Bawˇtsahˬ 23:5 - Akha

⁵ Kʼoeˇ ngeh, aˬ joˆ-ehˇ ya ngehˬ ya tmˇ-eu gaˇ kawˆ Sahˬpaˬ Miˬyehˇ neh Baˬlamˬ-ahˇ mehˬ nehˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 23:5 ပူးပေါင်းရင်းမြစ်များ

Doˆ-iˇ 4:15

Aˬ yawꞈ nehˬ-ehˇ nawˇ ja cawˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ aˬ yawꞈ-ahˇ nawˇ mehˬ nehˬ nya tehꞈ-a. Naw nyaꞈ nyiˬ gʼaˬ luꞈ dawˬ ngehˬ nya ni ngaˇ caw ba-awˇ, aˬ joˆ-ehˇ ya mˇ-eu gaˇ kawˆ naw nyaꞈ-ahˇ ngaˇ mehˬ nehˬ ma.

Dawqdaq 16:1

Nui noeˬ tsawˇ haˬ-ahˇ oꞈ kʼawꞈ, dawˬ tmˇ Sahˬpaˬ Miˬyehˇ-ahˇ oꞈ-mˇ jeˇ.

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Yeˬlaˬmiˇ 1:9

Kʼoeˇ naˇ, Sahˬpaˬ Miˬyehˇ aˬ laꞈ cawˬ ja-awˇ, ngaˬ-euˬ mehˬ luˬ-ahˇ toeˬ-awˇ, heu loꞈ-ehˇ ehˇ-eu meh. “Naˇ haˬ-awˬ. Nawˇ ya ngehˬ-eu dawˬ nawˬ-ahˇ ngaˇ biꞈ-eu ma.

Bawˇtsahˬ 22:20

Kʼoeˇ ngeh miˇ, Baˬlamˬ jawˇ gaˇ Miˬyehˇ oe-awˇ, “Aˬ yawꞈ maꞈ nehˬ-ehˇ laˇ-awˬ lehˇ tsawˇ haˬ heu deuˬ nawˬ-ahˇ kuˇ le-euˬ ngeuˇ naˇ, lehˬ hmˬ-awˇ le-awˬ. Ehˇ kʼawꞈ, ngaˇ kʼaˇ bi ehˇ-euˬ loꞈ-ehˇ tehꞈ-ehˇ ehˇ lawˬ.”

Bawˇtsahˬ 22:35

Mˬ taˆ gʼaˬ kʼehˇ kʼoeˇ gʼaˬ paˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Ehˇ kʼawꞈ, ngaˬ neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ nawˇ ya ngehˬ ya tmˇ meh.”. Kʼoeˇ naˇ, tsawˇ haˬ kʼoeˇ deuˬ nehˬ-ehˇ Baˬlamˬ le gʼeh leꞈ-euˬ meh.

Bawˇtsahˬ 23:16

Baˬlamˬ-ahˇ Sahˬpaˬ Miˬyehˇ tahˬ puˬ le-awˇ, aˬ joˆ-ehˇ ya ngehˬ ya tmˇ-eu gaˇ kawˆ mehˬ nehˬ gʼaˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 23:4

Kʼoeˇ gaˇ, Miˬyehˇ aˬ yawꞈ-ahˇ tahˬ puˬ le-euˬ meh. Miˬyehˇ-ahˇ Baˬlamˬ ehˇ nehˬ-eu, “Lawˇ duˬ shiꞈ tsahˇ ngaˇ tsoˆ gʼaˬ-awˇ, aˬ yawꞈ tsahˇ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ ma.”

Bawˇtsahˬ 23:6

Aˬ yawꞈ gʼoꞈ-iˇ ngeh, Baˬlehˇ hawˇ-eu Mawˇbaˆ tsawˇ haˬ aˬ yuiꞈ aˬ tsu dawˬ tawˆ luꞈ, aˬ yawꞈ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ luꞈ gaˇ aˬ yawꞈ ya mawˇ-euˬ meh.

Luˇkaꞈ 12:12

Aˬ jeˬ miˇ neh ehˇ naˇ, aˇ yamˬ tsaˬ laˇ ngeh, naw maꞈ ya ngehˬ ya tmˇ-eu dawˬ deuˬ, Muiˬ-eu shawˇ-eu Yaw sahˇ Miˬyehˇ naw maꞈ-ahˇ mehˬ nehˬ tsoˆ nehˬ laꞈ tehꞈ-a.”

Yoˇhaˬ 11:51

Maˇ maˇ ni ehˇ leꞈ naˇ, aˬ yawꞈ kʼoeˇ loꞈ-ehˇ ehˇ-eu-aˬ, aˬ yawˇ yawꞈ noeˬ doˆ-awˇ ehˇ-eu maˬ ngeuˇ-a. Ehˇ kʼawꞈ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu miˇ neh, Yuˇdaˆ tsawˇ jeuˬ gʼaˇ duˬ Yeˬsuˇ shiˇ dah tehꞈ-a lehˇ, Miˬyehˇ-euˬ dawˬ ngehˬ dah-eu jeˬ pyeuꞈ-eu meh.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.