပေါင်းရင်းမြစ်များ

Jaceuq 2:9

Yawꞈmaꞈ-ahˇ shmˇkahˬneh zuiˆ-awˇ, diˬkʼehꞈdiˬkʼoeˆnehˬ-eu uˬtaꞈ, mui deuˇ deh paˆdzeh-eu loꞈ-ehˇ, deh meuˇ deh loeˇ-awˇ bi ga-awˬ.’ ”

Jaceuq 21:12

Sahˬpaˬneh kaˆbi beuˆtahˬ-awˇ, naˇkʼah paw ya cehˆgʼoꞈtehꞈ-a.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Jaceuq 45:6

Miˬyehˇ neh nawˬ-ahˇ biꞈ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ tehꞈ-a. Yaw tsaˬ yaw dawˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ uˆ lahˇ-awˇ,

Doˆ-iˇ 23:22

Ehˇ kʼawꞈ, naw maꞈ aˬ yawꞈ ehˇ dawˬ naˇ haˬ-awˇ, ngaˬ neh kʼaˇ ehˇ taˬ-euˬ yawˬ jeˬ na luꞈ mˇ naˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ guiˇ deuˆ ma.

Iˇsaˬyaˇ 38:13

Aˇ laˬ jaˬ shiˇ neh shaˬ yoeˬ bi kawꞈ nmˆ-euˬ loꞈ-ehˇ, uˬ ciꞈ miˇ lah-ehˇ gawˇ-awˇ ngoeˇ-euˬ ma. Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 50:9

Laꞈ taˆ paw pyawˬ-ahˇ jawˇ-eu gʼaˬ kʼaˆ-eu tsawˇ jeuˬ deuˬ-ahˇ ngaˇ laˆ luˆ-awˇ, Baˬbuˇloˬ miˇ kʼahˬ-ahˇ guiˇ bi deuˆ le ma. Baˬbuˇloˬ miˇ kʼahˬ mehˬ shi aˬ yawꞈ maꞈ guiˇ daˬ daˬ cehˆ gʼeh-awˇ, deuˆ gʼaˬ tehꞈ-a. Aꞈ yawꞈ maꞈ guiˇ deuˆ-eu nya dui dui-awˇ, kaˆ beuˆ-eu tiˬ laꞈ-iˬ maˬ lehˬ-iˇ-a.

Daˬyeˬlaˇ 6:24

Kʼoeˇ naˇ, Daˬyeˬlaˇ-ahˇ yaw doeˇ jahˇ-euˬ tsawˇ haˬ dawˬ tawˆ luꞈ-ahˇ nyehꞈ-eu gʼaˇ duˬ sahˬ paˬ dawˬ biꞈ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ deuˬ dawˬ tawˆ luꞈ-ahˇ, aˇ laˬ jaˬ shiˇ kuˆ-ahˇ biˬ ahˇ jiˇ-euˬ meh. Aˬ yawꞈ maꞈ aˇ laˬ jaˬ shiˇ kuˆ-euˬ duˬ kʼahˬ-ahˇ maˬ ga keuˆ -iˇ mi naˆ-ehˇ, aˇ laˬ jaˬ shiˇ kʼoeˇ deuˬ aˬ yawꞈ maꞈ-ahˇ tsawˬ dawꞈ-awˇ, shaˬ yoeˬ shaˬ laꞈ kawꞈ kʼehꞈ kawꞈ kʼoeˆ jiˇ-euˬ meh.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Bawˇtsahˬ 23:22

Iˇjiˇtuˆ miˇ kʼahˬ laꞈ kʼoeˇ, Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Nehꞈ nyoˬ laꞈ hiˇ loꞈ-ehˇ, aˬ yawꞈ maꞈ gʼaˇ duˬ, aˬ yawꞈ guiˇ deuˆ-euˬ meh.

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”

Maꞈtehˬ 2:15

Heˬloˆ shiˇ ngeh keuˆ ni, aˬ yawꞈ pehˬ kʼoeˇ gaˇ jawˇ-euˬ meh. SahˬpaˬMiˬyehˇ neh aˬ yawꞈ gʼaˇ duˬ ngehˬ dah-eu tsawˇ haˬ-ahˇ gʼoe-awˇ ehˇ taˬ-euˬ dawˬ pyeuꞈ-eu, “Ngaˬ li-ahˇ Iˇjiˇtuˆ miˇ kʼahˬ laꞈ kʼoeˇ neh kuˇ doˆ-euˬ ma” lehˇ ehˇ-eu dawˬ kʼoeˇ dawˬ byah laˇ-eu gʼaˇ duˬ, kʼoeˇ loꞈ-ehˇ pyeuꞈ laˇ-euˬ meh.

Dawˬmehˬ 32:23

“Shaˬ zahˬ duˬ gahˬ baꞈ daˆ nehˬ-awˇ, kaˆ myaˬ dawˬ tawˆ beuˆ tsoˆ nehˬ ma.

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Dawˬmehˬ 7:1

“Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ uˇ gʼeh-awˇ, kʼoeˇ gaˇ jawˇ-eu tsawˇ jeuˬ gʼawˬ mya jeuˬ-ahˇ aˬ yawꞈ teh doˆ tehꞈ-a. Naw maꞈ le-eu nehˬ-ehˇ, naw maꞈ myaˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ shiꞈ jeuˬ-ahˇ aˬ yawꞈ teh doˆ tehꞈ-a. Tsawˇ jeuˬ kʼoeˇ deuˬ-aˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Aˬmoˬ tsawˇ jeuˬ, Kaˬnaˬ tsawˇ jeuˬ Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ meh.

Yawˇshuˆ 2:10

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ luꞈ ngeh, naw maꞈ-euˬ mehˬ shi, Sahˬpaˬ Miˬyehˇ neh iˬ ma laˆ shaˆ yaw neˇ iˇ cuꞈ bi gui-iˇ-euˬ gaˇ kawˆ nga maꞈ ya gaˬ-euˬ ma. Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Siˇhoˬ hawˇ-eu Awˇgaˆ-ahˇ naw maꞈ aˬ joˆ-ehˇ sehꞈ-euˬ gaˇ kawˆ kʼawꞈ, nga maꞈ siˬ nya ma.