Bawˇtsahˬ 24:17 - Akha

¹⁷ Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.

Bawˇtsahˬ 24:17 ပူးပေါင်းရင်းမြစ်များ

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

2 Saˬmeuˬlaˆ 8:14

Eˬdoˬ miˇ kʼahˬ doe ni taˆ tsoˆ-awˇ, aˬ yawꞈ-euˬ yehˇ deuˬ-ahˇ bi jawˇ-awˇ, kʼoeˇ gaˇ jawˇ-eu miˇ kʼahˬ zaˬ deuˬ-ahˇ aˬ yawꞈ uˆ lahˇ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ gaˇ na luꞈ guiˇ bi deuˆ gʼaˬ-euˬ meh.

2 Saˬmeuˬlaˆ 8:2

Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

2 Sahˬpaˬ 3:5

Ehˇ kʼawꞈ, Iˇsaˬleˬlaˆ sahˬ paˬ Aˬhaˆ shiˇ ngeh jawˇ, Iˇsaˬleˬlaˆ miˇ kʼahˬ-ahˇ aˬ yawꞈ puiˬ-euˬ meh.

1 Laˬsaˬbaˬ 18:2

Mawˇbaˆ tsawˇ haˬ deuˬ-ahˇ kʼawꞈ aˬ yawꞈ guiˇ deuˆ gʼaˬ-awˇ, aˬ yawꞈ maꞈ aˬ yawꞈ uˆ lahˇ-eu uˬ moˆ jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Jaceuq 45:6

Miˬyehˇ neh nawˬ-ahˇ biꞈ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ tehꞈ-a. Yaw tsaˬ yaw dawˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ uˆ lahˇ-awˇ,

Iˇsaˬyaˇ 15:1

Heu-aˬ, Mawˇbaˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Mawˇbaˆ miˇ kʼahˬ laꞈ kʼoeˇ jaˆ-eu, Aˇlaˆ meuˬ hawˇ-eu Kiˇlaˆ meuˬ, tiˬ miˇ tehꞈ-ehˇ bi laˆ cawˆ-awˇ, Mawˇbaˆ miˇ kʼahˬ ciˬ cuˇ ni jaˆ-eu meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 48:1

Mawˇbaˆ miˇ kʼahˬ gaˇ kawˆ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Neˬboˬ meuˬ-ahˇ jawˇ-eu deuˬ-ahˇ gʼawˬ shaˬ gaˬ-awˬ. Aˬ yawꞈ maꞈ-euˬ meuˬ bi laˆ cawˆ-euˬ meh. Kiˇlaˬdeˬ meuˬ-ahˇ aˬ cawˬ deuˆ gʼaˬ-awˇ, ziꞈ dui dui-eu taˆ deuˬ bi deuˆ byaˆ-awˇ, meuˬ-ahˇ jawˇ-eu deuˬ daˬ ga dui dui-awˇ,

Yeˬlaˬmiˇ 48:45

Uˬ duˬ tahˬ shaˇ kʼaˇ maˬ za-eu tsawˇ haˬ kʼoeˇ deuˬ, yaw beh sahˬ paˬ Siˇhoˬ neh uˆ lahˇ-euˬ Heˬsahˬboˬ meuˬ-ahˇ cehˆ leˇ-euˬ meh. Ehˇ kʼawꞈ, meuˬ kʼoeˇ meuˬ miˬ dzaˬ puiˆ luꞈ-eu meh. Guiˇ deuˆ haw ma lehˇ lmˬ-eu Mawˇbaˆ tsawˇ haˬ deuˬ-euˬ miˇ kʼahˬ gaˇ dzeˇ gaˇ taw maˬ ehˇ, gawˬ jawˬ yaw goˇ deuˬ-ahˇ maˬ ehˇ, miˬ dzaˬ puiˆ dzaˬ jiˇ-euˬ meh.

Zaˬkaˬliˇ 10:4

Aˬ yawꞈ maꞈ-ahˇ ngaˇ bo saˆ-awˇ, guiˇ deuˆ-eu mahˬ bi pyeuꞈ laˇ ma. Ngaˬ-euˬ tsawˇ haˬ-ahˇ uˆ lahˇ-eu, dzoeˬ dzaˬ-eu sahˬpaˬ sahˬ ma deuˬ, sheuˬ gʼeh-eu aˬ yuiꞈ aˬ tsu deuˬ, yawꞈ maꞈ laꞈ kʼoeˇ bi doˆ laˇ ma.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Bawˇtsahˬ 21:29

Mawˇbaˆ tsawˇ haˬ deuˬ-oˇ, naw maꞈ gʼaˇ duˬ aˇ naˆ ni guˆ paˬ-ehˇ gʼeh-eu nga. Sheˬmoˇshaˆ-ahˇ uˬ duˬ tahˬ-eu naw maꞈ ya luˬ ya seˇ-iˇ-euˬ maˬ ngeuˇ nya loˇ. Naw maꞈ-euˬ miˬyehˇ naw maꞈ-ahˇ bi cehˆ byoˆ laꞈ-awˇ, Zaˬ miˬ zaˬ deuˬ-ahˇ Aˬmawˇliˆ sahˬ paˬ neh bi nyehꞈ geuꞈ-euˬ meh.

Bawˇtsahˬ 24:16

Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu gʼaˬ jawˇ gaˇ neh oe-euˬ zaˬ siˬ nui gahˇ za-euˬ gʼaˬ-euˬ dawˬ heu loˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

1 Saˬmeuˬlaˆ 14:38

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ Sawˇluˆ ehˇ nehˬ-eu, “Heu gaˇ laˇ-awˇ, iˬ nah iˬ baˇ aˬ geu jeˬ mˇ taˬ-euˬ jaˆ-eu nga lehˇ pyehˆ tseˇ duˬ haw laˇ sheˇ.