Bawˇtsahˬ 23:7 - Akha

⁷ Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Mawˇbaˆ sahˬ paˬ-aˬ, Suˇliˆ miˇ kʼahˬ-ahˇ neh ngaˬ-ahˇ sheuˬ laꞈ-euˬ meh. Nahˇ ma doˆ kʼehˬ paw jaˆ-eu gawˬ jawˬ deuˬ-ahˇ neh, aˬ yawꞈ ngaˬ-ahˇ sheuˬ laꞈ-euˬ meh. Aˬ yawꞈ gʼaˇ duˬ dawˬ ngehˬ-eu laꞈ kʼoeˇ, ‘Iˇsaˬleˬlaˆ tsawˇ haˬ deuˬ-ahˇ yaˬ kʼehˇ yaˬ laˇ-awˬ’ lehˇ, aˬ yawꞈ ngaˬ-ahˇ ehˇ-eu meh.

Bawˇtsahˬ 23:7 ပူးပေါင်းရင်းမြစ်များ

Aˇ dahˬ 10:22

Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 28:2

Maˬsoˬpoˬtaˬmiˇ miˇ kʼahˬ-ahˇ, nawˬ bawˇ Beˬtuˬlaˇ jawˇ gaˇ le-awˇ, nawˬ gʼoe Laˬbaˬ-euˬ aˬ buˇ-ahˇ sheuˬ leˇ-awˬ.

Aˇ dahˬ 28:7

Kʼoeˇ uˬ taꞈ, aˬ ma aˬ da-euˬ ehˇ dawˬ-ahˇ Yaˬkoˆ naˇ haˬ-awˇ, Maˬsoˬpoˬtaˬmiˇ miˇ kʼahˬ-ahˇ miˬ zaˬ poˆ leˇ-euˬ gaˇ kawˆ kʼawꞈ, aˬ yawꞈ paˇ ya siˬ-euˬ meh.

2 Saˬmeuˬlaˆ 21:21

Iˇsaˬleˬlaˆ tsawˇ haˬ deuˬ-ahˇ aˬ yawꞈ yehˬ bawˬ sehˇ lu-ehˇ ehˇ-awˇ lmˬ lmˬ-ehˇ jawˇ ngeh, Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˆshaˬ neh aˬ yawꞈ-ahˇ sehꞈ-euˬ meh.

2 Saˬmeuˬlaˆ 23:9

Tsawˇ myahˇ doˆ dui dui-eu yehˇ smˇ gʼaˬ laꞈ kʼoeˇ, nyiˬ gʼaˬ tiˬ gʼaˬ-aˬ, Aˬhawˇ aˇ jeuˬ Doˇdoˬ-euˬ aˬ li Eˇlaˬzaˬ meh. Tiˬ nah-aˬ, guiˇ deuˆ-eu lehˇ uiˬ leˇ taˬ-euˬ Piˇliˇtiˆ tsawˇ haˬ deuˬ-ahˇ, Daˬbiˇ aˬ yawꞈ nyaꞈ deuˆ ceh ceh-euˬ meh. Iˇsaˬleˬlaˆ tsawˇ haˬ deuˬ guiˇ deuˆ smˬ-awˇ cehˆ jiˇ-euˬ meh.

Yawˇbaˆ 27:1

Yawˇbaˆ paˇ ehˇ-eu,

Yawˇbaˆ 29:1

Kʼoeˇ naˇ, Yawˇbaˆ aˬ yawꞈ-euˬ gaˇ kawˆ heu loꞈ-ehˇ paˇ ehˇ-eu meh.

Jaceuq 49:5

Guˆ-eu gaˆ-eu jeˬ keuˆ le ngeh ngaˇ maˬ guˆ. Ngaˬ-ahˇ jawˬ lahˇ laˇ-eu muiˇ-eu deuˬ pyeuꞈ-eu,

Jaceuq 78:2

Tsawˇ gahˇ ahˇ-eu dawˬ daˬ deuˬ ngaˇ zmˬ-awˇ, dzeuˇ yaꞈ-euˬ gaˇ kawˆ dawˬ tsuiꞈ pah mehˬ nehˬ ma.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Yeˬsaˬgeˬlaˇ 17:2

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ yaw jeˬ ma jeˬ gaˇ kawˆ tiˬ hmˬ ja mehˬ nehˬ-awˬ.

Yeˬsaˬgeˬlaˇ 20:49

Ehˇ kʼawꞈ, ngaˇ heu loꞈ-ehˇ shaˇ ju-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ kʼoeˇ loꞈ-ehˇ taˬ bi ehˇ-iˇ neh laꞈ. Ngaˇ aˬ myah luꞈ dawˬ yehˆ tehꞈ-ehˇ yehˆ yehˆ-ehˇ jawˇ meh lehˇ aˬ yawꞈ maꞈ ehˇ luꞈ meh.”

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Haˬbaˬkuˆ 2:6

Kʼaˇ jawˇ kʼaˇ deuˬ yawꞈ-ahˇ bye-awˇ, yaˬ kʼehˇ maˬ toˇ-ehˇ jawˇ nmˇ loˇ. “Aˬ cawˬ-euˬ pyuˇ shuiˇ baꞈ uiˬ-awˇ, smˇ muiˬ aˬ da geuꞈ-eu gʼaˬ-oˇ, nawˇ dehꞈ dzaˬ-eu aˇ nah aˇ yamˬ, nymˇ le-euˬ siˬ nya ma loˇ” lehˇ, yaˬ kʼehˇ yaˬ gaˇ ya daˬ tehꞈ-a.

Bawˇtsahˬ 22:11

‘Iˇjiˇtuˆ miˇ kʼahˬ-ahˇ neh laˇ-euˬ tsawˇ haˬ deuˬ miˇ kʼahˬ kʼahˬ lah ni jawˇ byah jiˇ taˬ-euˬ meh. Tsawˇ haˬ kʼoeˇ deuˬ-ahˇ aˬ yawꞈ guiˇ deuˆ gʼaˬ-awˇ teh doˆ nya ni, aˬ yawꞈ gʼaˇ duˬ tsawˇ haˬ kʼoeˇ deuˬ kʼoeˇ taˆ yaˬ kʼehˇ yaˬ nehˬ laˇ-awˬ’ lehˇ bi tsaꞈ le-euˬ meh.”

Bawˇtsahˬ 22:17

Aˇ poeˬ kʼaˆ dui dui-eu laꞈ sawˬ deuˬ hawˇ-eu nawˇ kʼaˇ shaˇ-eu jeˬ ngaˇ nawˬ-ahˇ biꞈ ma. Laˇ-awˬ. Ngaˬ-euˬ gʼaˇ duˬ tsawˇ haˬ heu deuˬ-ahˇ yaˬ kʼehˇ yaˬ nehˬ laꞈ-awˬ.”

Bawˇtsahˬ 23:18

Kʼoeˇ ngeh, Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Ziˇpoˬ-euˬ aˬ li Baˬlehˇ-oˇ, laˇ-awˬ. Ngaˇ ehˇ gaˇ naˇ haˬ laˇ-awˬ.

Bawˇtsahˬ 23:6

Aˬ yawꞈ gʼoꞈ-iˇ ngeh, Baˬlehˇ hawˇ-eu Mawˇbaˆ tsawˇ haˬ aˬ yuiꞈ aˬ tsu dawˬ tawˆ luꞈ, aˬ yawꞈ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ luꞈ gaˇ aˬ yawꞈ ya mawˇ-euˬ meh.

Bawˇtsahˬ 24:15

Kʼoeˇ naˇ, Miˬyehˇ gʼaˇ duˬ dawˬ ngeh dah-eu laꞈ kʼoeˇ, aˬ yawꞈ heu loꞈ-ehˇ ehˇ-eu meh. “Beˬyoˇ-euˬ aˬ li Baˬlamˬ-euˬ dawˬ, haw duˬ mawˇ duˬ nya-eu gʼaˬ-euˬ dawˬ,

Bawˇtsahˬ 24:21

Kʼoeˇ naˇ, yaw sahˇ laꞈ kʼoeˇ Kaˬnaˆ tsawˇ haˬ deuˬ-ahˇ aˬ yawꞈ paˇ mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Naw maꞈ-euˬ miˇ kʼahˬ-aˬ, ziꞈ dah ni gʼeh-awˇ, Lo guˇ uˬ gʼmˬ-ahˇ jaˆ-eu aˇ jiˇ bahˬ loꞈ-ehˇ, tiˬ jeˬ-ahˇ-iˬ guˆ kʼaˇ maˬ za-a.

Bawˇtsahˬ 24:23

Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ paˇ ehˇ-eu meh. “Laꞈ taˆ paw kʼahˬ-ahˇ uiˬ leˇ taˬ-awˇ jawˇ-eu teu deuˬ aˬ suˇ gʼaˬ-a.

Bawˇtsahˬ 24:3

Miˬyehˇ gʼaˇ duˬ ngeh dah-eu laꞈ kʼoeˇ aˬ yawꞈ heu loꞈ-ehˇ ehˇ-eu meh. “Beˬyoˇ-euˬ aˬli Baˬlamˬ-euˬ dawˬ, haw duˬ mawˇ duˬ nya-eu gʼaˬ-euˬ dawˬ,

Maꞈtehˬ 13:33

Aˬ yawꞈ maꞈ-ahˇ Yeˬsuˇ yaw jeˬ ma jeˬ tiˬ hmˬ heu loꞈ-ehˇ paˇ ja mehˬ nehˬ-euˬ meh. “Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Zaˬ miˬ zaˬ tiˬ gʼaˬ dehˬ tseˬ ui cuiˆ yuˇ-awˇ, cehˇ meu smˇ puˬ-ahˇ keuˬ-awˇ, dawˬ tawˆ luꞈ bi poˬ laˇ jiˇ gaˇ duˇ-eu meh.”

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Dawˬmehˬ 23:4

Iˇjiˇtuˆ miˇ kʼahˬ laꞈ kʼoeˇ neh nawˇ doˆ le ngeh, aˬ yawꞈ maꞈ nawˬ-ahˇ dzaˬ dzaˬ dawˇ dawˇ hawˇ-eu iˇ cuꞈ maˬ biꞈ-euˬ uˬ taꞈ, naw maꞈ-ahˇ yaˬ kʼehˇ bi yaˬ-eu lehˇ, Maˬsaˬpoˬtaˬmiˇ miˇ kʼahˬ-ahˇ jaˆ-eu Peˬdawˬ meuˬ-ahˇ jawˇ-eu Beˬyoˇ-euˬ aˬ li Baˬlamˬ-ahˇ aˬ yawꞈ maꞈ aˇ poeˬ biꞈ-awˇ, kuˇ taˬ-euˬ meh.

1 Saˬmeuˬlaˆ 17:10

Ngaˬ nehˬ-ehˇ deuˆ ceh ceh peuˬ-eu tsawˇ haˬ tiˬ gʼaˬ, iˬ nah tseˇ doˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ kuˇ-eu ma.”

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.

1 Saˬmeuˬlaˆ 17:45

Daˬbiˇ ehˇ-eu, “Gahˬ gahˬ zaˬ gahˬ ma kuꞈ ni baꞈ-awˇ, mi cehˇ shaꞈ-eu laꞈ kʼoeˇ, ngaˬ-ahˇ deuˆ laˇ-eu lehˇ nawˇ laˇ-eu nga laˬ. Ehˇ kʼawꞈ, ngaˇ-aˬ, nawˇ lmˬ luꞈ-eu Iˇsaˬleˬlaˆ guiˇ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ guiˇ deuˆ le-euˬ ma.