Bawˇtsahˬ 24:19 - Akha

¹⁹ Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ pyeuꞈ-iˇ ngeh keuˆ ni deuˆ tehꞈ-a.”

Bawˇtsahˬ 24:19 ပူးပေါင်းရင်းမြစ်များ

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Bawˇtsahˬ 24:18

Eˬdoˬ miˇ kʼahˬ-ahˇ jawˇ-eu aˬ yawꞈ-ahˇ muiˇ-eu deuˬ-ahˇ aˬ yawꞈ deuˆ gʼaˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ deuˆ geuꞈ-awˇ, Iˇsaˬleˬlaˆ tsawˇ haˬ deuˬ maˬ tsehˆ leˇ ni guiˇ deuˆ gʼaˬ nawˆ nawˆ tehꞈ-a.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.

Luˇkaꞈ 19:12

Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh.

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

1 Gawˇliˬtu 15:25

Aˬ jeˬ miˇ neh ehˇ naˇ, muiˇ-eu deuˬ dawˬ tawˆ luꞈ-ahˇ Miˬyehˇ deuˆ gʼaˬ jiˇ-awˇ, aˬ yawꞈ-euˬ aˬ kuiˇ pehˬ zaˬ uˬ moˆ bi jawˇ jiˇ ngeh keuˆ ni Ka li ya uˆ lahˇ tehꞈ-a.

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

1 Beˬtuˆluˆ 3:22

Gʼoꞈ dehꞈ laˇ-euˬ Ka li-aˬ, mˬ kʼoeˇ taˆ daˆ gʼoꞈ leˇ-awˇ Miˬyehˇ-euˬ aˇ maˇ paw nuiˇ-eu laꞈ kʼoeˇ, mˬ taˆ gʼaˬ kʼehˇ dawˬ tawˆ luꞈ kʼoeˇ taˆ maˬ ehˇ, mˬ taˆ-euˬ sahˬ paˬ sahˬ ma deuˬ hawˇ-eu baoˬ ahˇ-eu deuˬ dawˬ tawˆ luꞈ kʼoeˇ taˆ maˬ ehˇ, uˆ lahˇ luꞈ-eu meh.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.