Bawˇtsahˬ 24:20 - Akha

²⁰ Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Bawˇtsahˬ 24:20 ပူးပေါင်းရင်းမြစ်များ

Aˇ dahˬ 36:12

Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh.

1 Laˬsaˬbaˬ 4:43

Kʼoeˇ gaˇ kʼaˇ dzeˇ-eu Aˬmaˬlehˇ tsawˇ haˬ deuˬ-ahˇ aˬ yawꞈ maꞈ sehꞈ-awˇ, kʼoeˇ ngeh neh naˇ, aˬ yawꞈ maꞈ kʼoeˇ gaˇ jawˇ duˬ dah-euˬ meh.

Iˇsaˬtaˆ 3:1

Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Iˇsaˬtaˆ 9:14

Iˇsaˬtaˆ neh ehˇ-euˬ loꞈ-ehˇ bi jahˇ-eu gʼaˇ duˬ sahˬ paˬ dawˬ biꞈ-awˇ, Suˇsaˬ meuˬ doe ni bi tsaꞈ gaˬ doe-iˇ-euˬ meh. Haˬmaˬ-euˬ aˬ li kʼoeˇ tseˇ gʼaˬ-euˬ gʼawˇ mawˇ-ahˇ kʼawꞈ, tsawˇ haˬ dawˬ tawˆ luꞈ mawˇ gaˇ byaˬ taˬ-euˬ meh.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Doˆ-iˇ 17:16

Moˇseˬ ehˇ-eu, “Sahˬpaˬ Miˬyehˇ-euˬ paˇloˬpaˇlehˇ ka tuˇ-awˬ. Sahˬpaˬ Miˬyehˇ-aˬ, aˬ kaˇ kaˇ ziˇ keuˆ ni, Aˬmaˬlehˇ tsawˇ jeuˬ-ahˇ guiˇ deuˆ tehꞈ-a.”

Doˆ-iˇ 17:8

Aˬmaˬlehˇ tsawˇ haˬ deuˬ oe-awˇ, Leˬpiˇdeˬ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Bawˇtsahˬ 24:19

Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ pyeuꞈ-iˇ ngeh keuˆ ni deuˆ tehꞈ-a.”

Bawˇtsahˬ 24:24

Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a. 1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ aˬ yawꞈ maꞈ deuˆ gʼaˬ tehꞈ-a. Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ zaˇ ziˇ ya luˬ ya seˇ-iˇ tehꞈ-a.”

Bawˇtsahˬ 24:7

Aˬ yawꞈ maꞈ uˬ yehˇ tiˬ loꞈ za-awˇ, iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a. Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ naˆ maˬ tseˇ baoˬ huiˬ-awˇ, aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.

Yaˇ kʼaˬ daˇ 6:3

Iˇsaˬleˬlaˆ tsawˇ haˬ deuˬ siˬ yoeˬ kʼaˇ sehˬ ngeh, Miˇdiˬyaˬ tsawˇ haˬ deuˬ bawˇ tsahˬ bawˇ dahˇ-ahˇ jawˇ-eu Aˬmaˬlehˇ tsawˇ haˬ deuˬ nehˬ-ehˇ oe-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

1 Saˬmeuˬlaˆ 14:48

Aˬ yawꞈ kʼaˬ duˬ ni guiˇ deuˆ-eu laꞈ kʼoeˇ, Aˬmaˬlehˇ tsawˇ haˬ deuˬ-ahˇ kʼawꞈ deuˆ gʼaˬ-euˬ meh. Guiˇ kʼaˇ deuˆ le-eu tsawˇ jeuˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ka kʼoꞈ nehˬ-euˬ meh.

1 Saˬmeuˬlaˆ 15:2

Aˬmaˬlehˇ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-eu lehˇ gʼeh-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬmaˬlehˇ tsawˇ haˬ-euˬ aˬ poeˬ aˬ bawˇ deuˬ gaˇ ma-ahˇ loꞈ tsoeˬ-euˬ meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 30:17

Yawˬ nah yawˬ uˬ bya bya laˇ-eu nehˬ-ehˇ, aˬ yawꞈ maꞈ-ahˇ Daˬbiˇ guiˇ deuˆ-awˇ, uˬ ciꞈ deuˆ ciꞈ-euˬ meh. Law taw dziˬ-awˇ cehˆ-euˬ zaˬ guˬ oeˬ yaˇ gʼaˬ maˬ ngeuˇ naˇ, aˬ yawꞈ maꞈ-euˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.