Bawˇtsahˬ 24:14 - Akha14 Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.” အခန်းကိုကြည့်ပါ။ |
Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.
Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”
Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.
‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.
Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.
Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.