Bawˇtsahˬ 24:4 - Akha

⁴ Miˬyehˇ-euˬ dawˬ-ahˇ gaˬ nya-eu gʼaˬ-euˬ dawˬ-aˬ, heu loꞈ-ehˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Bawˇtsahˬ 24:4 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 15:12

Nahˇ ma ga shuiˇ ga neˇ yehˆ ni jaˆ ngeh, Aˬbyaˬ tiˬ pawꞈ-iˬ maˬ noeˬ ni yuꞈ kʼaˆ byoˆ-euˬ meh. Kʼoeˇ ngeh, noeˬ shaˬ-eu jeˬ hawˇ-eu guˆ-eu jeˬ aˬ yawꞈ kʼoeˇ taˆ keuˆ le-euˬ meh.

1 Sahˬpaˬ 22:17

Miˇkaˬyaˇ ehˇ-eu, “Yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ, Iˇsaˬleˬlaˆ yehˇ deuˬ gawˬ jawˬ gawˬ duˇ doe ni cehˆ byaˆ taˬ-euˬ ngaˬ-ahˇ mawˇ laˇ miˇ-a. Kʼoeˇ ngeh jawˇ, ‘Tsawˇ haˬ heu deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ ciˬ cuˇ ni bi gʼoꞈ-iˇ-awˬ’ lehˇ Sahˬpaˬ Miˬyehˇ ehˇ-eu meh.”

Jaceuq 89:19

Aˇ hu ba yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, nawˬ-ahˇ saˇ jaˇ ziꞈ-eu zaˬ kʼaˆ-ahˇ nawˇ heu loꞈ-ehˇ ehˇ-euˬ meh. “Tsawˇ myahˇ doˆ-eu yehˇ tiˬ gʼaˬ-ahˇ ngaˇ caw ba nehˬ-euˬ ma. Ngaˬ neh tseˇ doˆ-euˬ gʼaˬ-ahˇ sahˬ paˬ-euˬ nuiˇ mahˬ kʼoeˇ taˆ bi nuiˇ-euˬ ma.

Yeˬsaˬgeˬlaˇ 1:28

Yaw shehꞈ kʼoeˇ laꞈ kʼoeˇ, aˇ deˇ leˇ kʼah loꞈ-ehˇ gʼeh-eu yaw shehꞈ gʼawˬ mya jeˬ ahˇ-eu meh. Kʼoeˇ-aˬ, Sahˬpaˬ Miˬyehˇ jawˇ-eu gaˇ kawˆ bi siˬ-eu naˇ guiˇ guiˇ laˇ-eu yaw shehꞈ pyeuꞈ-eu meh. Kʼoeˇ gaˇ ya mawˇ ngeh, ngaˇ moꞈ tsahˬ-ehˇ ga-iˇ-awˇ, dawˬ ngehˬ-eu teˇ saˇ ya gaˬ-euˬ ma.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Bawˇtsahˬ 22:20

Kʼoeˇ ngeh miˇ, Baˬlamˬ jawˇ gaˇ Miˬyehˇ oe-awˇ, “Aˬ yawꞈ maꞈ nehˬ-ehˇ laˇ-awˬ lehˇ tsawˇ haˬ heu deuˬ nawˬ-ahˇ kuˇ le-euˬ ngeuˇ naˇ, lehˬ hmˬ-awˇ le-awˬ. Ehˇ kʼawꞈ, ngaˇ kʼaˇ bi ehˇ-euˬ loꞈ-ehˇ tehꞈ-ehˇ ehˇ lawˬ.”

Bawˇtsahˬ 22:31

Kʼoeˇ ngeh, mi cehˇ tuˆ tehˬ-awˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ mawˇ nya ni, Baˬlamˬ-euˬ myaˆ nuiˆ-ahˇ Sahˬpaˬ Miˬyehˇ pah nehˬ-euˬ meh. Baˬlamˬ coˬ lah-awˇ, miˇ tsa awˆ byaˆ taˬ-euˬ meh.

Bawˇtsahˬ 24:15

Kʼoeˇ naˇ, Miˬyehˇ gʼaˇ duˬ dawˬ ngeh dah-eu laꞈ kʼoeˇ, aˬ yawꞈ heu loꞈ-ehˇ ehˇ-eu meh. “Beˬyoˇ-euˬ aˬ li Baˬlamˬ-euˬ dawˬ, haw duˬ mawˇ duˬ nya-eu gʼaˬ-euˬ dawˬ,

Bawˇtsahˬ 24:5

Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,

Gʼaˬkʼehˇ 10:10

Aˬ yawꞈ hawˬ mehꞈ laˇ-awˇ, tiˬ jeˬ paˬ dzaˬ mawꞈ-eu meh. Aˬ yawꞈ gʼaˇ duˬ dzaˇ laˆ saˆ luꞈ ngeh, yaw sahˇ laꞈ kʼoeˇ heu loꞈ-ehˇ aˬ yawꞈ ya mawˇ-euˬ meh.

Gʼaˬkʼehˇ 10:19

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ shaˇ sawˇ haw luꞈ ngeh, Yaw sahˇ Miˬyehˇ aˬ yawꞈ-ahˇ ehˇ-eu, “Naˇhaˬ sheˇ. Tsawˇ haˬ smˇ gʼaˬ nawˬ-ahˇ poˆ le-euˬ meh.

Gʼaˬkʼehˇ 22:17

“Yeˬluˇsaˬlehˬ meuˬ-ahˇ ngaˇ gʼoꞈ le-awˇ, Uˬ duˬ tahˬ nymˇ nymˇ ma laꞈ kʼoeˇ guiˬ lahˬ shaˇ luꞈ ngeh, yaw sahˇ laꞈ kʼoeˇ heu loꞈ-ehˇ ya mawˇ-euˬ ma.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.

1 Saˬmeuˬlaˆ 19:24

Saˬmeuˬlaˆ mehˬ shi aˬ yawꞈ mehˬ tsoeˬ lehˆ dzeh-awˇ, gaˇ nyeh nyeh nyeh-ehˇ guˇ-eu laꞈ kʼoeˇ, tiˬ nah tiˬ miˇ neˇ myawˆ ni ga-euˬ meh. Kʼoeˇ ngeh neh naˇ, “Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ ehˇ-eu dawˬ daˬ jaˆ laˇ-euˬ meh.